#هدية_الشيخ_هشام
#الكاتبه_التميميه
#البارت28
مساء ﺍﻟﺒﺮﺭﺭﺩ ﻭﻋﺸﻖ
ﺣﻮﺭﻱ ﻭﺍﻟﺸﻴﺦ 😍
ﺣﻮﺭﺍﺀ ﺗﻮﺭﻃﺖ ﻭﺧﺎﻓﺖ ﺷﺴﻮﺕ ...
ﺣﻮﺭﺍﺀ : ﻭﻟﺞ ﺍﻳﺔ ﻟﺤﻜﻲ ﻫﺸﺎﻡ ﺟﺎﻱ ﻫﺴﺔ ﻭﻳﺮﻳﺪ ﻳﺨﺮﺏ ﺍﻟﻌﻘﺪ
ﺍﻳﺔ : ﻋﺰﺯﺯﺍﺍﺍ .. ﺍﻧﺘﻲ ﻏﺒﻴﺔ ﻛﺘﻠﺞ ﺍﻟﻲ ﺗﺴﻮﻳﻨﻪ ﻏﺒﺎﺀ ﻭﺭﺍﺡ ﺗﺤﺮﻛﻴﻦ ﺍﻷﺧﻀﺮ ﻭﺍﻟﻴﺎﺑﺲ .. ﻫﺴﺔ ﺍﺑﻮﻱ ﺷﺮﺍﺡ ﻳﻜﻮﻝ ... ﺑﺲ ﻭﻧﺎﺳﺔ ﺭﺍﺡ ﻳﺴﻮﻱ ﻋﻠﻴﺞ ﻫﻬﻬﻬﻬﻪ ﻭﻟﺞ ﺣﻮﻳﺮﻩ ﻣﺎﺩﺭﻳﺖ ﻫﻴﺞ ﻳﺤﺒﺞ ﺧﺨﺨﻤﺨﺦ
ﺣﻮﺭﺍﺀ ﺑﺨﻮﻑ : ﺷﻮﻑ ﻫﺎﻱ ﻳﺎﺭﺑﻲ ﺻﺪﻙ ﻏﺒﻴﺔ ﺍﻧﻪ .. ﻣﺎﻓﻜﺮﺕ ﺑﺸﻲ ﻏﻴﺮ ﺍﻗﻬﺮﻩ ﻭﺍﺧﻠﻲ ﻳﻨﺪﻡ .. ﻫﺴﺔ ﺭﺍﺡ ﺗﺼﻴﺮ ﺳﺎﻟﻔﺔ ﺟﺒﻴﺮﺓ .. ﺍﻭﻳﻠﻲ ﺑﺎﺑﺎ ....
ﻃﻠﻊ ﻣﻌﺼﺐ ﻭﺭﺍﺡ ﻳﺼﻌﺪ ﺳﻴﺎﺭﺗﻪ .. ﺷﻐﻠﻬﺎ ﻭﺍﺗﺠﻪ ﻟﺒﻴﺖ ﺍﻟﺸﻴﺦ ﺣﺴﻴﻦ .. ﻭﻫﻮ ﻳﻤﺸﻲ ﺳﺮﻳﻊ ﻭﻳﺮﻳﺪ ﻳﻮﺻﻞ ﻟﻬﻨﺎﻙ ..
ﺑﺲ ﻓﻜﺮ ﺷﺮﺍﺡ ﻳﻜﻮﻥ ﻣﻮﻗﻔﻪ ﻟﻮ ﺩﺧﻞ ﻫﻴﺞ ﻋﺼﺒﻲ ﻭﻳﺘﺼﺮﻑ ﻣﺜﻞ ﺍﻟﻤﺮﺍﻫﻘﻴﻦ ﻭﻳﻤﻨﻊ ﺍﻟﺨﻄﺒﺔ ﺍﺗﻢ ...
ﻫﺸﺎﻡ : ﻻ ﻳﺎﻟﻠﻪ ﻫﺎﻱ ﺷﺒﻴﻪ ﺧﻠﺘﻨﻲ ﺍﺻﻴﺮ ﻣﺮﺍﻫﻖ .. ﺑﺎﻟﻬﺪﺍﻭﺓ ﺍﻱ ﺑﺎﻟﻬﺪﺍﻭﺓ .. ﻭﻣﺎﻧﺘﺒﻪ ﻟﻠﺴﻴﺎﺭﺓ ﺍﻟﻲ ﺍﺟﺘﻪ .. ﻭﺻﺪﻣﺘﻪ ...
ﻭﻛﻔﺖ ﺍﻟﺴﻴﺎﺭﺓ ﺑﻨﺺ ﺍﻟﻄﺮﻳﻖ .. ﺭﻓﻊ ﺭﺍﺱ ﻣﻦ ﺍﻟﺪﺭﻛﺴﻮﻥ ﻭﺧﺸﻤﻪ ﻇﻞ ﻳﻨﺰﻑ ﻗﻮﻱ .. ﻭﻟﺰﻡ ﺧﺸﻤﻪ ﻭﺑﺎﻭﻉ ﻷﻳﺪﻩ ﻣﻠﻴﺎﻧﺔ ﺩﻡ ﻭﺷﻮﻱ ﺩﺷﺪﺍﺷﺘﻪ ﺻﺎﺭﺕ ﻛﻠﻬﺎ ﺩﻡ ...
ﻣﺎﻫﺘﻢ ﻭﻻ ﺣﺘﻰ ﻟﻠﻲ ﺩﻋﻤﻪ .. ﻭﺷﻐﻠﻬﺎ ﻟﻠﺴﻴﺎﺭﺓ ﻭﻣﺸﻪ ﻭﺧﺸﻤﻪ ﻳﻨﺰﻑ ﻭﻳﻤﺴﺢ ﺑﻲ ﻭﻳﻨﺰﻑ .. ﻭﺻﻞ ﻟﺒﻴﺖ ﺍﻟﺸﻴﺦ ﺣﺴﻴﻦ ﻭﻫﻮ ﺻﺪﻙ ﻣﻌﺼﺐ ...
ﻧﺰﻝ ﺩﻙ ﺍﻟﺒﺎﺏ .. ﻭﻃﻠﻊ ﺣﻤﺰﺓ ﺑﻮﺟﻬﻪ ... ﺷﺎﻓﻪ ﻣﺪﻣﻢ .. ﺍﺧﺘﺮﻉ ﻭﻛﻠﻪ ﺷﺼﺎﻳﺮﻟﻚ ﻳﺎﺷﻴﺦ ...
ﻫﺸﺎﻡ ﺩﺧﻞ ﺟﻮﻯ ﻭﻳﻤﺴﺢ ﺩﻡ ﺧﺸﻤﻪ ﻭﺑﻌﺪﻩ ﻳﻨﺰﻑ .. ﺩﺧﻞ ﺑﺪﻳﻮﺍﻥ ﺍﻟﺸﻴﺦ ﺣﺴﻴﻦ ﻭﺷﺎﻓﻬﻢ ﻣﺠﻤﻌﻴﻦ ﻭﺍﻟﺰﻟﻢ ...
ﺍﻟﺸﻴﺦ ﺣﺴﻴﻦ ﺗﻔﺎﺟﺄ ﺑﺪﺧﻠﺘﻪ : ﻫﺸﺎﺍﺍﺍﻡ
ﺑﺎﻭﻋﻬﻮ ﻋﻠﻴﻪ ﻣﺨﺘﺮﻋﻴﻦ ﻭ ﻛﻠﻪ ﺩﻡ ...
