بيت المطلقات

البارت الثالث

مثل شمس الشتا
تقشمرني وافرح بيك...
ومثل خيط الفجر تذبل هروش عضاي
عفت كلشي
ووراك امشي
اعمى ومامش بعيني ضوه لملكاك
ومن كثر المناطر شيبت رمشي
اضمك وسط لب حشاي
وادري بك سبب بلواي

♡♡♡♡♡♡♡♡♡♡♡♡♡♡

♣♣🖤🖤♦♦🖤🖤♣♣
هلمره كل المؤشرات تدل ان زواج غفران ناجح
يعني المضهر الخارجي يكول هذا الزواج ناجح بس شنو المضموم الله اعلم

خطيب غفران عمره ٢٧ مخلص معهد وعندا محل بلسوك
عنده اخت وحده مزوجه وبلبيت هو وامه عايشين
وبيت خاله جيرانهم الحايط على الحايط

زوجت خالهم شبه كاعده عدهم
لان زوجه عسكري واهله بغير محافظه
زوجة خاله عمره ٣٢ وعنده طفل واحد
كلش مهتمه بنفسه اربعه وعشرين ساعه عبالك عروسه

غفران هنا عمرها ١٧ سنه وقليلة الخبره بلحياة
وهم زواجه زواج غصب

اهم شي ابوي خله المهر بجيبه حتى يطلع ويتونس ويعزم جماعته ويطلع براسهم هو وبس

حددنا موعد يجي الولد يشوفه
امي راحت اشترتله ثوب بنفسجي مرتب
غفران من دونه طويله ورشيقه وصاحبت شعر طويل اسود

بيوم الي اجو يشوفونه اجت امه وزوجة خاله وياااا

كعد هو وزوجة خاله واحد بصف اللاخ
وامه كعدة كبالهم
امه كلش فقيره الحل والشد كله بيد زوجة خاله
شتكول هاي هي

طلعت غفران وكعدت كبالهم وبدا الولد يتفحص النضر
ويركز عليه

بس حسيت زوجة خاله تريده يوافق وكاعده تقنع بي
خوش بنيه وزغيره وعلى كد ايدك
واهله فقره ومن أهل الله ومراح تعبك

من كد ماتلح علي وافق وماطلعو من بيتنا اله حددو موعد المهر

بس اني بساعته سمعت شي من زوجة خاله ومافهمته
من طلعو برا يلبسون الاحذيه
زوجة خاله كالت هي هاي غشيمه وعلى كد ايدنا
كلشي ماتفتهم
طبعا حجت ويااا بصوت ناصي بس اني سمعتهم
اني كنت وراها
بعدين عدلت قميص العريس وهو ابتسم وكال هاي هي
اذا عاجبتج تمام

اني سمعتهم بس كنت اضنه تمدح بأختي
يعني كل ضني ان كلمة فقيره وغشيمه وعلى كد ايدك
مديح

بدينا نحضر للمهر والعرس
وخلال هاي الفتره العريس ابد ماجانا
ولا شفنا مره ثانيه
كل اتفاقاتنا كانت ويه زوجت خاله
وهي الي حددت كلشي

غفران كلشي مافهمت من عرسي العريس لا اجه ولا كعد وياي ولا شاف شنو طلباتي لو شنو احب
ولا حاول يتعرف عليه

واجا يوم عرسي
اخذوني للصالون وامي ماقبلت اكص شعري رغم سميره
زوجت خال العريس كالت كصي يعذبج
طويل ومراح تكدرين ترتبينه
بس امي ماقبلت كالت شعرها حلو لا تصبغه ولا نكصه ابد