ECHOES OF THE REUNION: Unearthed Secrets

CHAPTER 5

"Ngani atung dula." ana si lola ug mismile sa amoa, "Kamo ang mutago," tudlo niya namong Darlyn, Froilan, nanay ug tatay. "Ug kami ang mangita sa inyoha." Ha, gansia gud kaayu namo. Wa lang guroy pila ka minuto naa nay mamatay sa amoa tungod aning kalakiha!

"Kung abutan ta ug alas syete sa gabie ug wala pay makita bisan usa sa inyoha, o kung isa ra ang makit-an mahuman na ang dula. Iannounce ra nako diri, mag-andam mi ug speaker para madunggan ninyo kung asa man mo dapit nagtago. Kung madunggan na ninyo, pwede namo mugawas para sugdan nato ang atong panihapon." ana sya ug mipahiyom sa amoa. "Kasabot mo?" ana sya.

Nagtinan-away rami sa akong mga kauban ug wala mitubag sa iyaha. Pero okay-okay rasad ang iyang giingon kay kung wala gyuy makit-an ug maabtan nag gabie walay bisan usa sa amoa ang mamatay. Ampo lang gyud ko nga wala gyuy makit-an sa amoa.

"Bungol mo?! ana kog nakasabot ba mos akong gisulti?!" syagit niya maong nakagunit ko dayun ni Darlyn ug Froilan nga naa sa akong tupad.

"N-nakasabot!" dungan namog ingon tungod sa kahadlok. Sure lage nga mao ni akong lola Biring? Bisan bata pako sa dihang mihawa mi diri, kahibalo man ko nga buotan to akong lola. Pinangga paman gani ko kaayu adto, nya manong karon ing-ani naman sya?

"Sugdan na nato ang dula!" ana sya ug mitalikod silang tanan sa amoa. "Mag-ihap mi taman baynte, tarunga ninyog pangitag taguan kay kung dili...naa gyuy isang mamatay." ana sya maong nag-ginunitay mig kamot ni Darlyn.

Nag-sugod na ug ihap ang tigulang maong naratol mig asa mi manago, sultian unta nako si nanay ug tatay na mag-uban rami ug dili mi magbuwag pero ulahi na kay nakadagan na sila unya buwag pa gyud ilang direksyon! Pwede raman unta na dili sila magbuwag!

Si Froilan sad nidagan ug wala nako kabalog asa mitunong, mako ang balay ni lola maong daghan mig kataguan pero ang problema wala mi masuhito aning balaya!

Kami nalang ni Darlyn ang nagkuyog ug nangita mig safe nga kataguan. Naabot mi sa usa ka kwarto nga daghan kaayog mga butang, naay kahon sa ref, kabinet nga guba, katre nga gitakilid pagbutang unya guba-guba nasad ug gabok na ang pundasyon niini. Naa sad ay gamay nga kabinet nga nakabutang kilid sa guba nga katre.

Akoang gipatago si Darlyn sa gamay nga kabinet ug akoang gibira ang katre ug gitabon ngadto sa kabinet. Untag dili mi makit-an diri. Naa koy nakit-an nga mga banig sa kilid, daghan kini maong didto ko nisuksuk ug giayu jud nakog tabun akong kaugalingon para dili ko makita-an.

Taud-taud diha, nadungog na namo ang tagning sa speaker.

"Humana mi ug ihap! Andam-andam ang tanan kay magsugod nami ug pangita sa inyoha, pag-ampo namos inyong gustong ampoan!" sulti ni lola ug mikatawa pa.

Nilantaw ko sa akong relo ug nakita nga alas 4 pa sa hapon. Naa pa silay 3 ka oras para pangitaon mi. Perog naa say posibilidad nga dili rana mahurot nga orasa, pero unta dili. Unta muabot na ug alas syete ug wala gyuy makit-an.

"Dili mi magsaba kung aduna naba mi ay nakita haha! Mahibal-an ra kung nakit-an na ang tanan!" sulti nasads tigulang.

Wala gyud koy lihok-lihok, gisingot nakog taman sa dihang niabot na ug alas singko. Nabalaka sad ko nila nanay pati na si Froilan. Untag wala sila makit-i para buhi ming tanan. Para makahimo pamig plano para makagawas aning balaya. Nisulod ming kompleto diri, mugawas sad ming kompleto.