ﺑﺎﺳﻢ ﻫﻤﺲ : ﻫﺬﺍ ﺯﻭﺟﻬﺎ ﺟﺎﻥ .. ﻻ ﻳﺎﻟﻠﻪ ﺧﺮﺑﺖ
ﻫﺸﺎﻡ ﻭﻫﻮ ﻳﻤﺴﺢ ﺑﺪﻣﻪ : ﻟﻮ ﺳﻤﺤﺖ ﻳﺎﻋﻢ ﺍﺑﻮ ﺣﻤﺰﺓ ﺍﺭﻳﺪ ﺍﺣﺎﺟﻴﻚ
ﺍﻟﺸﻴﺦ ﺣﺴﻴﻦ ﻛﺎﻡ ﻭﻛﻒ : ﺷﺮﺍﻳﺪ ﻳﺎﺷﻴﺦ ﺍﻧﻪ ﻭﻳﺎﻙ ﺍﻧﺘﻬﺖ ﻋﻼﻗﺘﻨﻪ ﺍﻻﺳﺮﻳﺔ ﻣﻦ ﺯﻣﺎﻥ ﻣﺎﻳﺮﺑﻄﻨﻪ ﻏﻴﺮ ﺍﺣﻔﺎﺩﻱ ﺍﻟﺜﻼﺛﺔ... كرار صلاح قصص وروايات عراقية
ﻫﺸﺎﻡ ﺑﺪﻩ ﻳﺪﻭﺥ : ﻻ ﻭﺣﻘﻚ ﻭﺣﻖ ﻫﺎﻟﺸﻮﺍﺭﺏ ﻭﺍﻟﻌﻜﺎﻝ ﺍﻟﻲ ﺑﺮﺍﺳﻚ ﻣﺎﻧﺘﻬﻰ ﻛﻠﺸﻲ ﺑﻴﻨﻪ .. ﻭﺑﻨﺘﻚ ﺟﺎﻧﺖ ﺣﻠﻴﻠﺘﻲ ﻭﺍﻧﺘﻪ ﻗﺪﻣﺘﻬﺎ ﺍﻟﻲ ﺑﻨﻔﺴﻚ .. ﻭﺍﻋﺮﻑ ﺍﻟﻴﻮﻡ ﺟﺎﻳﻦ ﻳﻄﻠﺒﻮﻫﺎ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ .. ﺑﺲ ﺟﺎﻱ ﺍﻛﻠﻜﻢ ﺍﻡ ﺟﻬﺎﻟﻲ ﺍﺭﻳﺪ ﺍﺭﺟﻌﻬﺎ ﻟﺬﻣﺘﻲ ﻭﻣﺎﺭﺍﺡ ﺍﺳﻤﺢ ﺗﺰﻭﺝ
ﺍﻟﺸﻴﺦ ﺣﺴﻴﻦ ﻋﺼﺐ : ﻭﻫﻲ ﺷﻨﻬﻲ ﻟﻌﺒﺔ ﺑﻴﺪﻙ ﻳﺎﺷﻴﺦ ﻫﺸﺎﻡ ﺷﻮﻛﺖ ﻣﺎﺗﺮﻳﺪ ﺗﻨﻔﺼﻞ ﻭﺷﻮﻛﺖ ﻣﺎﺗﺮﻳﺪ ﺗﺮﺟﻊ .. ﻭﻳﻨﻚ ﺳﻨﺔ ﻭﺍﺷﻬﺮ ﺭﺍﺣﺖ
ﻫﺸﺎﻡ : ﺑﻮﻳﻪ ﺍﻟﻠﻪ ﺷﺎﻫﺪ ﻋﻠﻴﻪ ﺍﻟﻲ ﺍﺳﺒﺎﺏ .. ﻭﻫﺴﺔ ﻟﻬﻨﺎ ﻭﻛﺎﻓﻲ ﺟﻬﺎﻟﻲ ﻣﺎﺭﻳﺪ ﻳﺮﺑﻮﻥ ﺑﻌﻴﺪ ﻋﻨﻲ ﻛﺎﻓﻲ .. ﻭﺍﺫﺍ ﺗﻘﺒﻞ ﺑﻬﺎﻟﺴﺎﻋﺔ ﺍﺭﻳﺪ ﺍﺭﺟﻌﻬﺎ ﻋﻠﻰ ﺫﻣﺘﻲ
ﺍﻟﺸﻴﺦ ﺣﺴﻴﻦ ﺑﻌﺼﺒﻴﺔ : ﺣﻠﻔﺖ ﻣﺎﺗﺮﺩﻟﻚ ﻳﺎﺷﻴﺦ .. ﻭﺗﺤﻤﻞ ﻧﺘﻴﺠﺔ ﻗﺮﺍﺭﻙ ﺗﺮﻛﺘﻬﺎ ﻭﻫﻲ ﻭﺻﻐﺮ ﺳﻨﻬﺎ ﺍﻃﻠﻜﺖ ﻭﻳﺎﻫﺎ ﺗﻼﺛﺔ ﻭﺭﺑﺘﻬﻢ ﺑﺤﺪﻫﺎ .. ﺩﺧﻠﺖ ﺑﺎﻟﻤﻌﺮﻭﻑ ﻭﻃﻠﻌﺖ ﺑﺎﻟﻤﻌﺮﻭﻑ .. ﺭﺍﺡ ﺍﻟﻤﺎﺿﻲ .. ﻭﺍﻟﻴﻮﻡ ﻋﻘﺪﻫﺎ ﻋﻠﻰ ﻫﺎﻟﺮﺟﺎﻝ .. ﻭﺍﺷﺮ ﻋﻠﻰ ﺑﺎﺳﻢ
ﻫﺸﺎﻡ : ﻭﻏﻼﺗﻚ ﻋﻨﺪﻱ ﻳﺎﺷﻴﺦ ﺑﺘﻚ ﻣﺎﺗﺰﻭﺝ ﻭﻫﺎﻱ ﺍﻧﻪ ﻫﻨﺎ ﺑﻨﺺ ﺩﻳﻮﺍﻧﻚ .. ﺍﻛﻠﻚ ﺍﻳﺎﻫﺎ ﻭﺗﺼﻴﺮ ﻣﻮ ﺣﻠﻮﺓ ﺑﻴﻨﻪ ﻟﻮ ﺍﺯﻭﺟﺖ
ﺍﺑﻮ ﺑﺎﺳﻢ : ﻫﺪﻭ ﻳﺎﻋﻤﻲ .. ﻣﻴﺼﻴﺮ ﺍﺣﻨﻪ ﻛﻠﻨﻪ ﺍﻫﻞ .. ﺷﻮﻓﻮ ﺭﺍﻱ ﺍﻟﺒﻨﻴﺔ ﻳﻤﻜﻦ ﺻﺪﻙ ﺗﺮﻳﺪ ﺗﺮﺟﻊ ﻷﺑﻮ ﺑﻴﺘﻬﺎ .. ﺍﻧﻪ ﻭﺍﻟﻠﻪ ﻟﻮ ﻣﺎﺍﻋﺮﻑ ﺗﺮﺑﻴﺘﻚ ﻳﺒﻮ ﺣﻤﺰﺓ ﻭﺭﺩﺕ ﺑﺘﻚ ﻷﺧﻼﻗﻬﺎ
ﻫﺸﺎﻡ : ﻳﺎﻋﻢ ﺍﻧﺘﻪ ﻋﻠﻰ ﺭﺍﺳﻲ ﺍﻧﺘﻪ ﻭﺍﺑﻨﻚ .. ﺑﺲ ﺍﺟﻴﺖ ﺍﺭﺟﻌﻬﺎ ﻟﺤﺮﻣﺘﻲ ﻭﻣﺎﺭﺍﺡ ﺍﺗﺮﺍﺟﻊ ﻫﻨﺎ
ﺍﻟﺸﻴﺦ ﺣﺴﻴﻦ ﺳﻜﺖ ﺷﻮﻱ ﻭﺣﺠﻪ : ﺭﺍﺡ ﺗﺼﻴﺮ ﺣﻠﻴﻠﺔ ﺷﺨﺺ ﺛﺎﻧﻲ .. ﻣﺎﻗﺪﺭﺗﻬﺎ ﻳﺎﺷﻴﺦ ﻭﺑﻌﺘﻬﺎ ﻭﺑﻌﺖ ﺍﻟﺼﺪﺍﻗﺔ ﺍﻟﺒﻴﻨﻪ ﻭﺍﻟﻤﻌﺰﺓ .. ﺟﻨﺖ ﺍﻋﺰﻙ ﻭﺍﺣﺘﺮﻣﻚ ﺑﺲ ﻫﺴﺔ ﻣﺎﻟﻚ ﻣﻜﺎﻥ ﻳﻤﻲ .. ﻭﺑﺘﻲ ﺣﻠﻔﺖ ﻣﺎﺭﺟﻌﻬﺎ .. ﻣﺎﺗﺮﺟﻊ ﻳﻌﻨﻲ ﻣﺎﺗﺮﺟﻊ
ﻫﺸﺎﻡ ﻋﺼﺐ : ﻳﺎﺷﻴﺦ ﻛﺘﻠﻚ ﻭﻏﻼﺗﻚ ﻣﺎﺗﺰﻭﺝ ﺑﺘﻚ ﺭﺟﺎﻝ ﻏﻴﺮ ﺍﺑﻮ ﺟﻬﺎﻟﻬﺎ .. ﻭﻫﺴﺔ ﺷﻮﻓﻬﺎ ﻭﺍﺳﺄﻟﻬﺎ ﺍﺫﺍ ﻫﻲ ﻣﺎﺗﺮﻳﺪ ﺗﺮﺟﻊ ﺑﻬﺎﻟﻠﺤﻈﺔ ﺍﻃﻠﻊ ﻭﻣﺎﺍﻋﺘﺐ ﻫﺎﻟﺒﺎﺏ ﺑﻌﺪ ﻭﺍﺗﻤﻨﺎﻟﻬﺎ ﺍﻟﺨﻴﺮ ﻭﺍﻟﺘﻮﻓﻴﻖ
ﺍﻟﺸﻴﺦ ﺣﺴﻴﻦ : ﻧﺸﻮﻑ ﺑﺎﻟﻠﻪ .. ﻭﺭﺍﺡ ﻃﻠﻊ ﻭﺻﺎﺍﺍﺍﺡ ﺑﻌﺼﺒﻴﺔ ﺣﻮﺭﺍﺀ ﺑﻮﻳﻪ ﺗﻌﺎﻱ ...
ﻭﻃﻠﻌﺖ ﺑﺎﻟﺤﻮﺵ ﺍﻟﻪ ﻭﻫﻲ ﺗﺮﺟﻒ ﺧﻮﻑ ﻣﻦ ﺻﻮﺗﻪ ﺍﻟﻌﺼﺒﻲ .. ﻭﺷﺎﻓﺖ ﻫﺸﺎﻡ ﻃﻠﻊ ﻣﻦ ﺍﻟﺪﻳﻮﺍﻥ ﻭﻛﻠﻪ ﺩﻡ ﻭﺟﻬﻪ ﻭﻟﺤﻴﺘﻪ ﻭﻣﻼﺑﺴﻪ ...
ﻛﻠﺒﻬﺎ ﺍﻧﺨﺒﺺ ﻭﻛﺎﻟﺖ ﻳﻤﻪ ﻛﻠﺒﻲ ﺷﻴﺨﻲ ﺷﺒﻲ ....
ﺍﺑﻮ ﺣﻤﺰﺓ ﺑﻌﺼﺒﻴﺔ : ﺣﻮﺭﺍﺀ ﺍﻧﺘﻲ ﻣﺘﻔﻘﺔ ﻭﻳﻪ ﺍﻟﺸﻴﺦ ﻫﺸﺎﻡ ﺗﺮﺟﻌﻴﻠﻪ .. ﺍﺣﺠﻲ
ﺣﻮﺭﺍﺀ ﻣﺎﺗﺖ ﺧﻮﻑ ﻭﻫﺰﺕ ﺭﺍﺳﻬﺎ ﺑﻼ ....ﺍﻟﺸﻴﺦ ﺣﺴﻴﻦ ﺑﻌﺼﺒﻴﺔ : ﺟﺎﻭﺑﻲ ﺍﺣﺠﻲ ﻣﻮ ﺗﻬﺰﻳﻦ ﺭﺍﺳﺞ
ﺣﻮﺭﺍﺀ ﺑﺎﻭﻋﺖ ﻟﻬﺸﺎﻡ ﺑﺨﻮﻑ : ﻻ ﻭﺍﻟﻠﻪ ﺑﺎﺑﺎ ﻣﺎﺗﻒ .......
