البارت الثالث عشر
ايمي عصام
ماسة رعد
يوسف/معرفش بجد اختك مالها
ليل /أنا بقيت واثقة إن اللي ضرب أمير هو اللي عمل كده في تارا تارا اكيد كانت في نفس الفندق .
يوسف بزعل /معرفش معرفش اعمل اي .
ليل لوت شفايفها بفقدان حيلة وقامت طبطبت عليه/معلشي أنا عارفة اني تقلت عليك بمشاكلي دا انت لسة نازل من الشغل .
يوسف ابتسم /ياعم انت تعمل اللي يعجبك .
ليل ابتسمت /هو دا العشم برضوا .
يوسف/هقوم أنام اقفلي ع نفسك الشفة كويس اووي اتفقنا.
ليل/ياعم سايب راجل عيب عليك تحميل تصبح ع خير
__في فيلا فهد__
فهد بندم كان واقف قدام باب الاوضة لحد م خبط عليها ''
فهد/افتحي يملك افتحي عايز اتكلم معاكي كلمتين .
ملك قامت فتحت كان باين عليها العياط اتكلمت بنبرة مهزوزة '
ملك بدموع/ايه كمان
فهد/صدقيني يملك حاولت.
ملك زعقت/حاولت ؟! انت بتقول ايه دا لو انت غريب بني ادم عندك إنسانية كنت هتبلغ الشرطة مش تروح معاهم وتقولي حاولت!
فهد/بس رعد اخويا .
ملك خبطته بايديها ع صدره /ودي اختي !! اللي انت كنت عايز تبيعها بفلوس وتقبض حقها تبقا اختي!!!! فاهم اختي .
فهد دمع ونزلت من عيونه دموع/ملك أنا آسف .
ملك /آسف ؟! يجبروتك آسف وانا ابص في وش اختي ازاي بعد كد اقولها معلشي اصل قالي آسف وسامحته اسامحك في أي حاجة الا اختي .
فهد/بس
ملك بمقاطعة/بس لو انت زي م قولت بتحبني طلقني أنا مش هقدر ابص في وشك ووشها .
فهد لف وشه ونفخ بضيق/بس انا مش هطلق .
ملك/وانا من النهاردة هعتبر نفسي مطلقة وميربطنيش حاجة بيك تاني .
ملك قالت جملتها بدموع ودخلت رزعت الباب وقفلت على نفسها وهو دخل أوضته''
__في فيلا رعد__
رعد كان خلص شغل ودخل لاقها نايمة لسة ميل عليها وطبع قبلة على رأسها وغطها ونام جنبها .....''
نارة خبطت/أمير
أمير فتح عيونه /ادخلي
نارة /صباح الخير أنا لسة صاحية قولت اجي اشوفك لو محتاج حاجة.
أمير /لا شكرا رعد صحي .
نارة/معرفش أنا بره هحضر فطار لينا كلنا .
أمير/اوكي.
__في جناح رعد__
تارا كانت بتتقلب بصت حواليها لقيته نايم وحاطط أيده على بطنها وأيده التانية حوالين شعرها كانت مستغربة كم الحنان دا قد ايه ملامحه لطيفة من قريب بس باين عليه القسوة حتي وهو نايم تصرفاته الغريب بتقلقها فاقت من تفكيرها .."
رعد ابتسم/صباح الخير
تارا ابتسمت..
رعد قام من جنبها وكان لسة ودخل الحمام اخد شاور ولبس وخرج كانت لسة هي قاعدة مكانها بتلعب في صوابع ايديها ومبتسمه''
رعد بحنية/تارا
تارا رفعت عيونها اول لما عيونه جت في عيونها نزلت راسها بسرعة ››
رعد/ارفعي راسك تارا
تارا كانت خايفة منه فهو قرب وحط صوابعه عند دقنها ورفع راسها لي''
رعد بحنية/متنزليش راسك حاولي كد تتكلمي .
تارا حاولت ومكنتش عارفة ''
رعد بقلق/خلاص خلاص متتعبيش نفسك خلاص اهدي براحة .
تارا هزت راسها وبعدت شويا علشان أيده متبقاش عليها ''
رعد/قومي غيري ويلا انزلي ورايا .
تارا بخوف هزت راسها بدأت تبص في أرجاء الاوضة بخوف .. كانت خايفة تفضل لوحدها ''