"Ate! dula sa ta diri la! wala bitaw si lola, dili ta masakpan ato." nahikuratan ko sa dihang nadunggan nako ang lawm nga tingog sa usa nako ka ig-agaw.

"Dili ko Felony, nyag muabot si lola diri? nya musumbong syang Queen pabalikon nasad ta adto. Maayu gani kay gibuhian ta nila run. Maong atoa na silang pangitaon, tabangi ko para madali." ana sad ang usa.

Si lola musumbong? kang Queen?

Kinsa na kaha sad ning Queen nga ilang gisulti, wala may Queen diring balaya.

"Dili lage ko ate! Huhu gusto ko magdula kay dugay nako wala kadula!" nihilak si Felony maong nadunggan nako ang pag-ginhawag hawm ni Fretchie.

"Ayaw ra gud sig hilak diha, tana tabangi nako."

"Dili lage ko!" nisamot ag hilak ang igsoon,

"Sige, hilom na. Magdula nata, unsa may gusto nimong dulaon?" pangutana sa isa maong nahilom kariyu ang palibot. Nahuwasan sad ko kay igo ra silang magdula diri, dili mi nila pangitaon.

"Naay bola ate oh! Pasa-pasa ta!" eksayted na sulti sa manghud maong nagsugod na sila ug dula.

Abutan og alas says wala pa gihapon sila mahuman ug dula. Samantalang ako naligo nas akong kaugalingong singot! Lami na kaayu igawas!

"Fretchie, ganina ramo nako gipangita! Naa raman diay mo diri?! ug nagduwa pa gyud mo?!" nabalik kos akong wisyo sa dihang nakadungog ko sa tingog sa usa ka babae.

"Ma! Si Felony man gyud! Maghilak kung dili ko makigdula sa iyaha maong nisugot nalang sad ko!" tubag sad ni Fretchie kang ante Flora nga iyang mama.

"Maayu gani dili inyong lola ang nakakita sa inyo! Unya nahuman na ni ninyog tan-aw? wala sila diri?" ack patay! ayaw na tawn mo pangita diri! wala mi diri, kaluluwa lang mi!

"Mana ma! wala man sila diri, tana gawas nata!" ingon ni Felony maong nagpasalamat ko sa hilom. Tagaan tekag chocolate unya Felony!

Nanggawas na sila sa kwarto ug ilang gisirado ang pultahan maong nakaginhawa nakog maayu. Nilantaw sad kos relo ug nakita nga 6:30 na, hapit na gyud alas syete.

"Cha? dunggan ko nimo?" dungog nakong sulti ni Darlyn maong nismile ko bisan kabalo ko nga dili niya makita.

"Oo, Dars. Okay raka diha?"

"Igang na kaayu ko diri, lami na kaayu igawas." ana sya.

"Gamay nalang, Dars. Hapit na alas syete, makagawas na lage ta run. Hilom sa lang ta kay basin naay mubalik diri ha?" sulti nako, lisod na kung magstorya-storya mi diri nya naay musulod kalit edi patay mi.

"Okay."

Nahilom mi ug naghuwat nalang nga mutingog ug balik si lola.

Unta okay ra sila nanay, tatay ug Froilan run. Untag pareha namo wala sad sila makit-i, para makakaon gihapon mig panihapon. Lami rabag lumpia ganina lami kaayo maglan-lan pero wala nalang kay basin luratan kos akong lola nga pakno.

Kung mahuman ning gabieha, himuon gyud nako ang tanan para makahunahuna ug plano para makagawas diri. Para mahuman ang kabuang ni lola ug mahibaw-an tanang pangutanas akong utok. Pareha sa, sa nanglabay nga mga tuig dis-a si lolo? manong wala gyud mi kahibalo nga buhi diay sya? pati sila nanay wala na kaabut kang lolo kay ana daw si lola na namatay si lolo sa dihang ginaburos pa niyas nanay.

Ug manong dili normal ilang tingog? Kinsa ang sumbungan ni lola, kinsa si Queen?

"Alas syetee na! human na ang atong dula!" dungog nakong sulti ni lola maong nakaginhawa nagyud kog tarung.

Nakulbaan nalang sad kog balik sa dihang nahunahunaan nga karun namo mahibal-an kung kinsa o kung naa bay nakit-an.

Untag wala, para madayun nako akong plano nga makagawas mi diri nga kumpleto.