ﻛﺎﻃﻌﻬﺎ ﺍﺑﻮﻫﺎ ﺑﻌﺼﺒﻴﺔ : ﺍﻧﺘﻲ ﺗﺮﺩﻳﻦ ﺗﺮﺟﻌﻴﻦ ﻟﻠﺸﻴﺦ .. ﺍﺣﺠﻲ ﺍﻟﺼﺪﻙ
ﺣﻮﺭﺍﺀ ﻣﻦ ﺍﻟﺨﻮﻑ ﻭﺍﻟﺘﻮﺗﺮ ﻭﺗﺸﻮﻑ ﻫﺸﺎﻡ ﻫﻴﺞ .. ﻣﺎﻋﺮﻓﺖ ﺷﺘﻜﻮﻝ .. ﻭﻫﺸﺎﻡ ﻟﺰﻡ ﺭﺍﺳﻪ ﺑﺄﻟﻢ ....
ﺍﻟﺸﻴﺦ ﺣﺴﻴﻦ ﺑﻌﺼﺒﻴﺔ : ﻣﺎﺗﺤﺠﻴﻦ
ﺣﻮﺭﺍﺀ ﻣﻦ ﺍﻟﺨﻮﻑ ﻭﺍﻟﺜﻮﻝ : ﻻ ﺑﺎﺑﺎ ﻣﺎﺭﻳﺪ ﺍﺭﺟﻊ .. ﻭﺣﺴﺖ ﺑﻨﻔﺴﻬﺎ ﺷﻜﺎﻟﺖ ﻭﺗﻨﺪﻣﺖ ﻭﺗﻮﺗﺮﺕ ﻭﺗﺒﺎﻭﻉ ﻷﺑﻮﻫﺎ ﺑﺨﻮﻑ ...بيج قصص عراقيه حقيقيه من واقعنا.روعه الطائيﻭﻳﺎﻛﻠﻤﺔ ﻧﺰﻟﺖ ﻛﻒ ﻋﻠﻰ ﺟﻪ ﻫﺸﺎﻡ ﻭﻣﺎﺻﺪﻙ ﺍﻟﻴﺴﻤﻌﻪ ... ﺣﻮﺭﻳﺘﻪ ﺑﺎﻋﺘﻪ ﻣﺜﻞ ﻣﺎ ﻫﻮ ﺑﺎﻋﻬﺎ ﻭﺗﺨﻠﻰ ﻋﻨﻬﺎ .. ﻟﺰﻡ ﻛﻠﺒﻪ ﻗﻮﻱ ...
ﺍﻟﺸﻴﺦ ﺣﺴﻴﻦ : ﺍﺫﺍً ﻫﺎﻱ ﻫﻲ ﺍﻧﺤﺴﻢ ﺍﻟﻤﻮﺿﻮﻉ ﻭﺍﻟﻴﻮﻡ ﺗﺎﺧﺬﻳﻦ ﺍﺑﻦ ﺧﺎﻟﺞ .. ﻭﻫﺎﻱ ﺳﻤﻌﺖ ﺍﻟﺠﻮﺍﺏ ﻳﺎﺷﻴﺦ ﻫﺸﺎﻡ
ﻫﺸﺎﻡ ﻟﺰﻡ ﺭﺍﺳﻪ ﻭﻇﻞ ﻳﺮﺗﺨﻲ .. ﻭﻛﻌﺪ ﻋﺎﻷﺭﺽ ﻭﺭﺍﺳﻪ ﻳﻔﺘﺮ ... ﺭﺍﺣﻠﻪ ﺍﻟﺸﻴﺦ ﺣﺴﻴﻦ ﻭﺻﺪﻙ ﺧﺎﻑ ﻋﻠﻴﻪ ... ﻭﺣﻮﺭﺍﺀ ﻇﻠﺖ ﺗﺒﺠﻲ ...
ﻛﻠﻬﺎ ﺍﺑﻮﻫﺎ ﺟﻴﺒﻲ ﻣﺎﻱ .. ﺭﺍﺣﺖ ﺭﻛﺾ ﺟﺎﺑﺖ ﻣﻲ ﻭﺍﺟﺖ ﻭﺩﻣﻮﻋﻬﺎ ﺗﻨﺰﻝ .. ﻭﻛﻠﻪ ﺍﻟﺸﻴﺦ ﺣﺴﻴﻦ ﺍﻧﺘﻪ ﺑﻴﻚ ﺷﻲ ﺷﺼﺎﻳﺮﻟﻚ ﺣﺎﺩﺙ ﺷﻨﻮ ....
ﺑﺲ ﻫﺸﺎﻡ ﻛﺎﻡ ﻋﻠﻰ ﺣﻴﻠﻪ ﻭﻛﺎﻝ ﻣﺎﺑﻴﻪ ﺷﻲ ﻳﺎﺷﻴﺦ ﻣﺸﻜﻮﺭ ﻣﺎﺗﻘﺼﺮ .. ﻭﻫﺎﻱ ﺍﺳﻤﻌﺖ ﺍﻟﺠﻮﺍﺏ .. ﻭﻫﺴﺔ ﺍﺗﺮﺧﺺ ﻭﺍﻋﺘﺬﺭ ﺍﻗﺘﺤﻤﺖ ﺩﻳﻮﺍﻧﻚ ﻭﻛﺪﺍﻡ ﺿﻴﻮﻓﻚ ...
ﻭﺑﺎﻭﻉ ﻟﺤﻮﺭﺍﺀ ﺁﺧﺮ ﻧﻈﺮﺓ ﻭﻫﻲ ﺍﺣﺘﺮﻙ ﻛﻠﺒﻬﺎ ﻭﺗﻜﻮﻝ ﻏﺒﻴﺔ ﻏﺒﻴﺔ ﻟﻴﺶ ﻛﻠﺖ ﻻ ﻟﻴﺶ ... ﺷﺎﻓﺘﻪ ﺭﺍﺡ ﻃﻠﻊ ﻭﻣﺎﻳﺘﻮﺍﺯﻥ .. ﺧﺬﻩ ﻛﻠﺒﻬﺎ ﻭﺭﻭﺣﻬﺎ ﻭﻳﺎﻩ ...
ﺍﻟﺸﻴﺦ ﺣﺴﻴﻦ : ﺗﺤﻀﺮﻱ ﺍﻟﺸﻴﺦ ﺭﺍﺡ ﻳﻌﻘﺪ ﺍﻟﻜﻢ ... ﻭﻫﻲ ﺭﺍﺣﺖ ﺩﺍﺧﻞ ﺗﺒﺠﻲ ....
ﻫﺸﺎﻡ ﻣﺎﻛﺪﺭ ﻳﺴﻮﻕ ﺍﻟﺼﺪﺍﻉ ﻭﺍﻟﺪﻭﺧﺔ ﺳﻄﺮﺗﻪ .. ﻭﻣﻨﺎ ﻛﻠﻤﺔ ﺣﻮﺭﺍﺀ .. ﻇﻞ ﻣﺎﻳﺸﻮﻑ ﻋﺪﻝ .. ﻃﻠﻊ ﺗﻠﻔﻮﻧﻪ ﻭﺩﻙ ﻋﻠﻰ ﺣﺎﺯﻡ .. ﻭﻛﻠﻪ ﺗﻌﺎﻟﻲ ﻳﻢ ﺑﻴﺖ ﺍﻟﺸﻴﺦ ﺣﺴﻴﻦ ﻭﺳﺪﺍﻩ ﻭﻛﻌﺪ ﺑﺎﻻﺭﺽ ﺑﺘﻌﺐ ....
ﻭﺑﺮﻩ ﺑﺲ ﺟﻬﺎﻝ ﺍﻟﻤﻨﻄﻘﺔ ﻭﺳﻴﺎﺭﺍﺕ ﺍﻟﺠﻤﺎﻋﺔ ﺍﻟﻲ ﺩﺍﺧﻞ ... ﺑﺎﻭﻉ ﻟﻠﺠﻬﺎﻝ .. ﻭﻳﻜﻮﻝ ﺍﻭﻭﻑ ﻣﻨﻲ ﻛﻞ ﻫﺬﺍ ﺗﺮﻛﺘﻬﺎ ﺗﺤﻤﻞ ﻳﺎﺷﻴﺦ ...
ﻭﺷﻮﻱ ﺍﺟﻪ ﺣﺎﺯﻡ ﻭﺗﻔﺎﺟﺄ ﺑﻬﺸﺎﻡ ﻭﺩﻣﻪ ﺑﻮﺟﻬﻪ ﻭﺩﺷﺪﺍﺷﺘﻪ ... ﻭﺭﺍﺣﻠﻪ ﺑﺴﺮﻋﺔ .. ﻛﻠﻪ ﻣﺎﺑﻴﻪ ﺷﻲ ﺑﺲ ﺳﻮﻳﺖ ﺣﺎﺩﺙ ﺑﺴﻴﻂ .. ﻭﻣﺠﺎﻱ ﺍﺭﻛﺰ ﺑﺸﻲ ...
ﻭﺍﺧﺬﻩ ﻟﻠﻤﺴﺘﺸﻔﻰ ﻭﺳﻴﺎﺭﺓ ﻫﺸﺎﻡ ﺑﻘﺖ ﻫﻨﺎﻙ .. ﻭﻣﺎ ﺳﺄﻟﻪ ﺷﺴﻮﻱ ﻫﻨﺎﻙ ﻳﺪﺭﻱ ﺑﻲ ﻳﺮﻭﺡ ﻳﺎﺧﺬ ﺟﻬﺎﻟﻪ ﻛﻞ ﺟﻢ ﻳﻮﻡ ...
ﺑﺎﻟﻄﻮﺍﺭﺉ ﻛﻠﻮﻟﻪ ﻣﺎﺑﻲ ﺷﻲ ﻭﺳﻮﻟﻪ ﺍﺷﻌﺔ ﻫﻢ ﻣﺎﺑﻴﻬﺎ ﺷﻲ ﻭﻇﻐﻄﻪ ﻧﺎﺯﻝ ﻻ ﺍﻛﺜﺮ ﺑﺴﺒﺐ ﺍﻟﻨﺰﻳﻒ ...
