ECHOES OF THE REUNION: Unearthed Secrets

CHAPTER 6

FROILAN'S POV

Pagkadungog nako sa giannounce ni lola migawas dayun kos daan nga ref nga akong gitaguan.

Maayu gani wala gyud ko makit-i nila. Unta wala sad makit-i sila Charene ug sila ante.

Nidung kog balik sa sala ug pag-abot nako didto naa na silang ante Susan. Nipahiyom lang silas akoa. Gikulbaan kos akong nahunahunaan. Dili kaha maong naa na sila diri kay sila ang mga nakit-an? Hays, unta dili. Luoy kaayu si Charene kung masaksihan niyas iyang atubangan nga patyon ang usa sa ilaha.

Basin diayg nauna lang gyud silag balik diri.

Taud-taud miabot nasad si Charene ug Darlyn, basa kaayug singot ilang mga gipangsul-ob. Makita sad sa iyang nawng ang kahadlok. Miduol silas amoa ug miginhawag hawm.

"Gusto na ninyo mahibal-an kung kinsa ang nakit-an?" ningisi si lola ug mitan-aw sa amoa. Sure ko nga dili sila Charene kay uwahi silang midung diri. Gikulbaan gyud ko para nila ante Susan ug angkol Helbert. "Gusto naba mo?!" syagit niya kay walay mitubag. Itokan kaayung tigulanga, mamatay nig sayu tungods highblood.

"Oh, la gusto nami." nga patyon ka, himos kayka. Ako na ang mitubag kay nihawid man si Charene nako ug nabati nako ang pagpamugnawg taman sa iyang kamot.

"Maayu...tungod kay anad man kaymo magtago." ana sya ug mingisi. "Wala mi ay nakit-an, maong walay mamatay. Tana, andam na ang panihapon sa kusina." ana si lola ug milakaw na sila padulong sa kusina.

"Ah! Nay, Tay, salamat kay wamo makit-i!" niduol si Charene sa iyang ginikanan ug migakos sa ila, wala sad niya mapugngig hilak. Lami kaayu sya duolon ug gakson sad, lami muapil ba family hug, aw.

"Salamat kay wala sad ka, dili namo kaya sa imong amahan nga mawala kas amoa. Bahalag kami ang mawala basta dili ikaw, nak." ana sad si ante ug mihilak, gihuwap sad ni angkol Helbert ang likod sa duha. Lami kaayu sila lantawn.

Miduol si Darlyn nako ug mikatawag hinay. Rag buang katawag kalit.

"Okay rami diri, maayu gani sad wala mi makit-i kay di gyud namo kayang mawala mi." yaga-yaga nako maong mikatawa sila.

"Ikaw gyud, dong. Dali mo family hug ta." ana si ante Susan maong nanuol ming Darlyn ug migakos ug apil sa ilaha. Pwede raman untag group hug to ante uy manong family man gyud, meaning ba ana I belong to the family na? ug mao na aw, dream come true.

"Mudung mo diri o kamoy ihawn para ipamahaw ugma?" nabuwag mi sa dihang niepal nasad si lola Biring.

"Mudong na la," ana si Charene ug gipahiran iyang luha gamit iyang kamot. Naa man koy panyo sa bulsa maong akong gihatag sa iyaha. "Salamat, Froi." ana sya ug mismile sa akoa.

Nidung nami sa kusina para manihapon, normal nga panihapon ra ang nahitabo. Wala gihapon midungan ug kaon si Platse sa amoa. Luoya sad adto niya. Human namog pangaon, gipadung nami ni lola sa among kwarto. Kuyawan kaynis lola kay murag buotan nga naay pagkademonyo. Ana gani sya ganinag kaon daw mig daghan kay basin mao nadaw to among last nga kaon. Tiaw ba.

"Unsay atong buhaton, Cha?" ana si Darlyn sa dihang  nagtapok mis kama ni Charene, dili pa andam matulog.

CHARENE'S POV

Niginhawa kog hawm sa dihang mistorya si Darlyn. Sa tinuod lang wala pa gyud ko kabalog unsay among buhaton.

"Sa tinuod...naglibog pakog unsay atong buhaton." ana ko ug mitindog. Nisunod sad sila nako, milantaw kos bintana. "Kung mutakas ta karon unsaon man? lantawa ninyo," tudlo nakos gate. "Taas kaayo ang gate ug naa pay duha ka lalaki ang nagbantay." ana ko, wala paman gahapon ang duha ka lalaki. Abli raman gani ang gate gahapon pag-abot namo diri.

"Dili gyud ta kabasta-basta ug takas diri." ana si Darlyn ug mitando ming duha ni Froilan.

"Patabang ta ni Platse, kay murag supak man sad sya ni lola. Dal-on sad nato syag apil kay luoy kaayo sya diri."  ana ko, sakto gyud. Patabang nalang mi niya.

Nadesisyunan namo nga mudung sa kwarto ni Platse, sa tinuod lang wala mi katuod maong amoa pang gipangita ang iyang kwarto. Daghag kwarto diri maong naglisud pamig pangita.

Sa pagpangita namo nalabyan namo ang isa ka kwarto ug naa mi nadunggan sa sulod maong niduol mi ug manuktok na unta sa dihang nadungog namo ang nagstorya sa sulod.

"Mga bugo man gud kaayu mo! Ikaw Biring, suhito naman unta kaayo ka diris balay unya manong wala man gihapon ninyo sila makit-i?! Gisumhan nakos inyong mga dagway! Gusto nakog bag-o!" nanindog tanan nakong balhibo sa dihang nadunggan namo ang tingog sa mistorya.

"Pasayloa mi, Queen. Naa pay isa ka dula ugma sa palis, siguraduhon namo nga mapatay namo sila tanan. Buhaton namo tanan para sa imong ikalipay." ana si lola sa iyang kastorya.

Nitulo akong luha tungod sa wala nako masabti nga gibati. Mibalik ko sa amoang kwarto ug misunod sad ang duha.

Dili ko kadawat sa akong nahibal-an, sakit kaayus buot.

Manong sya paman?

___