وعد: انا انكتمت منكم بروح مع البريك
سلمان: افاااا
وعد: عاد سلمان انت اكثر واحد كتمتني بأغانيك
تغلق الباب بقوة دون ان تسمع رد منهم
(وعد )
رحت لسيارة البريك اللي كانت واقفه جمب سيارة كنو فتحت الباب الامامي تحت نظرات البريك المستغرب
وعد: كتموني جيت احتزم فيك
البريك: تو ما تباركت السيارة هههههههه
وعد: اي تقولي وش صار على موضوعك
البريك: والله مستغرب يعني شوفي علاقتنا ما اقولك انها مو كويسه لا كويسه بس ماني مرتاح احس وراه شي تقربه لي احسه مو لله
وعد: طيب انت مانت مجبور تجامل ترا وغريزة الانسان ترا يعرف اذا هالشخص كويس ولا لا انا استغرب منكم ولا واحد يستخدم هالغريزه
البريك: بالله كيف استخدمها تستهبلين
وعد: لا طبعا ما استهبل يعني مثلًا انا كنت بمكان عام وجت وحده تتكلم معاي بكل ادب ولباقه رغم ذلك ما ارتحت هذا يعني انها مو كويسه وقيس عليها باقي امور الحياة مثلا لو شخص كان اسلوبه زفت وحركاته مستفزه بس بالرغم من كل ذا تحس انه كويس هذا يعني انو داخله كويس فهمت ؟
البريك: اي فهمت مثلك انتي رغم انو مافي اعفن من اسلوبك الا انو الكل يحبك
وعد: ههههههههههههههههه لا عاد انا غير لو سمحت انا حتى الشي الكويس اللي داخلي ما اطلعه الا نادرا حتى مع اللي احبهم
البريك: اي اعرفك زين يالعضيد
وعد: بتنزل قائمة المنتخب نهاية الشهر
البريك: ما اتوقع يستدعوني
وعد: لا تقول كذا والله اني اشوفك تستحق التواجد اكثر من ٩٠٪ من لاعبين المنتخب
البريك: بس حظي شين
وعد: لا اوعدك مثل المره اللي فاتت يستدعونك لو بالوقت الضايع
البريك: الله يسمع منك
وعد: هنا وقف ع اليمين
البريك: يلا انزلي
نزلنا ورتبنا الجلسه على المطل والجو كان منجد حلو الهوا يرد الروح والجو باارد الكل مستكن ويسولف ويضحك
كنو : عاد وقتها كنت قامط ام العافيه نظرتها خلتني اتجمد مكاني
وعد: احمد ربك انها بس نظره ترا وقتها من الخرشه اللي جتني حسيت قلبي طاح
نواف : والله كنو مافيه طب ما راح يتوب لين واحد تجيه سكته قلبيه
ياسر: معقوله وعد ما سويتي له شي متأكده ؟
وعد: هو الصراحة شوف يعني الكذب خيبه ثاني يوم رحت لإمليانو الله يذكره بالخير وقلت كنو يحتاج تمارين زياده ما قفطني الا كويلار بس سكته يومها بقهوة ههههههههههههههه
كنو : وانا اقول شفيه علي اثاريك محرشته علي
وعد: تستاهل
سلمان: اذكر كان المعيوف مسنتر عندك بالمكتب استغربت وقتها انك مندمجه معه لحاله
وعد: اي انا اعرف المعيوف من قبل لا يرجع الهلال كنت متدربه بالاهلي
نط علي ونطق بصراخ
علي : انتي جداويه !
وعد: اييي اذني كيف جداويه وما اتكلم جداوي
علي : عادي مثل سالم
وعد: يع
سلمان: هههههههههه شفيك
وعد: هالادمي من اول يوم لي بالنادي وهو يحسبني ميته عليه ورافع خشمه علي محد حوله
سعود: هو كذا سالم بس تراه طيب
وعد: طيبه له مالي علاقه بس انا ما اشتغل عند ابوه
كنو: عشان كذا ما كلمتيه يجي
وعد: مو انا اللي كلمتهم انت اللي رحت وقلت لهم
كنو: الصراحة ماقلت له لأن شعورك له مثل شعوره لك
وعد: ادري ، المهم ما علينا انا بقوم اتمشى شوي وبجيب القهوة من سيارة ابو البرك
وانا اتمشى بعيد عنهم واملى صدري بالهواء الصافي جتني رساله من ياسر