ﺑﻌﺪ ﺳﺎﻋﺘﻴﻦ ﺑﺎﻟﻤﺴﺘﺸﻔﻰ ﻃﻠﻊ ﻫﺸﺎﻡ ﻭﻛﻞ ﻟﺤﺎﺯﻡ ﻭﺻﻠﻨﻲ ﺍﻟﺒﻴﺖ ﻭﺍﺧﺬ ﺗﻜﺴﻲ ﻭﺟﻴﺐ ﺍﻟﺴﻴﺎﺭﺓ ﺍﻧﺘﻪ ... ﻭﺻﻠﻪ ﺣﺎﺯﻡ ﺍﻟﺒﻴﺖ ... ﻭﺭﺍﺡ ﺍﺧﺬ ﺗﻜﺴﻲ ﻭﺭﺍﺡ ﻳﺠﻴﺐ ﺳﻴﺎﺭﺓ ﻫﺸﺎﻡ ...
ﺩﺧﻞ ﺩﺍﺧﻞ ﻭﺍﻣﻪ ﺷﺎﻓﺘﻪ ﺍﺧﺘﺮﻋﺖ ﺑﺎﻟﺪﻡ ﺍﻟﻲ ﺑﻤﻼﺑﺴﻪ ﻛﻠﻬﺎ ﻣﺎﻛﻮ ﺷﻲ ﺣﺎﺩﺙ ﺑﺴﻴﻂ .. ﻭﺭﺍﺡ ﺳﺒﺢ ﻭﺑﺪﻝ .. ﻛﻌﺪ ﻳﻔﻜﺮ ﻭﻛﻠﺒﻪ ﺷﺎﻋﻞ ﻧﺎﺭ ﻭﻳﺘﺨﻴﻞ ﺣﻮﺭﺍﺀ ﺗﻨﺰﻑ ﻟﻬﺬﺍ ﺍﻟﺸﺎﻓﻪ ﺍﻟﻴﻮﻡ ...
ﻭﻳﻜﻮﻝ ﺷﺒﺎﺏ ﻫﻮ .. ﻭﺍﻛﻴﺪ ﺭﺍﺡ ﺗﻌﻴﺶ ﺣﻴﺎﺗﻬﺎ ﻭﻳﺎﻩ ﻭﺗﻨﺴﻪ ﻛﻞ ﺍﻟﻤﺎﺿﻲ .. ﻭﻳﻜﻞ ﻟﻜﻠﺒﻪ ﻳﺎﻟﻠﻪ ﻳﺎﻛﻠﺒﻲ ﺍﺗﻤﻨﺎﻟﻬﺎ ﺍﻟﺨﻴﺮ ... ﺑﺲ ﻳﻜﻠﻪ ﻛﻠﺒﻪ .. ﻟﻮ ﻭﻳﺎﻫﺎ ﻟﻮ ﻣﺎﻧﺮﻫﻢ ﻷﺣﺪ ....
ﺍﺧﺬ ﺗﻠﻔﻮﻧﻪ .. ﻭﻓﺘﺤﻪ ﻭﻃﻠﻊ ﺭﻗﻢ ﺣﻮﺭﺍﺀ ﻭﺭﺍﺩ ﻳﺴﻮﻳﻠﻪ ﻣﺴﺢ ﻣﺎﻛﺪﺭ .. ﻭﺩﺧﻞ ﻟﺪﺭﺩﺷﺔ .. ﻭﻛﺘﺒﻠﻬﺎ ...
ﺗﻬﻮﻥ ﻭﺗﻬﻮﻥ ﻭﺍﻧﺴﻪ ﻭﺗﻤﻮﻥ .. ﻭﻟﻮ ﺍﺣﻂ ﺭﻭﺣﻲ ﺑﺮﻭﺣﻪ ﻣﺎﻳﻔﻬﻤﻨﻲ ﻫﻠﻜﺪ ﻣﺎﻛﺴﺮﻧﻲ .... ﻭﻛﺖ ﺍﻟﺼﻌﺐ ﻭﺍﻟﻤﺼﺎﻳﺐ .. ﻛﻞ ﻫﻞ ﺍﻟﻜﻠﻤﺎﺕ ﻣﺎﺟﺒﺮﻧﻲ ....
ﺣﻮﺭﺍﺀ ﺳﻤﻌﺖ ﺍﻷﺷﻌﺎﺭ ﻭﺷﺎﻓﺖ ﺍﺳﻤﻪ .. ﻓﺘﺤﺘﻪ ﻭﻋﻴﻮﻧﻬﺎ ﺑﺪﻥ ﻳﻤﻄﺮﻥ ﺩﻣﻮﻉ ... ﻣﻦ ﻗﺮﺕ ﺍﻟﻜﻼﻡ ﺍﻟﻜﺎﺗﺒﻪ .... ﻭﺣﺘﻰ ﻧﺴﺖ ﻣﺴﺎﻉ ﻣﻦ ﺷﺎﻓﺘﻪ ﻣﺪﻣﻢ ...
ﺣﻮﺭﺍﺀ ﺩﺯﺗﻠﻪ : ﺷﻴﺨﻲ ﺻﺮﺕ ﺣﻠﻴﻠﻪ ﻟﻐﻴﺮﻙ ﺑﻌﺪ ﺍﻧﺴﻪ ﺍﻟﺠﺎﻥ ﺑﻴﻨﻪ
ﻫﺸﺎﻡ ﺍﺣﺘﺮﻙ ﻛﻠﺒﻪ ﺣﻴﻞ ﻭﻛﺘﺒﻠﻬﺎ : ﺍﻟﻒ ﻣﺒﺮﻭﻙ ﻳﺒﺖ ﻛﻠﺒﻲ .. ﻭﻫﻞ ﻣﺮﺓ ﺻﺪﻙ ﺭﺍﺡ ﺍﺗﻤﻨﺎﻟﺞ ﺍﻟﺨﻴﺮ ﻭﻣﺎﺭﺍﺡ ﺍﺻﻴﺮ ﺍﻧﺎﻧﻲ ﺑﺤﺒﻲ ﺍﻟﺞ
ﺣﻮﺭﺍﺀ : ﺷﻜﺮﺍً ﻳﻢ ﻷﻟﻚ ﻭﺍﻓﺮﺡ ﺑﻴﻚ ﺷﻴﺨﻲ
ﻫﺸﺎﻡ : ﺑﻄﻠﻲ ﺗﻜﻠﻴﻠﻲ ﺷﻴﺨﻲ ﺗﺤﺮﻛﻴﻦ ﻛﻠﺒﻲ ﺑﻴﻬﺎ .. ﻭﻣﻨﻮ ﻳﻮﻡ ﻷﻟﻪ ﺑﻌﺪﺝ ﻣﺎﺗﺤﻞ ﻋﻠﻴﻪ ﻣﺮﺓ ﺛﺎﻧﻴﺔ
ﺣﻮﺭﺍﺀ : ﻻ ﺗﺤﻞ ﻋﻠﻴﻚ ﻳﺎﺷﻴﺦ ﺍﺗﺰﻭﺝ ﻭﺍﻧﺘﻪ ﻫﻢ ﺷﻮﻑ ﺣﻴﺎﺗﻚ .. ﺗﺮﺍ ﺑﻌﺪﻙ ﺑﺤﻴﻠﻚ ﻭﺷﺒﺎﺏ ﻳﺸﻴﺨﻲ .. ﻭﺍﻣﻮﺕ ﺍﺫﺍ ﻣﺎﻛﻠﻚ ﺷﻴﺨﻲ .. ﺍﻧﺘﻪ ﺷﻴﺨﻲ ﻭﺗﺒﻘﻪ ﻟﻸﺑﺪ ﺷﻴﺨﻲ
ﻫﺸﺎﻡ : ﺑﻌﺪ ﺣﺮﺍﻡ ﺍﻟﻲ ﺗﻜﻮﻟﻴﻨﻪ ﺍﻟﻲ .. ﺍﻧﺘﻪ ﺻﺮﺗﻲ ﺑﺬﻣﺔ ﺭﺟﺎﻝ ﺛﺎﻧﻲ .. ﻫﻮ ﺑﻌﺪ ﻛﻠﺸﻲ ﺍﻟﺞ .. ﻭﻳﻦ ﺍﻟﺸﺒﺎﺏ ﻳﺎﺑﺖ ﺍﻟﺸﻴﺦ .. ﺷﻴﺒﺖ ﺍﻧﻪ ﻭﻛﻠﺒﻲ ﻣﻦ ﺍﻟﻈﻴﻢ .. ﻣﻦ ﻇﻴﻢ ﻟﻈﻴﻢ ﻋﻤﺮﻱ ﻛﻠﻪ
ﺣﻮﺭﺍﺀ : ﺍﺳﻢ ﺍﻟﻠﻪ ﻋﻠﻰ ﻛﻠﺒﻚ ﺷﻴﺨﻲ
ﻫﺸﺎﻡ : ﻛﺘﻠﺞ ﺟﺎﻱ ﺗﺤﺮﻛﻴﻦ ﺑﺮﻭﺣﻲ ﺑﻬﺎﻟﻜﻠﻤﺔ .. ﻭﻫﺎﻱ ﺍﻧﻪ ﺑﻌﺪ ﻣﺎﺭﺳﻞ ﻟﺮﻗﻤﺞ ﺷﻲ
ﺣﻮﺭﺍﺀ : ﺷﻴﺨﻲ ﺍﻧﺘﻪ ﺷﻴﺨﻲ ﻭﻣﺎﺭﺍﺡ ﻳﺘﻐﻴﺮ ﻫﺎﻟﺸﻲ ﺑﻌﺪ ﺩﻫﻮﺭ .. ﺗﺬﻛﺮ ﺍﻭﻝ ﻟﻴﻠﺔ ﺍﺟﻴﺘﻚ ﻋﺮﻭﺱ
ﻫﺸﺎﻡ : ﺍﺧﺨﺦ ﺑﻮﻳﻪ ﻛﻠﺒﻲ .. ﺷﻠﻮﻥ ﺍﻧﺴﻪ ﺍﻟﺒﻨﻴﺔ ﺍﻟﻲ ﺗﻔﺎﺟﺌﺖ ﺑﺼﻐﺮ ﺳﻨﻬﺎ ﻭﺑﻐﺮﻓﺘﻲ ﻭﻋﺮﻭﺱ ﺍﻟﻲ
