Naa nami sa bus terminal ug andam naming musakay sa bus sa dihang naay usa ka tiguwang nga babae ang niduol sa amoa.
"Ayaw nig ibuwag sa imoha, amping mos inyong byahe." sulti sa tigulang og giduhol sa akoa ang usa ka lighter.
"S-salamat, la." tubag nako ug milakaw na kini palayo sa amoa.
"Mamaligyaay siguro tog sha, no?" ingon ni Froilan maong nakakatawa mi.
"Amaw ka, basig abi niyag mugamit kag shabu, cha! wala na nabuking naka." ingon ni Darlyn maong akoa syang gipitkan.
"Hilom mo uy, kamo may murag nagshabu diri." sulti nalang nako ug misunod nag saka sa bus. Nauna naman gud sila nanay ug sud kay kini laging langayan ta.
Nilingkod mi sa likod nila nanay, tapad mi ni Darlyn samtang si Froilan didto sad sa amoang kilid. Akoang gibutang ang lighter sa akoang bulsa, wala nako gilabay kay basin diay pog kinahanglanon namo ni samot na basin maabtan mig gabie padulongs ila lola, ngitngit raba sad padulong didto.
Abutan pila ka oras nahunong ang bus kay magpatubil daw maong ninaug sad ko kariyu para mangihi, nagpauban ko ni Darlyn kay ana syag kalibangon man sad daw sya.
"Huy, amaw pagdali na diha kay basin mabyaan tas bus!" sulti nako kang Darlyn kay wala pa kini kagawas sa cubicle.
"Huwat no, wala pa gani ko kailo, ipahid ni nako sa imoha run." ana sya ug nigawas na pagkataud-taud.
"Dugaya sad ninyo kabalik uy raman mog mga gold para huwaton." ana ang konduktor og gipasakay na mi sa bus.
"Sorry na gud kuya, kyut bitaw ka." yaga-yaga nako og misulod nas bus.
Pag-lingkod namog balik gibati ko ug katulgon maong natulog ko og gisandig nako akong ulo kang Darlyn.
"Mata na, naa na daw ta anas ante." gilugod nako akong mata ug gikuha ang mga muta-muta og gihungit kang Darlyn.
"Yw mn ka, Cha!" ana sya og gikusi akong bugan maong dali dali kog tindog pagawas sa bus samtang nagsige og katawa.
"Puyo ragud mong duha, ngitngit na diri di na angay magsaba-saba." ana si nanay maong nahilom nalang sad mi.
"Dars, a-ani jud ta muagi?" ana si Froilan maong nilantaw ko sa among agianan. Ngitngit kaayu kini og naay daghan nga kahoy nga naglumbay na murag gitagaan lang gyud mig lugar para naay kalusutan sa ngitngit kaayu nga agianan.
"Oo, wala namay laing kaagian diri. Saman? hadlok na dayon imong itlog?" gara-gara nako maong nikatawa si Darlyn og nagmug-ot dayun si Froilan.
"Haramang ispat nimo tay?" ingon ni nanay maong gigawas na ni tatay ang ispat og nagsugod namig baklay.
"F-familiar lagi ning lugara?" ana si Darlyn samtang naglakaw nami sa tunga-tunga sa dalan.
"Kunot nimo dars, wala paman tawn ka nakadung diri." ana ko og giapas ang paglakaw nila nanay. Misunod sad ang duha sa akoa og nidikit pag-ayu sa akong kilid.
"B-basta, familiar kaayo syas akoa, wala ko kabalog mano." dugang niya maong nitando nalang ko.
"Hadloka sad diring dapita oi, bugnaw man unta ang hangin pero gisingot mn ko pag-ayu." nihawid si Froilan sa akong abaga og nabati nako ang pamugnaw sa iyang mga kamot.
"Relax lang gud mo diha, makaabot lage tas balay." giagbayan nalang nako ang duha para dili sad kaayo mahadlok.
Pila sad mi ka minuto nagbaktas hantud miabot nami sa balay ni lola, gimingaw na gyud ko aning balaya. Pitong tuig paman gud ko sa dihang nihawa mi diri kay nibalhin mis syudad.
Nanuktok dayun si nanay ug sa wala magdugay naabli na ang pultahan ug nakita namo ang usa ka babaye nga gwapa.
