بيت المطلقات

البارت الثاني

يكول اشلع رموش العين واكتب حروفك ترخص عليك الروح بس كون اشوفك ليش من اغمض العين طيفك يجيني مدري انت نور العين مدري انت عيني
بنات دعم مثل وجهكم الحلو

(((((بيت المطلقات)))) البارت الثاني

دنيا كل يوم مشاكلنا ازيد اكثر واكثر
وبيبتي كبرت ومريضه ومحتاجه احد يدير باله عليه
كل مايمر الوقت مسولية امي تكبر

حتى احنا كبرنا وكبرنا المسوليه عليه
دخلنا مدارس ونريد ملابس ومصرف واكل
وقبل جنا نقبل بلقلبل لان احنا زغار بس هسه كبرنا
والقليل مايكفينا

بابا سجل بلعاطلين وطلع اسمه وبدا يستلم راتب
رغم احنا مسجلين ويااا والنا حصه من هذا الراتب
بس كلشي مانشوف منه ابد
بلعكس استقوى علينا اكثر واكثر ومايمر يوم مايتعارك ويانه
ويسوي مشاكل على كلشي مشاكل

امي كانت تأخذنا ونام بغرفه وهو بلغرفه الثانيه
وتقفل الباب علينا
لان ماعندا اسلوب ابد ايده والضرب كبل
بلسقوط بيبي اشتد عليه المرض حيل وصارت طريحة الفراش
ومع هذا ماكان يهتم اله ابد امي شايله مسؤليته كله
بس بهذا الوقت كنت احس امي صارت قويه
وعدها تجارب بلحياة وتعرف تتصرف بلمواقف الصعبه

هلكد ماشافت مرار وضيم

ماتت بيبي والبيت صار فارغ علينا وحش
رغم هي بلفتره الاخيره كلش مريضه بس اله حس بلبيت

عبالكم ابوي حس نفسه وحيد بعد وفاة امه
ابد زاد ضلم اكثر واكثر

كبرنا واحنا نتغدا ونتعشى مشاكل
وحتى يقهر امي بلزايد حاربنا بلمدارس
كل الي توصل للمتوسط يكول خل تبطل قابل هي شسوي بلمدرسه تزوج وزوجه يتكفل بيه
قابل راح يصيرن دكاتره ومهندسات
اكيد يطلعن على امهن عاملات

امي ولله امهن مااخذته عامله الفكر الي عيشته بي خلاها ادور شغل حتى تعيش هي وبناته

بابا اي مو على اساس انتي خريجه وعايشه بقصر قبل
لا ازوجج

امي انت شعليك بقبل المهم انت مايوم فرحت بناتك بلبس بااكل زين بكلمه طيبه

بابا انجي لا اجي اكطع النعال عليج فوك ما خلفته بس بنات تريدني اشتغل واصرف عليهن
حتى باجر يجي واحد على الجاهز وياخذه ويمشي
واني امسح ايدي بلحايط

امي لا تتحجج بهاي السالفه هو اني من اول مازوجتك وانت انسان فاشل لا شغل ولا عمل
بعدين انت شنو دورك بلحياة فهمني

راسا بابا طفر عليه وبدا يضربه اني تكولين عليه فاشل
اليوم اموتج خلاص
وبدا يضربه واحنا كلنا نريد نخلصه من ايده مانكدر

كان يوم سئ حاله حال باقي الايام الي فاتت

من صار عمر ايمان ١٥ اجو عليه ناس يخطبوها
بدون مايسئل عليهم لو يعرف اصلهم لو فصلهم
طلب مهر منهم وافقو علي
راسا كال شايفين كل الخير