ﺣﻮﺭﺍﺀ : ﻭﺍﻧﻪ ﻫﺎﻱ ﺟﺎﻧﺖ ﺍﻭﻝ ﺍﺣﻠﻰ ﺫﻛﺮﻯ ﻋﻨﺪﻱ .. ﻫﻨﺎ ﺟﺎﻧﺖ ﺍﻭﻝ ﻧﺒﻀﺔ ﻛﻠﺐ ﺍﻟﻚ ﺷﻴﺨﻲ .. ﺑﻴﻬﺎ ﺍﺑﺘﺪﻩ ﻋﺸﻜﻲ ﺍﻟﻚ .. ﻭﺍﻟﻠﻪ ﺫﻛﺮﻳﺎﺕ ﻣﺴﺘﺤﻴﻞ ﺍﻧﺴﺎﻫﺎ
ﻫﺸﺎﻡ : ﺣﺎﻟﻴﺎً ﻋﻘﻠﻲ ﺿﺎﺭﺑﻴﻨﻪ ﺟﺮﻋﺔ ﻣﺨﺪﺭ ﻭﺗﻔﻜﻴﺮﻩ ﺭﺍﻳﺢ ﻟﺬﻛﺮﻳﺎﺕ ﺧﺠﻠﺞ .. ﻳﻌﻨﻲ ﺍﻟﻠﻪ ﻻ ﻳﺪﺧﻠﺞ ﻟﻌﻘﻠﻲ ﻭﺗﺸﻮﻓﻴﻦ ﺍﻻﻓﻜﺎﺭ .. ﺭﺍﻳﺪ ﻳﻨﻔﺠﺮ ﻛﻠﺒﻲ ﻣﻦ ﺍﻟﻘﻬﺮ... كرار صلاح قصص وروايات عراقية
ﺣﻮﺭﺍﺀ ﺗﺬﻛﺮ : ﻛﺘﻠﻚ ﺍﺳﻢ ﺍﻟﺔﻩ ﻫﻠﻰ ﻛﻠﺒﻚ .. ﺷﻴﺨﻲ .. ﺍﻭﻭﻭﻑ ﻣﺎﺭﺍﺡ ﺍﻧﺴﻪ ﻫﺎﻟﺬﻛﺮﻳﺎﺕ .. ﺑﺲ ﻟﻴﺶ ﺷﻴﺨﻲ ﻣﺎﺗﻤﺴﻜﺖ ﺑﻴﻪ ﻟﻴﺶ .. ﺗﻮﻗﻌﺘﻚ ﺑﻌﺪﻙ ﺗﺤﺒﻨﻲ ﻭﺭﺍﺡ ﺗﺤﺮﻙ ﺍﻟﺪﻧﻴﺎ ﻋﻠﻤﻮﺩﻱ
ﻫﺸﺎﻡ : ﻣﺎﺑﻘﻴﺘﻲ ﻋﻘﻞ ﺑﺮﺍﺳﻲ ﻭﺻﺮﺕ ﻣﺮﺍﻫﻖ ﻭﺟﻴﺖ ﺍﺣﺮﻙ ﺍﻟﺪﻧﻴﺎ ﻟﻮ ﺍﻧﺘﻲ ﻗﺎﺑﻠﺔ ﻭﺍﺑﻮﺝ ﻳﺮﻓﺾ .. ﺑﺲ ﻛﺴﺮﺗﻲ ﻛﻠﺒﻲ ﺑﻬﺎﻱ ﻛﻠﻤﺘﺞ .. ﺍﻟﻠﻪ ﻳﻮﻓﻘﺞ ﺑﻮﻳﻪ
ﺣﻮﺭﺍﺀ : ﺷﻴﺨﻲ ﻛﻠﻲ ﺍﺧﺮ ﻛﻠﻤﺔ ﻭﺩﺍﻉ ﻣﺎ ﺍﻧﺴﺎﻫﺎ ﺍﺑﺪﺍً
ﻫﺸﺎﻡ ﻟﺰﻡ ﻛﻠﺒﻪ ﻭﺗﺄﺧﺮ ﺑﺎﻟﺮﺩ : ﻣﺎﻋﺸﻜﺖ ﻭﺣﺪﺓ ﻣﺜﻠﺞ .. ﻭﻻ ﺭﺍﺡ ﺍﻋﺸﻚ
ﺣﻮﺭﺍﺀ ﻛﺘﺒﺘﻠﻪ : ﻭﺍﻧﻪ ﺑﻌﺪ ﺷﻴﺨﻲ ﺍﻧﺘﻪ ﺍﻭﻝ ﺣﺐ ﺑﺤﻴﺎﺗﻲ ﻭﺍﻷﺧﻴﺮ ﻭﻏﻼﺗﻚ ﻭﺩﺍﻋﺖ ﺟﻬﺎﻟﻚ ﺍﻟﺸﻠﺘﻬﻢ ﺍﺑﻄﻨﻲ
ﻫﺸﺎﻡ ﻛﻠﺶ ﻭﺟﻌﻪ ﻛﻠﺒﻪ : ﻛﺎﻓﻲ ﺗﺤﺮﻛﻴﻦ ﺑﻜﻠﺒﻲ ﻳﺒﺖ ﺍﻟﻨﺎﺱ .. ﺍﻧﺘﻲ ﺻﺮﺗﻲ ﺣﻼﻝ ﺷﺨﺺ ﺛﺎﻧﻲ
ﺣﻮﺭﺍﺀ : ﺷﻴﺨﻲ
ﻫﺸﺎﻡ : ﻋﻴﻨﺎﻱ ﺑﻮﻳﻪ ﻋﻴﻨﺎﻱ
ﺣﻮﺭﺍﺀ : ﺍﻭﻳﻠﻲ ﻋﺎﻟﻜﻠﻤﺔ ﺍﻣﻮﻭﺕ ﻫﻬﻬﻬﻪ ﻣﻮ ﺗﻮﻙ ﺗﻜﻮﻝ ﺗﺤﺮﻛﻴﻦ ﻛﻠﺒﻲ ﻭﺣﺮﺍﻡ .. ﻫﻨﻮﺏ ﺍﻧﺘﻪ ﻛﻤﺖ ﺗﺘﻐﺰﻟﻨﻲ ﺷﻴﺨﻲ
ﻫﺸﺎﻡ : ﺍﻧﺘﻲ ﺟﺎﻱ ﺗﺤﺮﻛﻴﻦ ﻛﻠﺒﻲ ﻭﺗﻠﺤﻴﻦ ﺑﻜﻠﻤﺔ ﺷﻴﺨﻲ .. ﻭﻋﻴﻨﺎﻱ ﻣﺎﻋﺘﺒﺮﻫﺎ ﻏﺰﻝ .. ﺍﻟﻐﺰﻝ ﻣﻦ ﺗﻜﻮﻧﻴﻦ ﻳﻤﻲ ﻭﺍﺣﻀﻨﺞ ﺑﻈﻠﻮﻋﻲ
ﺣﻮﺭﺍﺀ ﺧﺠﻠﺖ : ﺍﻭﻭﻭﻑ ﺷﻴﺨﻲ ﺗﺮﺍ ﺟﺎﻱ ﺗﻨﺤﺮﻑ ﺑﺎﻟﻜﻼﻡ
ﻫﺸﺎﻡ : ﺍﻋﺘﺬﺭ ﺑﻮﻳﻪ
ﺣﻮﺭﺍﺀ : ﺷﻴﺨﻲ ﺷﻴﺨﻲ ﺍﻭﻭﻭﻑ ﺷﻴﺨﻴﻴﻲ
ﻫﺸﺎﻡ : ﺍﺳﺘﻐﻔﺮ ﺍﻟﻠﻪ ﺭﺣﻤﻲ ﻟﺸﻴﺨﺞ ﻛﺎﻓﻲ
ﺣﺮﺍﺀ : ﺗﺮﺍ ﺍﻧﻪ ﺭﺍﺡ ﺍﺑﻘﻪ ﺍﻟﻚ ﻟﻸﺑﺪ ﻭﻣﺎﺭﺍﺡ ﺍﻛﻮﻥ ﻟﻐﻴﺮﻙ ﻟﻮ ﺷﻴﺼﻴﺮ
ﻫﺸﺎﻡ : ﻭﺷﻬﻞ ﺍﻟﻜﻼﻡ ﻭﺍﻧﺘﻲ ﺻﺮﺗﻲ ﺑﺬﻣﺔ ﺭﺟﺎﻝ .. ﻳﺎﻟﻠﻪ ﻛﺎﻓﻲ ﺧﻞ ﻧﺴﺪﻫﺎ ﻟﻬﺎﻱ ﺍﻟﺴﺎﻟﻔﺔ ﻭﻧﻨﺴﺤﺐ ﺑﺪﻭﻥ ﺗﻌﺪﻱ ﺍﻟﺤﺪﻭﺩ
ﺣﻮﺭﺍﺀ : ﺍﻣﻮﻭﻭﺕ ﺑﻴﻚ ﺷﻴﺨﻲ ﺍﻭﻭﻳﻠﻲ ﺍﻛﻠﻚ ﻣﺮﺍﺡ ﺍﻛﻮﻥ ﻟﻐﻴﺮﻙ ﻣﻨﻮ ﻫﺬﺍ ﺍﻟﻴﺎﺧﺬﻧﻲ ﻣﻨﻚ
ﻫﺸﺎﻡ : ﺑﺮﻭﺡ ﺍﺧﻮﻱ ﺍﻟﻌﺰﻳﺰﺓ ﻟﻮ ﺗﺤﺠﻴﻦ ﺑﻌﺪ ﺣﺠﺎﻳﺔ ﺛﺎﻧﻴﺔ ﺍﺟﻲ ﺑﻬﺎﻟﺴﺎﻋﺔ ﺑﻴﺖ ﺍﻟﺸﻴﺦ ﺣﺴﻴﻦ ﻭﺍﺧﺬﺝ ﻭﺍﻃﻠﻊ ﺍﻧﺘﻲ ﻭﺟﻬﺎﻟﻲ .. ﻛﺎﻓﻲ ﺑﻮﻳﻪ ﻛﺎﻓﻲ
ﺣﻮﺭﺍﺀ : ﺗﻌﺎﻝ ﺷﻴﺨﻲ ﺗﻌﺎﻝ .. ﻛﺘﻠﻚ ﺍﻧﻪ ﺍﻟﻚ ﻭﺑﺲ .. ﺍﻟﻌﻘﺪ ﻣﺎﺗﻢ ﻭﺟﺎﻱ ﺍﻓﻬﻤﻚ ﻣﺎﻓﻬﻤﺖ .. ﻋﻮﺩ ﺍﻋﺮﻓﻚ ﻓﻄﻦ ﻭﻋﻘﻠﻚ ﻛﺒﻴﺮ ﻫﻬﻬﻬﻬﻪ
