#هدية_الشيخ_هشام
#الكاتبه_التميميه
#ﺍﻟﺒﺎﺭﺕ_20
ﻣﺮﺕ ﻳﻮﻣﻴﻦ ﻭﺣﻮﺭﺍﺀ ﻧﻔﺲ ﺣﺎﻟﺘﻬﺎ ﻻ ﺯﺍﺩﺕ ﺍﺻﻼً ... ﻋﻤﺘﻬﺎ ﺗﻜﻠﻬﺎ ﺍﺧﺬﺝ ﻟﻠﻤﺴﺘﺸﻔﻰ ﻛﻠﺘﻠﻬﺎ ﻻ ﺑﺲ ﻣﻌﺪﺗﻲ ﺩﻭﻡ ﻣﺎ ﺗﺘﺤﻤﻞ ﺷﻲ ....
ﺍﻟﻌﺼﺮ ﻫﺸﺎﻡ ﻛﻠﻬﺎ ﺑﺪﻟﻲ ﻭﻟﺒﺴﻲ ﻋﺒﺎﻳﺘﺞ ﺍﺧﺬﺝ ﻟﻠﻤﺴﺘﺸﻔﻰ ...
ﻭﻣﺎﻋﺘﺮﺿﺖ ﻛﺎﻣﺖ ﺑﻼ ﻛﻼﻡ ﻭﺗﺮﻳﺪ ﺗﺒﺪﻝ ﺍﺳﺘﺤﺖ ﻣﻨﻪ .. ﻣﻬﻤﺎ ﻳﻜﻮﻥ ﻣﺎﺗﻌﻮﺩﺗﻪ ﻭﻫﻮ ﻣﺎﻟﻤﺴﻬﺎ ﻏﻴﺮ ﻣﺮﺓ ﻭﺣﺪﺓ ...
ﻫﺸﺎﻡ ﻻﺣﻈﻬﺎ ﻭﺍﻛﻔﺔ ﻳﻢ ﺍﻟﻜﻨﺘﻮﺭ : ﺧﻴﺮ ﺑﻮﻳﻪ ﺑﻴﺞ ﺷﻲ
ﺣﻮﺭﺍﺀ ﻛﻠﺒﻬﺎ ﺩﻙ ﺣﻴﻞ ﺻﺎﺭﻟﻪ ﺷﻜﺪ ﻣﻴﻜﻠﻬﺎ ﻫﺎﻟﻜﻠﻤﺔ :
ﻻ ﻣﺎﺑﻴﻪ ﺷﻲ ﺑﺲ .. ﺑﺲ .. ﻭﺑﻜﻮﺓ ﻧﻄﻘﺘﻬﺎ .. ﺩﻳﺮ ﻭﺟﻬﻚ ﺧﻞ ...
ﻫﺸﺎﻡ ﻛﺎﻃﻌﻬﺎ : ﺗﺨﺠﻠﻴﻦ ﻣﻨﻲ ﺑﻌﺪﺝ .. ﻭﺑﺎﻭﻋﻠﻬﺎ ﺑﻨﻈﺮﺍﺕ ﺷﻜﺪ ﺗﺤﺒﻬﺎ .. ﻭﺷﺎﻓﻬﺎ ﻣﺎﺗﺮﺿﻰ ﺗﺒﺪﻝ ﺍﻻ ﻳﺪﻳﺮ ﻭﺟﻬﻪ ...
ﻫﺸﺎﻡ : ﻭﻫﺎﻱ ﺩﺭﺕ ﻭﺟﻬﻲ ...
ﻭﻛﻌﺪ ﻋﺎﻟﺴﺮﻳﺮ ﻭﻧﻄﺎﻫﺎ ﻇﻬﺮﻩ ...
ﻭﻫﻲ ﻧﺰﻋﺖ ﺍﻻﺑﺴﺘﻬﻦ ﻋﻠﻰ ﻛﻴﻒ ﻣﺎﺑﻴﻬﺎ ﺣﻴﻞ ﺧﻤﻮﻝ ﻭﺗﻌﺐ ﻭﻣﻨﺎ ﺧﻮﺍﺻﺮﻫﺎ ﻣﺘﺸﻨﺠﺔ ﻣﻦ ﺍﻟﺘﻘﻴﺄ ...
