احببتك سرا ولكن

الحلقة الثالثه

الحلقة الثالثه من رواية "احببتك سرا ولكن"
النهاردة فاضل يوم واحد بس علي الرحله وعند البنات
كارما ورؤية رايحين جايين يجهزوا في الحاجات اللي هيخدوها معاهم
رؤية ل كارما كده خلاص جبنا الفراخ والرز وحاجات السلطه واللب والفول السوداني وجميع انواع الشبسيات والكانز
كارما بتقول احنا دلوقتي لازم ننام لاننا عندنا سهر علشان نقدر نجهز الحاجات ولازم كمان نكون فايقين في الرحله
طبعا مامت رؤيه ورؤيه كانو في بيت كارما بحكم ان بباها مسافر  
وكنزي كبرت شويه ف كانوا يقدروا يسبوها مع سيف وبباها
نروح عند الشباب بالليل
احمد ومحمود حبوا تكون الرحله مختلفه وجابوا رنجه وسمك وجهزوا حاجات السلطات والشيبسي والكانز وبما انهم شباب في بعضهم ف كانوا كلهم في بيت احمد بس علي السطوح كل واحد يعمل مهمه
احمد ومحمود وعمر وتميم نضفوا الرنجه كويس من اي حاجه وفصلوا منها الشوك والبطارخ
وعمرو وعبدالله وخالد وعبدالرحمن غسلوا السمك كويس وجهزوا نار الشوي
وام احمد ومحمود عملولهم عيش في الفرن علشان يكفيهم في الرحله
وامهات باقي الشباب في اللي عمل الرز واللي حلويات واللي جهزلهم المخلل
لحد ما جه الفجر اتجمع الشباب كلهم صلوا الفجر وناموا شويه قبل الرحله
عند البنات
مامت كارما ورؤيه  صحوا البنات علشان يصلوا الفجر وكمان علشان يسوو الحاجات اللي هياخدوها  وكمان المعلمه بتاعتهم في بيتها بتجهز نص الحاجات
ام رؤيه شوت الفراخ ومامت كارما جهزت الرز ورؤيه عملت السلطه وكارما جهزت الحلويات
والساعه جات 6 كانوا مخلصين كل حاجه ولبسوا وجهزوا كمان
ومماتهم ساعدوهم ينزلوا الحاجات في عربية معلمتهم وانطلقوا لي احد الشواطئ 
ومن حظهم ان مكنش في اي مناسبات وكان الشاطئ هادي جدا من الزوار
واختاروا مكان قريب جدا من البحر  وفرشوا حاجتهم وقعدوا
نبص بصه علي الشباب كده
في بيت احمد
كده خلاص السمك والرنجه والرز والسلطات والحلويات وكل حاجه جهزت خلاص
احمد بصوت عالي ها يا شباب كل حاجه جاهزه
الشباب كلهم كله جاهز  يا ابو حميد  وانطلقوا لنفس الشاطئ اللي فيه البنات
بعد ما الشباب وصلوا واختاروا مكانهم
جهزوا كل حاجه 
واخدوا الكوره معاهم وفضلوا يلعبوا بيها
احمد وهو بيضحك بص ياض يا محمود الحركه دي
وهوب الكوره طارت لبست في وش رؤيه 😮
كارما والمعلمه بخضه علي رؤيه
حصلك حاجه
رؤيه وهي بتمسح في وشها ما حصلش حاجه الحمد لله
الشباب وهما بيتخانقوا مين يجب الكوره بعد اللي حصل
محمود بيقول ل احمد زي ما رمتها روح هاتها
احمد بيقول امري الي الله ربنا يستر بس ما يكونش حصل حاجه للبت اللي اتخببطت في وشها
احمد وهو بيجري عند المكان اللي فيه المعلمه والبنات
احمد سلام عليكم
المعلمه والبنات وعليكم السلام
احمد انا بعتذر جدا منكم لان الكوره جات غصب عني
المعلمه
ما حصلش حاجه بس خدوا بالكم المره الجايه
احمد بعتذر منكم كمان مره سلام
احمد برغم ان كلامه كان مع المعلمه بس شاف رؤيه بطرف عينه (خبيث الواد ده 😂😂)
ودي مانت اول مره احمد يشوف رؤيه
احمد وصل عند صحابه ها يا ابو حميد البنت حصلها حاجه