ﻫﺸﺎﻡ ﻳﺮﻳﺪ ﻳﺴﺘﻮﻋﺐ ﺍﻟﻜﻠﻤﺔ : ﻳﺎﺑﺖ ﺍﻟﻨﺎﺱ ﻫﻮ ﺍﻧﺘﻲ ﺧﻠﻴﺘﻲ ﻋﻘﻞ ﺑﺮﺍﺳﻲ .. ﺷﻨﻮ ﻣﺎﺗﻢ ﺍﻟﻌﻘﺪ ﺷﻠﻮﻥ ﻭﻟﻴﺶ
ﺣﻮﺭﺍﺀ : ﻷﻧﻲ ﻣﺎﻛﺪﺭ ﺍﺗﺨﻴﻞ ﻧﻔﺴﻲ ﻭﻳﻪ ﺷﺨﺺ ﻏﻴﺮﻙ .. ﺍﺻﻼً ﺟﺎﻧﺖ ﻓﻜﺮﺓ ﻏﺒﻴﺔ ﻣﻦ ﺍﻟﺒﺪﺍﻳﺔ .. ﺣﺘﻰ ﺍﻗﻬﺮﻙ .. ﻭﺍﺳﻔﺔ ﺣﺮﻛﺖ ﻛﻠﺒﻚ
ﻫﺸﺎﻡ : ﻋﻮﺩ ﺻﺪﻙ ﺗﺤﺠﻴﻦ .. ﻭﺍﻧﻪ ﺟﻨﺖ ﺭﺍﺡ ﺍﺧﺒﺺ ﻭﺍﺭﺗﻜﺐ ﺟﺮﻳﻤﺔ ﻣﻦ ﻛﺪ ﻣﺎ ﻓﻘﺪﺕ ﻋﻘﻠﻲ .. ﺷﻴﺦ ﻫﺸﺎﻡ ﺍﻟﻤﻌﺮﻭﻑ ﺑﻬﻴﺒﺘﻪ ﻭﻋﻘﻠﻪ ﻭﺣﻜﻤﺘﻪ .. ﺗﺠﻲ ﺑﺖ ﺍﻟﻌﺸﺮﻳﻦ ﺗﻬﺰ ﻋﺮﺷﻪ ﻫﺰ ﻭﺗﺨﻠﻲ ﻳﺼﻴﺮ ﻣﺮﺍﻫﻖ
ﺣﻮﺭﺍﺀ : ﺍﻭﻭﻳﻠﻲ ﻓﺪﻳﺖ ﺍﻟﻲ ﺣﺎﺳﺐ ﻋﻤﺮﻱ .. ﺍﻣﻮﻭﺕ ﻋﻠﻴﻚ ﺷﻴﺨﻲ ﺍﺳﻔﺔ ﺍﺳﻔﺔ ﻭﺍﻟﻠﻪ ﻏﺒﻴﺔ ﻓﻜﺮﺗﻲ ﻫﻬﻬﻬﻪ
ﻫﺸﺎﻡ : ﻣﺘﺄﻛﺪﺓ ﺍﻧﺘﻲ ﺣﻮﺭ .. ﺍﺷﻮ ﺟﻨﺖ ﺍﺑﺎﻭﻋﻠﻬﺎ ﻳﻐﻤﻪ ﻋﻠﻴﻬﺎ ﺧﺠﻞ .. ﺑﺲ ﻫﺎﻱ ﻛﻠﻤﺔ ﺍﺳﻔﺔ ﻣﺎﺗﻤﺸﻲ ﻳﻤﻲ ﻳﺎﺑﺖ ﺍﻟﺸﻴﺦ .. ﻓﻘﺪﺕ ﻫﻴﺒﺘﻲ ﻭﺗﻜﻠﻴﻠﻲ ﺍﺳﻔﺔ .. ﻫﺎﻱ ﺷﻮﻥ ﺍﺟﺎﺯﻳﺞ ﻋﻠﻴﻬﺎ ﺑﺎﻟﻠﻪ
ﺣﻮﺭﺍﺀ ﺧﺠﻠﺖ ﻭﺍﺳﺘﺤﺖ ﺗﻜﺘﺐ ﺑﻌﺪ ... ﻋﻮﺩ ﻫﺎﻱ ﻣﻦ ﻭﺭﻩ ﺍﻟﺘﻠﻔﻮﻥ .. ﻟﻮ ﻳﻤﻪ ﻫﺴﺔ ﺗﻤﻮﺕ ﻭﻫﻮ ﺍﺻﻼً ﻣﺎﺣﺠﻪ ﺷﻲ ﻳﺨﺠﻞ 😂...😂
ﻫﺸﺎﻡ : ﻫﺎﺍ ﻭﻳﻦ ﺭﺣﺘﻲ ﺑﻮﻳﻪ
ﺣﻮﺭﺍﺀ : ﺗﺼﺒﺢ ﻋﻠﻰ ﺧﻴﺮ ﺷﻴﺨﻲ
ﻫﺸﺎﻡ : ﻭﺭﻭﺡ ﺍﻟﻐﺎﻟﻲ ﻫﻞ ﺍﻷﺳﺒﻮﻉ ﺍﺧﻠﻴﺞ ﺗﺼﻴﺮﻳﻦ ﺣﻼﻟﻲ .. ﺑﻌﺪ ﻣﺎﻓﺮﻁ ﺑﻴﺞ ﺑﻌﺪ
ﺣﻮﺭﺍﺀ : ﺑﺲ ﺑﺎﺑﺎ ﻣﻌﺼﺐ ﻋﻠﻴﻚ .. ﺍﻋﺘﺬﺭﺕ ﺍﻟﻪ ﻭﻛﺘﻠﻪ ﻣﺎﺭﻳﺪ ﺍﺗﺰﻭﺝ ﺍﺑﻦ ﺧﺎﻟﻲ ﻛﺎﻝ ﺷﻨﻮ ﻟﻌﺐ ﻫﻮ ﻭﺗﻠﻌﺒﻴﻦ ﺑﺎﻟﻨﺎﺱ ﻣﻦ ﺍﻟﺒﺪﺍﻳﺔ ﺭﻓﻀﻲ
ﻫﺸﺎﻡ : ﺍﻱ ﺻﺪﻙ ﺣﻘﻪ ﻭﺍﻟﻠﻪ ﺣﻘﻪ .. ﻭﺍﻧﺘﻲ ﻫﻢ ﺳﻮﺍﻳﺘﺞ ﻣﺎﻝ ﺟﺎﻫﻠﺔ ﺑﻮﻳﻪ .. ﻫﺎﻱ ﺳﺎﻟﻔﺔ ﻫﺴﺔ .. ﻭﺍﻟﻠﻪ ﻓﻘﺪﺕ ﻋﻘﻠﻲ ﻭﺟﺖ ﺗﺼﻴﺮﻟﻲ ﻣﺸﻜﻠﺔ ﻭﻳﻪ ﺍﻟﺸﻴﺦ ﺣﺴﻴﻦ
ﺣﻮﺭﺍﺀ : ﺍﺳﻔﺔ ﻭﺍﻟﻠﻪ ﻋﻘﻠﻲ ﻣﺠﺎﻥ ﻳﻔﻜﺮ ﻏﻴﺮ ﺑﻴﻚ
ﻫﺸﺎﻡ : ﻭﺗﻈﻨﻴﻦ ﻫﻴﺞ .. ﻭﺗﻠﻌﺒﻴﻦ ﺑﺎﻟﻨﺎﺱ ﻭﺍﻧﺘﻲ ﻣﺎﺗﺮﺩﻳﻦ ﺗﺎﺧﺬﻳﻦ ﺍﻟﻮﻟﺪ .. ﻭﺍﻧﻪ ﺍﻛﻮﻝ ﻛﺒﺮﺕ ﻭﺻﺎﺭﺕ ﺗﻌﺮﻑ ﺗﺘﺼﺮﻑ .. ﺑﺲ ﻫﺴﺔ ﺛﺒﺘﻠﻲ ﻋﻘﻠﺞ ﻣﺎﻝ ﻣﺰﻋﻄﻪ
ﺣﻮﺭﺍﺀ 😔: ﺍﺳﻔﺔ ﻭﺍﻟﻠﻪ ﺍﺳﻔﺔ ﺻﺪﻙ ﻋﻘﻞ ﺯﻋﻄﻮﻃﻪ .. ﺑﺲ ﻫﺎﻟﺰﻋﻄﻮﻃﻪ ﺗﺤﺐ ﺭﺟﺎﻝ ﻗﺎﺳﻲ ﻣﺎﻳﺤﺲ ﺑﻴﻪ ﻭﺳﻮﺕ ﻫﻴﺞ ﺣﺘﻰ ﻳﺮﺟﻌﻠﻬﺎ
ﻫﺸﺎﻡ : ﻣﻨﻮ ﺍﻟﻘﺎﺳﻲ .. ﺍﻧﻪ ﺍﺷﺘﻌﻞ ﻛﻠﺒﻲ ﻧﻴﺮﺍﻥ ﻭﺍﻧﺘﻲ ﺗﻜﻠﻴﻠﻲ ﻗﺎﺳﻲ .. ﻭﺗﺼﺮﻓﺘﻲ ﺗﺼﺮﻑ ﻏﻠﻂ ﻭﺍﻛﺒﺮ ﻏﻠﻂ
ﺣﻮﺭﺍﺀ 😭: ﻛﺎﻓﻲ ﺗﻌﺎﺗﺒﻮﻧﻲ ﺷﺴﻮﻱ ﻣﻦ ﺣﺒﻲ ﺍﻟﻚ .. ﺍﻧﺘﻪ ﻭﺍﺑﻮﻱ ﻭﺍﻟﺰﻣﻦ ﻋﻠﻴﻪ .. ﻣﺴﺎﻉ ﺷﻜﺜﺮ ﻣﺮﺯﻟﻨﻲ ﻭﻃﻴﺢ ﺣﻆ ﺣﻈﻲ ﻋﻠﻰ ﺍﻟﺮﻓﺾ ﺑﻌﺪ ﻣﻮﺍﻓﻘﺘﻲ
ﻫﺸﺎﻡ : ﻟﻮ ﺑﻤﻜﺎﻧﻪ ﺍﺳﻄﺮﺝ ﺑﻜﻔﻴﻦ ﻫﻬﻬﻬﻬﻬﻬﻪ
