رجعت لي ام علي بعد ماراح ياسر وانا اطالع فيها بفراغ خايفه من العيد اللي ممكن جابته ام علي: يابنتي احنا نستأذنك بس قبل امشي ابي رقمك وعد: والله ياخاله جوالي مدري وينه من يوم الحريق اول ما اخذ لي جوال جديد بخلي علي يرسلك رقمي ام علي: ابد على راحتك طلعت من عندي هي وعلي اللي كان ساكت طول الوقت ويطالعني حطيت راسي ع المخده من الصداع وعيوني جلست تدمع من الضيقه اللي حسيت فيها جالسه لحالي بين اربع جدران ومافيه اي وسيلة ترفيه وفوق ذا تعبانه بعد يمكن ساعتين دخل علي الدكتور وقالي اني اقدر اطلع غيرت لبس المستشفى ولبست شي مريح
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نزلت الرسبشن وعبيت اوراق الخروج وقفت برا اطالع للسيارات وعد: حتى جوال ما معي اطلب اوبر اففففففف كنت زعلانه من داخلي بقوه على ياسر كيف راح وخلاني وهو يعرف اني بطلع الحين شفت بنت جالسه بالكراسي اللي برا رحت لها واستأذنت منها اطلب اوبر من جوالها كانت لطيفه مره وافقت ووصل السائق ركبت معه وانا اخلاقي بخشمي وصلني بيتي وخليته ينتظر لين اجيب فلوسه من داخل لأن مامعي ولا شي حرفيًا جبت له فلوسه ورجعت بيتي انسدت ع الكنبه من التعب ما حسيت بنفسي الا وانا غافيه بعد نص ساعه صحيت لأني ماكنت مرتاحة بالنومه قررت اخذ شور واتجهز عشان اروح اشتري لي جوال واروح النادي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نشفت شعري وتركته على طبيعته وما كنت اقدر احط ميكب عشان الجروح والحروق اللي بوجهي اكتفيت اني احط مرطب واعكف رموشي وامشط حواجبي وحطيت تنت على شفايفي يغير شوي عن شحوب وجهي قبل اطلع من الباب تذكرت جوالي القديم ركضت للخزانه فتحتها ادوره اخيرا لقيته حطيته بالشاحن وأشتغل الحمد تنهدت براحه حطيت الايكلاود حقي وطلعت طلبت اوبر لأن مالي خلق انتظر السواق رحت لجرير اشتريت جوال ايفون ١٥ برو ماكس واشتريت لي ايباد بعد كنت كل شوي اطالع للواتس انتظر اي رساله من ياسر بس لا حياة لمن تنادي رحت النادي بعد ما صلحوه اول شي رحت للملعب لقيت ياسر وكنو وميشيل متعاقبين ضحكت على شكلهم من غير قصد كانو واقفين على الجدار والعرق يقطر منهم واضح خيسوس خلاهم يمترون الملعب عشان كذا ياسر ماقدر يجي رحت اسلم على الجهاز الطبي واسألهم وش صار على صالح وفحوصاته طلعت الفحوصات محترقه ولازم نعيدها تكفلت بالموضوع اتصلت على صالح وقلت يلاقيني بالمستشفى فعلا بعد ٤٥ دقيقة تلاقينا بالمستشفى صالح: هلا وعد وعد: اهلين بنعيد الفحوصات بس لانها احترقت صالح: تمام سوينا الفحوصات اللازمه ورحت لصالح بيدي الاشعه وباقي الفحوصات صالح: عاد تدرين امس وانا راجع من جده شفت وحده نسختك حسبتها انتي عضيت على شفتي اول ماسمعت كلامه صالح راجع من جده له خمس ايام كيف يقول امس شكل الورم بدا يأثر على ذاكرته وعد: ههههههههههه بس اكيد انا احلى صالح: طبعًا اكيد هههههههههه ناظرت للأشعه وفتحت عيوني اقوى شي الورم صار قريب من الذاكرة بشكل مخيف اخذته ورجعنا للنادي خليته يجلس مع الشباب وفهمتهم الوضع انه ممكن يخبص بالكلام لايحرجونه ويجارونه بالكلام توجهت بسرعه لمكتب بن نافل وما حصلته رحت ادور كريري الحمدالله لقيته وقفت قدامه وانا اخذ نفس كريري: بسم الله اشفيك وعد: ما حصلت بن نافل كريري عملية صالح لازم نسويها بأسرع وقت الورم وصل لذاكرته وبدا ينسى كل ساعه تمر فيها خطوره كريري: لا حول ولا قوة الا بالله خلاص ابدأو بالاجراءات انا بكلم بن نافل فتحت الباب ورحت لمكتبي فتحت اللابتوب وبديت اطلع البيانات اللي احتاجها كلمت الطاقم الطبي ورتبنا كل شي العمليه بتكون ٨ الصباح الفريق بيروح الساعه ٩ لإيران ماراح اروح معهم وانا بنص حوستي سمعت صوت ياسر وهو داخل المكتب ياسر: وعد وقفت ورحت له على طول حضنته بقوه وانا اضرب على صدره ياسر: بسم الله عليك اسف ما قدرت اجي والله وعد: ياسر العملية ٨ الصباح خايفه اني ما اقدر احس... ياسر: شششششش كل شي بيصير كويس لا تخافين انا واثق وحاس وعد: بس انت ما بتكون موجود ياسر: بنرجع بنفس اليوم يعني تطلعين من العملية لأحضاني على طول وانتي اصلا مو محتاجتني انتي قويه وقد حالك الكل يشهد بهالشي انهى كلامه بقبله على جبيني ما انكر كلامه ريحني كثير وحسيت انو الحمل خف من اكتافي رحت لصالح خذيته وتوجهنا للمستشفى كان لازم ينام بالمستشفى قبل العملية ضليت جمبه طول الليل اهديه لين نام صارت الساعه ٤ الفجر رحت بيتي تحممت واخذت سكرابي ورجعت المستشفى ع الساعه ٦ بدو يجهزون غرفة العمليات وتكلمت مع الدكتور اللي بيدخل معي العملية اتفقنا وتناقشنا عن كل شي العمليه مدتها ١٢ ساعه متواصلة بين كل اربع ساعات فيه بريك عشر دقايق رحت اتطمن على صالح لقيته يذرف الدموع بصمت قربت له ومسكت اطراف وجهه وعد: اوعدك راح تطلع من العملية بكامل صحتك وعافيتك انت خلك واثق فيني صالح: انا واثق فيك بس...... قاطعته بقبله طبعتها على جبينه عشان يرتاح ويفكر بشي غير الخوف صالح يحبني ايه اعرف وهالحركة بتخليه يفكر فيني مو العمليه طالعت من عنده عشان الممرضين يلبسونه لبس العمليات وياخذونه لغرفة التخدير رحت انا لبس لبس العمليات وتعقمت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دخلت غرفة العمليات وانا احاول اسيطر على اعصابي اتذكر السبب اللي خلاني اترك الجراحه وافكار سوداويه تمر ببالي اختفت كلها اول ماشفت سيتي واقفه جمبي تلبسني الكمام وعيونها عيون شخص داعم لي بدا الدكتور يفتخ راس صالح بالمشرط ويحط الاشعاع على مكان الفتحه عشان يوصح الورم على الشاشة وبيده الادوات اللي يشيل فيها الورم كل شي كان تمام لين ........................
.................................... اشوفكم البارت الجاي ابغى تفاعل اكثر 💙