احمد  وهو بياخد نفسه لأ الحمد لله جات سليمه
احمد باين عليهم ناس محترمين لان امهم ما زعقتش وحتي البنات وشهم كان في الارض (ما يعرفش ان دي معلمة البنات مش امهم)
محمود بصوت عالي وهو بينادي علي الشباب يلا بينا بقي يا جدعان ناكل الواحد فرهض من كتر اللعب
واتجمع الشباب كلهم وحطوا الاكل في الاطباق وقعدوا ياكلوا وهما بيضحكوا ويهزروا مع بعض
وعند البنات بعد ما اكلوا راحوا عند الميه وفضلوا يرشوا ميه علي بعضهم ومعلمتهم قاعده تضحك عليهم
وبعد ما اليوم خلص والكل روح بيته
دخلوا ناموا من كتر تعب اليوم
وجه يوم نتيجة رؤيه
رؤيه بقلق وهي عماله تدعي
يا رب اجيب مجموع ثانوي يا رب
مامتها وهي ماسكه الفون بتبحث علي النتيجه اهدي يا رؤيه بإذن الله هتجيبي مجموع كبير
وبعد دقيقه مامتها بصتلها وفي عيونها دموع الفرحه
وبتاخدها في حضنها نجحتي يا رؤيه نجحتي رؤيه بعياط بجد يا ماما طيب جبت كام
مامتها ناقص 17 درجه وتقفلي
رؤيه وهي بتحسبها علي الاله الحاسبه يعني 94% ونص
مامتها ايوه يا نور عيني
رؤيه بعياط وهي بتسجد سجدة شكر ل ربنا الحمد لله يا رب الحمد لله (الشعب المصري كالعاده بيعيط في كل الاوقات شعب نكدي😂😂😂)
مامتها اتصلت بباها وهو في الشغل وفرحته
ابو رؤيه بفرحه بركيلي ليها ووعد مني اجبلها الفون اللي كنت واعدها بيه بس خليه مفاجأة
وكمان هوزع ببسي علي صحابي هنا افرحهم معايا
ام رؤيه ربنا يفرحنا بيها دايما يا رب
رؤيه اخدت الفون واتصلت ب اخوها سيف علشان تفرحه وعلشان يجبلها الهديه اللي هو كان واعدها بيها
واتصلت ب كارما كمان وفرحتها  معاها
ام رؤيه ل رؤيه ثانوي بقي ان شاء الله يا رؤيه
رؤيه بأمل
اه يا ماما هدخل ثانوي علشان ادخل كلية الطب زي ما بحلم
وبعد ساعات جه ابو رؤيه وسيف كمان وراحوا علي اوضة رؤيه واخدوها في حضنهم وكل واحد ادالها الهديه بتاعتها رؤيه بفرحة
ربنا يدمكم ليا يا رب
سيف بضحك يديمنا احنا ولا الهدايا
رؤيه بضحك انتوا الاتنين طبعا 😂😂
رؤيه فرحتكم بيا احلي من الف هديه
ابو رؤيه ربنا يحميكم ليا يا ولادي وتفضلوا رافعين راسي طول العمر كده
الكل اللهم امين يارب
وبعد ايام ظهرت نتيجه كارما وكانت فرحانه جدا ومامتها جابتها هديه جميله اوي فرحت بيها
واتصلت علي رؤيه تفرحها
رؤيه بفرحه الف مليون مبروك يا كوكي ومن نجاح ل نجاح دايما يا رب
كارما اللهم امين يارب واياكي
ويعدي يومين كمان ويجي الرعب الحقيقي
وهو نتيجة الثانويه العامه
احمد راح بيت محمود علشان يشوفوا النتيجه مع بعض
احمد بتوتر وخوف
السيستم عليه ضغط عالي اوي الواحد متوتر اوي 😬
محمود بإذن الله خير
وفجاه احمد ومحمود نتيجتهم ظهرت في نفس اللحظة
محمود وهو بيبص ل احمد انا جبت 90%
احمد وهو علي نفس صدمته وانا كمان 90%
الاتنين سجدوا سجدت شكر ل ربنا
واخدوا بعض بالحضن وهما فرحانين
ووقتها خلاص اتأكدوا انهم هيدخلوا كليات احلامهم
محمود فرح اهله وهما فرحوا بيه جدا
واحمد روح البيت وفرح اهله هوا كمان
وابوه وامه فرحوا انه خلاص حقق حلمه وحمدوا ربنا عليه

وبكده نكون خلصنا الحلقه التالته من روايتنا
دمتم في امان الله ♥