ﺣﻮﺭﺍﺀ 😭😭: ﻫﺎﻱ ﺍﻧﺘﻪ ﻫﻢ ﺷﻴﺨﻲ ﺗﺮﻳﺪ ﺗﻀﺮﺑﻨﻲ 🠾 ﻣﺴﺎﻉ ﺣﻤﺰﺓ ﺭﺍﺩ ﻳﻜﺘﻠﻨﻲ 😭😭😭 ﻟﻮ ﻣﺎ ﺑﺎﺑﺎ ﻟﺰﻣﻪ
ﻫﺸﺎﻡ : ﺍﻭﻳﻴﻠﻲ ﻛﻠﺸﻲ ﻭﻻ ﺩﻣﻮﻉ ﺣﻮﺭﻳﺘﻲ ﺗﻨﺰﻝ .. ﺍﻛﺴﺮ ﺍﻷﻳﺪ ﺍﻟﻲ ﺗﻨﻤﺪ ﻋﻠﻴﺞ .. ﺣﻮﺭ ﺑﻮﻳﻪ ﺳﺎﻣﺤﻴﻨﻲ ﻋﺎﻟﺮﺍﺡ ﻭﺗﺮﻛﺘﺞ ﺟﺎﻧﺖ ﻏﻠﻄﺔ ﺣﻴﺎﺗﻲ ﻭﺍﻟﻠﻪ
ﺣﻮﺭﺍﺀ : ﻣﻦ ﺯﻣﺎﻥ ﺳﺎﻣﺤﺘﻚ ﺷﻴﺨﻲ .. ﻓﺪﻭﺓ ﻟﻌﻴﻮﻧﻚ ﺍﻧﻪ
ﻫﺸﺎﻡ : ﻫﺴﺔ ﺍﻱ ﺧﻞ ﻧﺮﺟﻊ ﻭﻧﻔﺘﺢ ﺻﻔﺤﺔ ﺟﺪﻳﺪﺓ ﻭﻧﻈﻴﻔﺔ
ﺣﻮﺭﺍﺀ : ﺍﻱ ﺍﻱ .. ﺑﺲ ﺍﻟﻠﻪ ﻳﺴﺘﺮ ﻣﻦ ﺍﺑﻮﻱ .. ﻛﻮﻥ ﻳﻘﺒﻞ ﻧﺮﺟﻊ ﻭﺍﻟﻠﻪ ﺗﺨﺒﻞ ﺑﻌﺪ ﺍﺫﺍ ﺍﺑﻌﺪ ﻋﻨﻚ ﺍﻛﺜﺮ
ﻫﺸﺎﻡ : ﺍﻟﻠﻪ ﻛﺮﻳﻢ ﺧﻠﻴﻬﺎ ﻟﻠﻪ ....كرار صلاح قصص وروايات عراقية
ﻭﺷﻮﻱ ﺳﺪﺍﻩ ﻟﺘﻠﻔﻮﻧﻪ ﺑﻌﺪ ﻣﺎ ﻭﺩﻉ ﺣﻮﺭﺍﺀ .. ﻭﻛﻠﻬﺎ ﺑﻮﺳﻴﻠﻲ ﺍﻟﺠﻬﺎﻝ .. ﻭﺧﻠﺺ ﺍﻟﻴﻮﻡ ﻭﺍﺣﺪ ﻳﻔﻜﺮ ﺑﺎﻵﺧﺮ ...
ﻭﻳﻮﻡ ﺛﺎﻧﻲ ﺍﻟﺼﺒﺢ ﺩﺯﺗﻠﻪ ﺭﺳﺎﻳﻞ ﺑﺲ ﻣﺎﺭﺩ .... ﻭﻛﺎﻣﺖ ﻟﺠﻬﺎﻟﻬﺎ ﻏﺴﻠﺘﻬﻢ ﻭﺑﺪﻟﺘﻬﻢ ﻭﺭﻳﻜﺘﻬﻢ ﻭﻳﺮﺣﻮﻥ ﻳﻠﻌﺒﻮﻥ ﻛﺎﻟﻌﺎﺩﺓ ﻭﻳﻮﻛﺤﻮﻥ ...
ﺭﻗﻴﺔ ﺷﺎﻓﺖ ﻫﺸﺎﻡ ﻳﺮﻳﺪ ﻳﻄﻠﻊ : ﺻﺒﺎﺡ ﺍﻟﺨﻴﺮ ﻫﺸﻮﻣﻲ
ﻫﺸﺎﻡ : ﺻﺒﺎﺡ ﺍﻟﺨﻴﺮ .. ﻣﻮ ﻛﺎﻳﻠﺞ ﻫﺸﻮﻣﻲ ﻟﺘﻜﻠﻴﻠﻲ ﻛﻮﻟﻲ ﻫﺸﺎﻡ .. ﺟﺎﻫﻞ ﻭﺍﺩﻟﻌﻴﻨﻲ
ﺭﻗﻴﺔ ﺿﺤﻜﺖ : ﺍﺳﻔﺔ ﻳﺎﺷﻴﺦ .. ﻓﺪﻳﺘﻚ ﻓﺪﻱ .. ﺍﻛﻮﻝ ﻫﺸﺎﻡ ﺗﺮﺍ ﺣﻮﺭﺍﺀ ﻣﺎﺗﻢ ﻋﻘﺪﻫﺎ ﺣﺎﺟﺘﻨﻲ ﺍﻟﺒﺎﺭﺣﺔ
ﻫﺸﺎﻡ ﺍﺑﺘﺴﻢ : ﻋﺮﻓﺖ ﻗﺒﻠﺞ .. ﻳﺎﻟﻠﻪ ﺳﻼﻡ .. ﻭﻃﻠﻊ ....
ﻛﺮﺍﺭ ﺍﺟﻪ : ﺍﺷﻮﻓﻪ ﻣﺒﺘﺴﻢ ﺧﻴﺮ ﺷﺼﺎﻳﺮ
ﺭﻗﻴﺔ ﺣﺮﻛﺖ ﺣﻮﺍﺟﺒﻬﺎ : ﺣﻮﺭﺍﺀ ﻣﺎﺗﺰﻭﺟﺖ ﺟﺎﻥ ﺍﻣﺲ ﻋﺴﺎﺱ ﻋﻘﺪﻫﺎ ﻭﺍﻧﻠﻐﺖ
ﻛﺮﺍﺭ : ﻻ ﺑﺮﺑﺞ ﺻﺪﻙ .. ﻟﻌﺪ ﻫﺴﺔ ﺍﻛﻮ ﺍﻣﻞ ﻳﺮﺟﻌﻮﻥ ﻟﻮ ﺷﻨﻮ
ﺭﻗﻴﺔ : ﻣﺎﻋﺮﻑ ﺑﺲ ﺍﻟﻤﻬﻢ ﺣﻮﺭ ﻣﺎﺗﺰﻭﺟﺖ ﻣﻮﺟﻮﺩﺓ
ﻛﺮﺍﺭ : ﺍﻫﺎﺍﺍ ﺍﻱ ﻭﺍﻧﻪ ﺟﻨﺖ ﻧﺎﻭﻱ ﺍﺧﺬﻟﻪ ﺻﻔﻴﺔ ﺧﻄﻴﺔ ﻛﺎﺳﺮ ﺧﺎﻃﺮﻱ ﻭﺣﻴﺪ ﻭﻫﻲ ﺻﻔﻴﺔ ﻭﺣﻴﺪﺓ ﻫﻬﻬﻬﻬﻬﻪ
ﺭﻗﻴﺔ : ﻫﻬﻬﻬﻬﻬﻬﻪ ﻋﺎﺑﺖ .. ﻫﺴﺔ ﺭﺍﻳﺢ ﻳﻤﻜﻦ ﻳﺸﻮﻑ ﺣﺎﻯﺔ ﺍﻳﻤﺎﻥ .. ﻳﻜﻮﻝ ﺍﻟﺪﻛﺘﻮﺭ ﺣﺎﻟﻬﺎ ﺗﺘﺤﺴﻦ ﻭﺑﺪﺕ ﺗﺴﺘﻮﻋﺐ ﻭﺗﺎﻛﻞ .. ﺑﺲ ﻳﻜﻮﻝ ﻣﺎﺭﺍﺡ ﺗﺮﺟﻊ ﻣﺜﻞ ﻗﺒﻞ
ﻛﺮﺍﺭ : ﻻﺍﺍ ﻳﻌﻨﻲ ﺭﺍﺡ ﺗﺒﻘﻪ ﻣﺨﺒﻠﺔ .. ﺗﺴﺘﺎﻫﻞ ﺧﻞ ﺗﺘﺤﻤﻞ ﻧﺘﻴﺠﺔ ﺷﺮﻫﺎ .. ﻳﺎﻟﻠﻪ ﻋﻮﺭﻩ ﺍﻣﺸﻲ ﻣﺎﺗﺮﺩﻳﻦ ﺗﻮﻟﻴﻦ ﻟﻠﻜﻠﻴﺔ
ﺭﻗﻴﺔ : ﺍﻱ ﺑﻠﻲ .. ﻳﺎ ﺟﺒﺎﺭ ﺍﻻﻋﻮﺭ ﺍﻧﺘﻪ .. ﻓﺪﻳﺘﻚ ﻫﻬﻬﻬﻬﻬﻬﻪ .. ﻭﻳﻦ ﻧﺴﻤﻮﻭ ﻣﺎﺗﺮﻭﺡ ﻭﻳﺎﻙ
ﻛﺮﺍﺭ : ﻫﺴﺔ ﺗﻠﺤﻜﻨﻲ .. ﻛﻠﻲ ﻻﺑﻮ ﻋﻴﻮﻥ ﺯﺍﻳﻐﺔ ﻻ ﻳﺒﺎﻭﻉ ﻋﻠﻴﺞ .. ﺗﺮﻯ ﺍﺷﻠﻌﻬﻦ ﺍﻟﻪ
ﺭﻗﻴﺔ : ﻋﺎﺑﺖ ﺷﺒﻴﻚ ﻋﻠﻴﻪ ﻭﻟﻚ ... ﻛﺮﺍﺭ ﺿﺮﺏ ﺭﺗﺴﻬﺎ ﻭﻛﻠﻬﺎ ﺍﻻ ﺍﺧﻠﻲ ﻳﺴﻴﺮ ﺍﺩﻣﻲ ﻫﻬﻬﻬﻬﻪ .....