ﻭﻣﺎﺗﺪﺭﻱ ﺑﻌﻴﻮﻧﻪ ﺗﺮﺍﻗﺒﻬﺎ ﻣﻦ ﺍﻟﻤﺮﺍﻳﺔ ﺍﻟﻲ ﻛﺒﺎﻟﻪ .. ﻣﻦ ﺗﻌﺒﻬﺎ ﻭﻓﻬﺎﻭﺗﻬﺎ ﻣﺎﻣﻨﺘﺒﻬﺔ ﺍﻟﻪ ...
ﻫﺸﺎﻡ ﺟﺎﻱ ﻳﻨﺘﻈﺮﻫﺎ ﻭﻧﺎﻃﻴﻬﺎ ﻇﻬﺮﻩ ﻭﻫﻲ ﺟﺎﻱ ﺗﺒﺪﻝ ﻭﺭﺍﻩ ... ﻭﻣﻌﻜﻮﺳﻪ ﺑﺎﻟﻤﺮﺍﻳﺔ .. ﺗﻨﻬﺪ ﻭﻧﺰﻝ ﺭﺍﺳﻪ ﺑﻬﻢ .. ﻭﻫﻤﺲ ﻟﻨﻔﺴﻪ ﺷﻜﺜﺮ ﻣﺸﺘﺎﻗﻠﺞ ﻳﺎﺑﻪ .....
ﺑﺪﻟﺖ ﻭﺧﻠﺼﺖ ﺭﺍﺣﺖ ﻋﺪﻟﺖ ﺣﺠﺎﺑﻬﺎ ﻭﻫﻮ ﻳﺮﺍﻗﺒﻬﺎ ﺣﺮﻛﺘﻬﺎ ﺑﻄﻴﺌﺔ ﺷﻜﺜﺮ ﺗﻌﺒﺎﻧﺔ ﻟﻌﺪ ...
ﻫﺸﺎﻡ ﺑﻬﺪﻭﺀ : ﺧﻠﺼﺘﻲ
ﺣﻮﺭﺍﺀ ﺑﻬﺪﻭﺀ : ﺍﻱ ﺷﻴﺨﻲ .. ﻭﻟﺒﺴﺖ ﻋﺒﺎﻳﺘﻬﺎ ..
ﻫﺸﺎﻡ ﻛﺎﻡ : ﻻ ﺗﺤﻄﻴﻦ ﻋﻄﺮ ﻭﻳﺎﻟﻠﻪ ﻟﺤﻜﻴﻨﻲ ... ﻭﻃﻠﻊ ﻭﻃﻠﻌﺖ ﻭﺭﺍﻩ
ﻭﺻﺎﺭﺕ ﺑﻮﺟﻬﻢ ﺍﻳﻤﺎﻥ :
ﻫﺎﺍﺍ ﻋﻴﻮﻧﻲ ﻋﻠﻰ ﻭﻳﻦ .. ﻭﺍﻟﻠﻪ ﺷﻜﻠﻜﻢ ثنائي ﺣﻠﻮ ﻳﺨﺒﻞ .. ﺷﺎﻳﺐ ﻭﺯﻋﻄﻮﻃﺔ .. ﺷﻨﻮ ﺭﺍﻳﺤﻴﻦ ﻣﻜﺎﻥ
ﻫﺸﺎﻡ : ﺍﻱ ﻟﻠﻤﻜﺒﺮﺓ ﻧﺪﻓﻦ ﺍﺣﺴﺎﺳﺞ ﺗﺮﺣﻴﻦ ﺗﻮﺩﻋﻴﻨﻪ ﻭﻳﺎﻧﻪ
ﺍﻳﻤﺎﻥ : ﺩﻓﻨﺘﻪ ﻗﺒﻠﻜﻢ .. ﺍﻟﺤﻚ ﺍﺣﺴﺎﺳﻚ ﺷﻴﺨﻲ .. ﺗﺮﺍ ﻛﺒﺮﺍﻥ ﺍﻧﺘﻪ ﺣﻴﻞ ﺷﻮﻑ ﺍﻟﺸﻴﺐ ﻣﻠﻪ ﻟﺤﻴﺘﻚ
ﻫﺸﺎﻡ ﺑﺜﻘﺔ : ﺍﻟﺸﻴﺐ ﻭﻗﺎﺭ ﻣﻮ بعار ... ﻭﻋﺎﻓﻬﺎ ﻭﻣﺸﻪ ... ﻭﺣﻮﺭﺍﺀ ﻟﺤﻜﺘﻪ ﻭﻋﺒﺮﺕ ﻋﻠﻰ ﺍﻳﻤﺎﻥ ﻭﻛﺮﺻﺘﻬﺎ ﺣﻴﻴﻞ .. ﻭﺑﺎﻭﻋﺘﻠﻬﺎ ﺑﺄﺳﺘﻐﺮﺍﺏ ... ﻭﺗﻜﻮﻝ ﻫﺎﻱ ﺷﺒﻴﻬﺎ ...
