الـقـدر جـمـعـنـا 🍁

part 11 the end

.. انتو تعرفو بعض..
سليم: اه.. دي تبقى بنت اعظم راجل قابلته في حياتي.. واعز الناس على قلبي.. وله فضل عليا مش هنساهوله طول حياتي..

لليث... اهدى عليا كدة واشرحلي واحدة واحدة..
سليم... لولاه كان زماني مرمي في الشارع منغير شغل ولا مأوي.. هو الي رباني وبسببه قدرت ادخل كليه الشرطة وبسببه بردو اتوظفت.. وبقيت ظابط شرطة.. و ساعدني اني اقف على رجلي واشترالي شقة..
كان بيعتبرني ابنه و انا كنت بعتبره والدي... ويمكن اكتر كمان..

حورية: بابا كان اعظم أب..(وعينيها بتدمع) انا هقوم اجهزلكم الغداء.. وبتدخل المطبخ وتقعد تعيط لليث بيعرف وبيدخل يشوفها..
_حوريتي..
حورية اول لما بتشوفه بتجري في حضنة وبتقعد تعيط..
_اهدي ياحياتي هو في مكان احسن دلوقتي..
_بس هو واحشني قوي..
_خلاص ناخد مالك ونروح نزوره اهدي بقا..
مالك: مممة.. مامة.. ممة.. مالك كان ماشي ودي اول مرة ليه يمشي..
لليث: مالك.. مالك بيمشي.. مالك كان ماشي بأتجاه حورية بس وقع قبل مايوصل.. لليث شاله وباسه..
حورية كانت مبسوطة لأن لليث بيحبه زي مايكون ابنه..
_يلا بقا خد ابنك واطلع عايزة اجهز الاكل ولا هتمشوها دليفري.. لليث قرب من مالك وبيهمسله بمرح..
_بنطرد عيني عينك كدة بس ماشي هخليني انا الكبير وهطلب اكل.. تحب تطلب اي يا باشا.. ايه عايز بيتزا 🍕وانا كمان عايز بيتزا...(الولاا منطقش اصلا😂)
اي رأيك ياماما نطلب بيتزا... حورية مش قادرة تبطل ضحك لليث فرح لأنه قدر يخليها تضحك وقعد يضحك هو كمان..
_خدي بقا ياماما ملوكة وانا هطلب اكل يلاا..
لليث اداها مالك وباس راسها وخرج..

_منور ياسليم..
_بنورك ياحبيبي...
_مش ناوي تجوز بقا يابني عايزين نفرح بيك..
_ مش لما نفرح بيك الاول..
وليد: قوله ونبي لحسن مغلبني معاه.. العروسة موجودة والشقة موجودة مش ناقص غير المأذون والشبكة..
_لي يابابا مش لسة القاعة والا هندخل سوكيتي..
_ومالوا حدد انت بس ميعاد وروح انت وحورية واحجز القاعة الي على مزاجك..
_اي يابابا هو انا لسة صغير..
_لي يا سيادة الرائد هتكبر عليا يلاا والا اي .
-العفو يابابا بس حضرتك يعني..
- بلا بس بلا حضرتك مفيش نقاش ويلا بقا اتفقوا خلينا نفرح ...

-الي تؤمر بيه يا سيادة اللوى...
-يلاا حسسني اني ابوك وقول بابا والا انت نسيت اني ابقى ابوك قبل ما اكون سيادة اللوى...

-لاء طبعا يابابا اي الي حضرتك بتقوله دا بس حضرتك طول عمرك قدوتي ويوم مادخلت الشرطة كان عشان اكون زيك ف انا فخور بأني ابن سيادة اللوى سالم الجبيلي ...
-انا فعلا عرفت اربي ...مبروك يا ابني ...وهنا سالم حضنه...انت فعلا ابني الي كنت طول عمري بحلم باليوم الي تبقى زيي بس طلعت احسن مني انا فخور بيك جدا يا ابني واتمنالك حياة سعيدة مع مراتك وابنك (يقصد مالك) طبعا انا مش هوصيك عليهم ...
-مش محتاج وصية يابابا حورية قبل لما تكون بنت عمي فهي حبيبتي وحب عمري الاول الاخير ولأن مالك عزيز على حياتها وحياتي ف انا من اناهردة اعتبره ابني فعلا ...

وهنا حورية اتأثرت اوي مكنتش متوقعة ابدا انها في يوم يكون ليها عيلة بجد وابن وزوج عمرها مكانت تحلم بيه مش بس لأنه غني ولا لأنه ظابط ولا لأنه ابن عمها بس لأنه فعلا راجل وبيحبها ومحدش هيخاف عليها قده وفعلا قد المسؤلية ودا الي الواحد فعلا يأمنه على حياته مش بس يوافق يتجوزه....

..........~~~~~●^●~~~~~..........

يوم الخميس الموافق ٢٠٢٤/٢/٢٤م تم كتب كتاب ليث على حورية وعملها اكبر قاعة في مصر كلها وكان فيها كل مصر حرفيا وجبلها شبكة عمرها ماكانت تحلم بيها لأنها فعلا مكنتش عايزة غير راجل زي ليث ودا الي محتاجاه كل بنت راجل يحبها ويخاف عليها ويحتويها ويكون لها الأخ والسند والصديق قبل مايكون جوزها...
ليث كان عايز يشتري فيلة جديدة يعيشو فيها لكن اهله رفضو مش عايزينهم يسيبوهم و يعيشو بعيد عنهم وطبعا حورية وفقت وبشدة لأنها فعلا حست بالأمان وهي في وسط العيلة دي وعرفت يعني اي عيلة ولمة العيلة .... بعد الصبحية ليث خد حورية يقضو اجمل شهر عسل في الساحل وسابو مالك مع فريدة ووليد الي اتلعقو هما كمان بمالك اوي ونسيو انو مش حفيدهم بجد ومش عايزة اقولكم على قصة الحب الي لسة مستمرة بين وليد وفريدة والرابطة الي عمرها متنكسر طول ما هما مع بعض الرابطة هتفضل مستمرة مدى الحياة لأن دا الحب لحقيقي...سليم بقا لسة ياعيني ما لقاء البنت الي تستاهله وتستاهل انه يسلم لها قلبه ويحبها....

♡النهاية♡

وبكدة تكون خلصت روايتها القصيرة والعاطفية وراكم على خير في رواية جديدة واتمنى اذا اعجبتكم اسلوبي ياريت تدعموني لأن دا فعلا بيفرق معايا اوي حتى لو ب كومنت لطيف دا كافي انو يفرحني بحبكم فالله 😙😚