ﺑﻴﺖ ﺍﻟﺸﻴﺦ ﺣﺴﻴﻦ .....
ﺁﻳﺔ ﺍﺟﺖ ﻟﺤﻮﺭﺍﺀ : ﻫﻼﻭﻭﻭ ﺣﻮﺭﻱ .. ﺗﺪﺭﻳﻦ ﻣﻨﻮ ﻋﺪ ﺍﺑﻮﻱ
ﺣﻮﺭﺍﺀ ﺍﺑﺘﺴﻤﺖ ﻭﻋﺎﻓﺖ ﺍﻟﺒﻴﺪﻫﺎ : ﺷﻴﺨﻲ ﻣﻮﻭ ﻫﻮ ﻛﺎﻝ ﺭﺍﺡ ﻳﺠﻲ ﻷﺑﻮﻱ ﻳﺤﺎﺟﻲ
ﺁﻳﺔ ﺑﺘﻤﺜﻴﻞ ﺍﻟﺨﺮﻋﺔ : ﻭﻟﺞ ﻻ ﻫﺬﺍ ﺷﻴﺦ ﺷﺎﻳﺐ .. ﻭﺍﺑﻮﻱ ﺭﺍﺡ ﻳﻨﻄﻴﺞ ﻫﺪﻳﺔ ﺍﻟﻪ ﺕ ﻩ ﺳﻤﻌﺖ ﻋﻠﻲ ﺍﺧﻮﻱ ﻳﻜﻮﻝ
ﺣﻮﺭﺍﺀ ﺻﺪﻛﺖ : ﺷﻨﻮﻭ ﻭﻟﺞ ﻳﺎ ﺷﻴﺦ ﻫﺬﺍ ﻭﻫﺪﻳﺘﻴﺶ .. ﺷﻨﻮ ﺳﻠﻌﺔ ﺍﻧﻪ .. ﻭﻛﺎﻣﺖ ﻋﻠﻰ ﺣﻴﻠﻬﺎ .. ﺷﻨﻲ ﻫﻞ ﻛﺜﺮ ﺭﺧﺼﺖ ﻋﺪ ﺍﺑﻮﻱ ﻻ ﻳﺮﺑﻲ
ﺁﻳﺔ ﺿﺤﻜﺖ : ﺍﻱ ﺣﺘﻰ ﻳﺸﻨﻘﻨﻪ ﺍﻟﺸﻴﺦ ﻫﺸﺎﻡ .. ﻭﻟﺞ ﻫﺬﺍ ﺷﻴﺨﺞ ﺍﺟﻪ ﻷﺑﻮﻱ ﻭﻳﺎﻩ ﻋﻤﻪ ﺍﻋﺘﻘﺪ ﻭﺍﺑﻦ ﻋﻤﻪ ﺣﺰﻭﻣﻲ ﺍﺑﻮ ﺻﻜﻮﻛﻲ ﺧﺨﺨﺦ ﻭﺍﺳﻤﻊ ﻧﻘﺎﺵ ﺣﺎﺩ ﻭﺻﻴﺎﺡ ﺍﻟﻠﻪ ﻳﺴﺘﺮ ﺑﺲ
ﺣﻮﺭﺍﺀ ﺑﺨﻮﻑ : ﻻ ﺑﺮﺑﺞ .. ﺷﻠﻮﻥ ﺳﻤﻌﺘﻲ ﻭﻟﺞ ﺭﺣﺘﻲ ﻳﻢ ﺍﻟﺪﻳﻮﺍﻥ ﻭﺑﻲ ﺯﻟﻢ ﻭﺍﻟﻠﻪ ﻟﻮ ﻳﻠﻜﻔﺞ ﺑﺎﺑﺎ ﻳﻨﻌﻞ ﺳﻠﻔﻪ ﺳﻠﻔﺎﺝ
ﺁﻳﺔ : ﻫﻬﻬﻬﻬﻬﻪ ﻻ ﻳﺎﺑﻪ ﻃﻠﻌﺖ ﺑﺎﻟﺤﻮﺵ ﻭﺍﺳﻤﻊ ﺍﻟﻨﻘﺎﺵ ﻭﻋﺼﺒﻴﺔ ﺑﺎﺑﺎ .. ﺗﻌﺎﻱ ﺳﻤﻌﻲ
ﺣﻮﺭﺍﺀ ﺑﺨﻮﻑ : ﻣﺎﺭﻳﺪ ﺍﺳﻤﻊ ﻭﺍﻟﻠﻪ ﺧﺎﻳﻔﺔ ﻳﺮﻓﺾ ﻧﺮﺟﻊ ﺍﻧﻪ ﻭﺍﻟﺸﻴﺦ .. ﻭﺍﻻﻩ ﺗﺨﺒﻞ ﺍﻣﻮﺕ ﺑﺪﻭﻥ ﺷﻴﺨﻲ ...
ﺍﻳﺔ : ﻟﻌﺪ ﺍﻧﻪ ﺍﺷﻮﻑ ... ﻭﺭﺍﺣﺖ ﻃﻠﻌﺖ ﻭﺣﻮﺭﺍﺀ ﺑﻘﺖ ﻣﺘﻮﺗﺮﺓ ﺧﺎﻳﻔﺔ ﻭﺗﺮﻭﺡ ﻭﺗﺠﻲ ﺣﺘﻰ ﺩﻣﻮﻋﻬﺎ ﺍﺗﺠﻤﻌﺖ ﺑﻌﻴﻮﻧﻬﺎ ....
ﺁﻳﺔ ﺍﺟﺘﻬﺎ ﺭﻛﺾ : ﻭﻟﺞ ﺣﻮﺭ ﺍﺑﻮﻱ ﻋﺼﺐ ﻋﻠﻰ ﺍﻟﺸﻴﺦ ﻭﻃﻠﻊ ﻣﻌﺼﺐ ﻭﻣﺎ ﻗﺒﻞ ﻳﺮﺟﻌﻜﻢ ﻭﻛﻠﻪ ﺑﻌﺪ ﻻ ﺗﺠﻴﻨﻲ
ﺣﻮﺭﺍﺀ ﺑﺠﺖ : ﻻ ﻳﺎﻟﻠﻪ ﻻﺍﺍﺍ ﺷﻴﺨﻲ
ﺑﺪﺧﻠﺔ ﺍﻟﺸﻴﺦ ﺣﺴﻴﻦ ﻭﺷﺎﻑ ﺣﻮﺭ ﺗﺒﺠﻲ ... ﻛﻠﻬﺎ ﺷﺒﻴﺞ .. ﺍﻳﺔ ﻛﻠﺘﻠﻪ ﺑﺎﺑﺎ ﻋﻠﻰ ﺍﻟﺸﻴﺦ ﺗﺒﺠﻲ ﻫﻬﻬﻬﻬﻬﻪ ...
ﺣﻮﺭﺍﺀ ﺯﺍﺩﺕ ﺑﺎﻟﺒﺠﻲ ﻛﺪﺍﻣﻪ ﻟﺘﻜﻮﻝ ﻃﻔﻠﻪ ﻭﺿﺤﻚ ﺑﻜﻠﺒﻪ ﻋﻠﻴﻬﺎ ...
ﺍﻟﺸﻴﺦ ﺣﺴﻴﻦ ﺍﺑﺘﺴﻢ : ﺍﻫﺎﺍﺍ ﻫﺎﻟﺒﺠﻲ ﻋﻠﻰ ﺍﻟﺸﻴﺦ .. ﺍﻱ ﻫﻮ ﻣﺎﻳﺘﺴﺘﺎﻫﻠﺞ ﺑﻮﻳﻪ ﺧﻠﻲ ﻳﺮﻭﺡ ﺑﺴﺒﻴﻞ ﺣﺎﻟﻪ .. ﺍﻻ ﺍﺯﻭﺟﺞ ﺷﻴﺦ ﻣﻌﺪﻝ
ﺣﻮﺭﺍﺀ ﻇﻠﺖ ﺗﺒﺠﻲ ﺍﻛﺜﺮ ﻭﺑﺼﻮﺕ ... ﻭﺍﺟﻮ ﻋﻠﻰ ﺑﺠﻴﻬﺎ ...
ﺍﻟﺸﻴﺦ ﺣﺴﻴﻦ ﺍﺑﺘﺴﻢ : ﻟﺬﻟﻚ ﺑﻮﻳﻪ ﺣﻀﺮﻱ ﻧﻔﺴﺞ ﻟﻬﺬﺍ ﺍﻟﺸﻴﺦ .. ﺍﻟﻴﻮﻡ ﻳﻌﻘﺪ ﻋﻠﻴﺞ ...
......ﻳﺘﺒﻊ🌿