"Kamo ang anak ni Lola Biring te?" pangutana niya kang nanay ug nitando kini. Gipasulod nami sa babaye og nanglingkod mi dayun sa sofa. Mako kaayo ang balay ni lola maong naa gyud syay lima ka helper, usa na adto ang nagpasulod namo.
"Apo!" nakita nako si lola nga minaog sa taas kaayo nga hagdan, nitindog sad ko ug misaka arun maalalayan nako si lola. Niamen ko sa iya ug gialalayan sya panaog sa hagdan.
"Ug wala pa gyuy reunion dili gyud siguro mo muduaw sa akoa diri no?" masulub-on nga sulti ni lola kang nanay. Niamen sad silang Froilan og Darlyn kang lola.
"Dili man sad gud ma, unsaong karon raman gyud mi nakalugar." ana si nanay ug nihawk kang lola, ingon pod si tatay.
Nangaon mi human og storya-storya nilang lola, daghan kaayog sud-an nga gibutang sa lamesa maong busog kaayu mi. Human namog kaon nagdungan namig saka ni Froilan og Darlyn padulong sa amoang kwarto.
"Kinsa ning naa sa mga frame, Cha?" pangutana ni Darlyn ug gitudlo ang daghan nga frame nga nakasab-it sa bongbong sa hagdan.
"Wala ko kaila ana, wala paman na sauna tong dinhi pami. Basin mga kaila rana ni lola." ana ko og nipadayon na sa paglakaw. Nabantayan nako si Froilan nga naghilom-hilom lang.
"Mano ka, Froi? ganina raka sig hilom-hilom ba." ana ko sindan og lakaw padulong sa taas. Hagua sad kaayu ning taas kaayug hagdan oy.
"W-wala raman gud, gikapoy lang jud siguro kog baktas." ana sya maong nitando nalang sad ko.
Pag-abot namo sa kwarto gitabo ko sa daghan kaayung abog. Naunsa mani uy, wala ba diay ni hinlui nga niingon man kog ani mi matulog.
"Hala, cha! Dili na na ipagamit ni lola, ari lang daw mo pangatulog." nilingi ko kang Platse nga nagwheelchair na.
"Plaaat! mingaw na kaayu ko nimo!" niduol ko sa iya ug gigakos kini. Wala man gud ni siya mudungan namog kaon ganina kay sakit daw iyang tiyan ingon si lola.
"Mingaw nasad ko n-nimo, Cha." ingon sad niya, natingala nalang ko kay naghilak na ang impakta.
"Ayg hilak uy samot kag kamaot ana, okay na imong tiyan? wala na nagsakit?" ana ko kay nabalaka ko niya.
"Ha?...ahh, o-oh okay na, dili naman sad sakit." naunsa maning bayhana ni.
"Gutom naka? kwaan tikag kan-on sa silo--"
"Platse, sulod na sa imong kwarto para makatulog na silang Charene. Kapoy baya siguro na silag baktas patunong diri." naputol akong isulti sa dihang niabot si lola.
"Oh, la. Good night ninyu." ingon ni Plat ug nismile sa amoa.
"Pero la, wala paman siguro mikaon si Platse." ana ko ug miduol kang lola.
"Nikaon na sya, gihatdan na sya ganinag pagkaon sa mga maid." ana si lola og nismile maong nitando nalang sad ko.
Gipatulog nami ni lola maong nisulod nami sa among kwarto. Gibutang namo amoang gamit sa cabinet og mihigda dayun tungod sa kakapoy. Double deck ang amoang kama diri. Si Darlyn sa taas ug ako sa ubos unya si Froilan naa sa sawog, gibutangan man sad og foam maong komportable sad syang natulog didto.
Sa dihang hilom na ang tanan nakahunahuna ko nga dako na kaayug nausob sa balay. Unya si Platse, manong nagwheelchair naman to sya? Baskog paman to sya kaayu sauna. Murag nausob sad si lola, pero sa panan aw rasad nako ha.
Ambot pero murag naa gyuy dili mao, wala lang ko kabalog unsa.
___
YOU ARE READING
ECHOES OF THE REUNION: Unearthed Secrets
Mystery / ThrillerA Visaya Story A long-anticipated family reunion takes a chilling turn as old grudges and hidden secrets resurface. The joy of reuniting quickly dissipates as they realize they are being hunted, one by one, by an unseen menace. As the night unfolds...
