بيت المطلقات

البارت 12والخير

(((﴿بيت المطلقات))) النهايه  البارت الثاني عشر والاخير 

''&عرفتك من جفيت غيري داير بال ما يحتاج سألك عن سبب هجرك شفت غيري مبروك ضل وياه مثل ماخنت گلبي باجر يغدرك طبع بيك يحبك حيل تجرح بي مخلص عمرك تركض ع خسرك''&

دنياااا   زاد انشغال  وليد عني  وكلش هملني
احس نفسي عايشه بدوامه
الدوام والبيت تعبني حيل
ماكو اي جديد بحياتي    مر سنه على زواجنا واحنا 
يوم اسوء من يوم

قررت اخلي حد الهاي المهزله

انتضرته لمن رجع

دنيااا   اريد احجي وياك بموضوع   مهم   بيتنا  يمته يخلص

وليد    اذا تردين بيتنا يكمل   بسرعه حركي جيبج

دنياااا شلون يعني

وليد   يعني اسحبي قرض  على راتبج ابدال ماتنطينه الامج
وبيتنا يكمل

دنيااا  راتبي مالك شغل بي   انت اول ماخطبتني تعرف راتبي الامي
اهلي ضروفهم صعبه   ومااكدر اكطع راتبي عنهم

وليد   اسكتي ماكو بيت اكعدي واسكتي لادوخين راسي

دنياااا   وليد تعبت انت ماجاي تحس بيه   شغل البيت كله عليه   اني ارجع مهدود حيلي من الدوام
اريد ارتاح   اني شنو ذنبي اتعب هيج

وليد     اسم الله على قصر ابوج والخدم والحشم الي بي

دنيااا  لا تستهزء   انت تعرف وضعي وخطبتني
اني اذا بيتي وحدي  انضف ويبقى البيت نضيف
اكدر اطلب اكل جاهز    لو احضرلي كم اكله    وامشي اموري ببهن
بس هسه طول النهار هوسه ومامفتهمه راسي من رجليه
جاي اتعب حيل

وليد   كتلج  انطيني راتبج   ويكمل البيت وغير هذا الكلام ماعندي لا ادوخيني

اخذ تليفونه وطلع برا يحجي   واسمعه يضحك

نص ساعه ورجع
دنيااا  ويه منو تحجي
....ولد صديقي
..صديقك بلوحده بليل
...انتي شنو تحاسبيني
...لا العفووو   شلون احاسبك

ياربي هاي شني من ورطه ورطت نفسي بيه

المشكله تليفونه بي رمز ومااكدر افتحه ابد  كم مره حاولت بدون فائده

بعدها بكم يوم      اندكت الباب  العصر
كلهم طالعين  بس اني موجوده

فتحت الباب    رجال جبير

...شلونج عمي
...اهلا وسهلا
..وليد موجود
...لا  طالع
...زين من يجي كليله ابوحسن لكه موجر للبيت
...يااا بيت
...بيتكم هذا الي برأس الشارع    الي خلص بنائه بلجديد
...هو موصيك على موجر
...اي  يريد موجر زين    لان البيت جديد  وطالب بي ايجار غالي
...هااا  اي هو كالي  
...لكيت ولد موضف وزوجته موضفه  ويدورون بيت نضيف
دنياااا   ...ممكن اتاشرلي علي لان اني ماندله بلضبط