#أبن_ليل
#صاحبة_البطل_الواحد
#أميره_اسامه
البارت الثامن عشر..
...............
قبل كام ساعه من رجوع دره الأفتتاح كان مكسر الدنيا وبمناسبه الأفتتاح كانوا عاملين عروض علي كل أنواع اللحوم المحل عند زكريا كان شبه فاضي.
كرم و رفاعي والشباب مكانوش محتاجين توصيه عشان يغيظوا عبدالله وزكريا.
رفاعي...ولا يا مَنكش
مَنكش ....أيووووه جاي عنيا يا سيد المعلمين يا مولعها🥴
رفاعي.....نزل دور ساقع تاني مش عايز حد في بحري مياخدش واجبه
مَنكش....اطمن يا حاج الكل شرب وبزياده
رفاعي....وماله يا ولا يشربوا تاني
مَنكش....بيتك هيتخرب يا معلم🥴
رفاعي....ياولا بطل طولت لسان وخليك في حالك 😒
مَنكش....الحق عليا خايف علي فلوسك هو الواحد كده ميعملش معاكم معروف ابداً😒
بكر.....😂انت يا ولا مسحوب من لسانك ليه اعمل اللي المعلم قالك عليه ولا اروح اقول للمعلم صبري انك بطفش الشغل 😉
مَنكش....اعوذ بالله 😒 علي طول يا معلم بكر قارش ملحتي انا غلطان ان خايف علي فلوسكم اصلك انت مش فاهم
قرب منه بكر وهو بيضحك
بكر....فهمني يا ابو العوريف😂
مَنكش....الخلق هنا في الشارع معفنين ده الواحد فيهم بياخد بدل المره تلاته اسمع مني لمحت عبدو الحلاق ثلاث مرات بياخد ساقع ماهو ابو بلاش كتر منه😒
بكر...بص لرفاعي و فضل يضحك ياولا عيب بتشتم في اهل منطقتك وبعدين بالهنا والشفا انت دافع حاجه من جيب اهلك😂😂
رفاعي.....سيبك منه يا بكر اهو اللي زي ده قطاع ارزاق بيقطع برزق الناس وبيقطع رزقه ياولا انت مش هتكسب من ورانا😂
مَنكش.....محصلش😒 وهو انا لو هنكسب من وراكم كان زماني نصحتكم بس المكسب كله رايح لمعلم صبري اللي ينشك وده الفلوس بتدخل جيبه مبتخرجش غير بالطبل البلدي فا ادام كده كده مش مستفاد نبوظله الشغل وانا ضميري مرتاح🥴
فطس رفاعي وبكر من الضحك علي مَنكش
رفاعي ...خد بالك نروقوا كده ونخلصوا من الافتتاح وليا قاعده مع المعلم صبري وابقي فكر بقي هتقول ايه وهتعمل ايه لما يطردك زي الكلب😂😂
مَنكش....لا مواخذه يا معلم بس مش هتقدر أصلك هو لو طردني والمرسي ابو العباس ما هسيبكم وهشتغل معاكم ووقتها هطفش الزباين من عندكم🥴
رفاعي....شوف الولا بيقولها في وشي😂😂
بكر.....انا مش عارف انت صابر عليه وعلي طولت لسانه يا معلم😂😂
