بيت المطلقات

بارت العاشر

حدر حزنـك
نساني الليل كحله انباگ منها الشوف
حدر شوگك
جزتنـي الـروح واتبـدّه بدربهـا الخوف

ماردتك سما ولا گاع مهجـوره
مدري شمالها البيبان تدفعني
واطيح لطيفك انذوره

اجيسك والشمس تبرد
واباهل صفنتي بشبّاچ محّد يشتهي يزوره

((((بيت المطلقات)))). البارت العاشر

دنيا     جهزت نفسي بنفسي  ووليد مادفعلي ولا فلس
بس عادي كاعد يبني بيتنا
قابل هو  وين صارف الفلوس

علاقتنا كانت قويه كلش   اني كلش حبيته وتعلقت بي
يوميه  يجينا    ونكعد اني ويااا وحدنا بلاستقبال
ونبقى نسولف  ساعه ساعتين
منا لمن نمل   وبعدين يروح   
كانت تصير بينا تجاوزات خفيفه   بحكم احنا عاقدين

وبيوم   اجانا بليل
حاول يقرب عليه واني صديته وزعل

وليد    ترا اني زوجج  وهذا الوضع صعب عليه صار ست اشهر كافي خل امج تطلق صراحنا
اريد ازوج اني موزغير

دنيا     مابقه شي حبيبي هانت

وليد   شني هانت   اني ضجت من هذا الوضع  وامي تلح عليه    ترا اني لو مزوج من اول الخطوبه
هسه انتي على وجه ولاده

دنيا    على كيفك على كيفك   يالله  شنو هذا الاستعجال
واني بعدني مامكمله  جهازي

وليد     شنو مامكمله   وراتبج

دنيا    انطي نصه ومرات  اكثر من نص الامي    المسوليه عليه هواي

وليد    اي بس انتي أحق بهذا الراتب من خواتج
خواتج عادي يكدرن يشتغلن ويصرفن على نفسهن

دنيا    ولو  لازم اساعد امي

طلع زعلان لان ماقبلت يتقرب عليه  وصديته  وهم تناقشنا على الراتب وضاج

ثاني يوم بلمستشفى  اجاهلني
رحت اصالحه ثكل وجه عليه

دنياااا   لا تزعل حبيبي   ولله مابقه شي     بعدين غير بيتنا يكمل يله

وليد    بيتنا بعد هواي نزوج بيت اهلي وبعدين   ننتقل البيتنا  
دنيا    قربت علي وبسته بخده

وليد   ماتكفيني   اني بعدني زعلان

دنيا   اني اصالحك   من تجي بليل

وليد   كلام ثقه

دنيا    اني شعندي غيرك

اني فعلا احبه وتعلقت بي  ومااشوف اكو مبرر التأخير امي هذا الزواج

رجعت للبيت  وقررت احجي ويه امي بهذا الموضوع
بعد وليد زوجي  على شنو هذا التأخير واني احبه واريده

لكيت امي طالعه   سبحت وبدلت لبست ثوب اسود قصير
ربع ردن   كلش حلو  وسرحت شعري
كنت ناويه اصالحه  بس بدون مايزيد التجاوز بينا