ﺻﻌﺪﺕ ﺍﻟﺴﻴﺎﺭﺓ ﻭﻳﻪ ﻫﺸﺎﻡ ﻭﻫﻲ ﺳﺎﻛﺘﻪ .. ﻭﺗﺒﺎﻭﻉ ﻋﺎﻟﺠﺎﻣﻪ ﻭﺍﻳﺪﻫﺎ ﻋﻠﻰ ﺧﺪﻫﺎ ... ﺍﻟﺘﻔﺘﺖ ﺗﺒﺎﻭﻉ ﻟﺸﻴﺨﻬﺎ ﻳﺴﻮﻕ .. ﺷﻜﺪ ﻫﻴﺒﺔ ﺑﻨﻈﺮﻫﺎ .. ﻭﺩﻛﺎﺕ ﻛﻠﺒﻬﺎ ﺗﻬﺘﻒ ﺑﺤﺒﻪ ﺍﻟﻒ ﻣﺮﺓ ....ﺣﻮﺭﺍﺀ ﺑﻜﻠﺒﻬﺎ ﻭﺑﺤﺰﻥ : ﻫﺎﺍﺍ ﻳﺸﻴﺨﻲ ﺷﻮ ﺟﻨﻚ ﻫﻮﻧﺖ ﻋﻦ ﻋﺸﻜﻚ .. ﺻﺎﻳﺮ ﻗﺎﺳﻲ ﻣﺘﻌﺒﺮﻧﻲ .. ﻟﻴﺶ ﻣﻮ ﺭﺍﺿﻲ ﺍﺗﺼﺪﻙ ﺍﻧﻪ ﺑﺮﻳﺌﺔ ﻭﻣﻈﻠﻮﻣﺔ .. ﺍﻟﻠﻪ ﻳﻨﺘﻘﻢ ﻣﻦ ﺍﻟﻈﺎﻟﻤﻴﻦ ﺍﻟﻲ ﺧﻠﻮ ﻣﺴﺎﻓﺔ ﺑﺤﺮ ﺑﻴﻨﺎﺗﻨﻪ .. ﺍﻟﻠﻪ ﻳﻬﺪﻱ ﻛﻠﺒﻚ ﻋﻠﻴﻪ
ﻫﺸﺎﻡ ﺍﻟﺘﻔﺖ ﻋﻠﻴﻬﺎ ﺗﺒﺎﻭﻋﻠﻪ .. ﻭﺭﺟﻊ ﻋﻴﻨﻪ ﻋﻠﻰ ﺍﻟﻄﺮﻳﻖ .. ﻭﺫﺏ ﺣﺴﺮﺓ ﺷﻜﺒﺮﻫﺎ .. ﺣﺘﻰ ﺧﻠﺖ ﻛﻠﺒﻬﺎ ﻳﺘﺄﻟﻢ ...
ﺍﻟﺪﻣﻮﻉ ﻣﻠﺖ ﻋﻴﻨﻬﺎ ﻭﺗﺤﺲ ﻫﺬﺍ ﻣﻮ ﻫﺸﺎﻡ ﺗﻐﻴﺮ ﺣﻴﻞ ﺻﺎﻳﺮ ﺟﺒﻞ ﻣﺎﻳﻬﺘﻢ .. ﺟﺎﻧﺖ ﺗﺤﺲ ﺑﺪﻓﻮ ﺣﻨﻴﺘﻪ ﺑﺼﻮﺗﻪ ﺑﻤﻠﺲ ﺍﻳﺪﻩ ﻟﺨﺪﻫﺎ ...
كرار صلاح قصص وروايات عراقية
ﻭﺻﻠﻮ ﺍﻟﻌﻴﺎﺩﺓ ﻫﻲ ﻣﻮ ﺑﻌﻴﺪﺓ ﻗﺮﻳﺒﺔ ﻣﺎ ﺍﺧﺬﻫﺎ ﻣﺴﺘﺸﻔﻰ ﺍﻟﻌﺼﺮ ﺑﺲ ﻃﻮﺍﺭﺉ ... ﻭﻧﺰﻟﻮ ﻭﺩﺧﻠﻮ ﺟﻮﻯ ..
ﺩﺧﻠﻮ ﺩﻛﺘﻮﺭ ﻷﻥ الدﻛﺘﻮﺭﺓ النسائية ﻣﺎﻛﻮ بس ﺩﻛﺘﻮﺭ ﺑﺎﻃﻨﻴﺔ .. ﻛﺎﻝ ﻣﻮ ﻣﺸﻜﻠﺔ ﺩﻛﺘﻮﺭ ...
ﻭﻫﻮ ﺩﻛﺘﻮﺭ ﺟﺒﻴﺮ ﺑﺎﻟﻌﻤﺮ ﻭﺷﺎﻳﺐ .. ﺟﺮﺍﺡ ﻣﺨﺘﺺ ﻭﺩﻛﺘﻮﺭ ﺧﺒﺮﺓ ﻃﻮﻳﻴﻠﺔ ...
ﺍﻟﺪﻛﺘﻮﺭ : ﺗﻔﻀﻠﻲ ﺑﺎﺑﺎﺗﻲ .. ﺷﻨﻮ ﺍﺳﻤﺞ
ﺣﻮﺭﺍﺀ : ﺍﺳﻤﻲ ﺣﻮﺭﺍﺀ ﺣﺴﻴﻦ .. ﻭﻋﻤﺮﻱ 18
ﺍﻟﺪﻛﺘﻮﺭ : ﺍﻱ ﺑﻨﺗﻲ ﺷﻨﻮ ﻋﻨﺪﺝ
ﺣﻮﺭﺍﺀ : ﺩﻛﺘﻮﺭ ﺑﻄﻨﻲ ﻛﻠﺶ ﺗﻮﺟﻌﻨﻲ .. ﻭﻋﻨﺪﻱ ﺣﺎﻟﺔ ﺗﻘﻴﺄ ﺻﺎﺭ ﺍﻳﺎﻡ ﻭﻛﻠﻪ ﺩﺍﻳﺨﺔ وﺧﻤﻮﻝ ﻣﻮ ﻃﺒﻴﻌﻲ ﻭﺗﻌﺐ ﻣﻮ ﺩﺍﺋﻤﺎً بس ﻣﺎﻛﺪﺭ ﺍﻭﻛﻒ ﻋﻠﻰ ﺣﻴﻠﻲ
ﺍﻟﺪﻛﺘﻮﺭ : ﺍﻫﺎﺍ ﻭﻣﺘﺰﻭﺟﺔ ﺑﻨﻴﺘﻲ .. ﻭﺟﻬﺞ ﺍﺻﻔﺮ ﻫﻮﺍﻱ
ﺣﻮﺭﺍﺀ : ﺍﻱ ﺩﻛﺘﻮﺭ متزوجة
ﻭﺑﺎﻭﻋﺖ ﻟﻬﺸﺎﻡ ﺍﻟﺴﺎﻛﺖ ..
ﺍﻟﺪﻛﺘﻮﺭ ﻛﺘﺒﻠﻬﺎ ﻭﺭﻗﺔ : ﺳﻮﻱ ﺗﺤﻠﻴﻞ ﺩﻡ .. ﻧﺴﺒﺔ ﺩﻣﺞ ﻭﺗﺤﻠﻴﻞ ﺣﻤﻞ .. ﺗﺴﻮﻳﻦ ﺗﺤﻠﻴﻞ ﺟﺮﺛﻮﻣﺔ ﺍﻟﻤﻌﺪﺓ ﻭﺑﻌﺪﻫﺎ ﻧﺸﻮﻑ ﺗﺤﺘﺎﺟﻴﻦ ﺳﻮﻧﺎﺭ لو لا ..
اﺧﺬ ﺍﻟﻮﺭﻗﺔ ﻫﺸﺎﻡ ﻭﻃﻠﻌﻮ ﺳﻮو ﺍﻟﺘﺤﺎﻟﻴﻞ ﺑﺎﻟﻤﺨﺘﺒﺮ ﻭﻛﻌﺪ ﻋﺎﻟﻜﺮﺳﻲ ﻳﻢ ﺍﻟﻤﺨﺘﺒﺮ ﻭﻫﻲ ﺑﺼﻔﻪ ....
