تؤام روحي 🤍🪄

.1.

روايه: تؤام روحي
الفصل: 1

تاليف.. ياسمين مجدي مخيمر♥️

تبدا حكايتنا..

        .. في بيت ياسمين..

المنبه كان بيرن... وفضل يرن نص ساعه وياسمين مازالت نائمه

دخلت والدت ياسمين (زينه)

زينه: يلا يا ياسمين اصحي بقا هتتاخري علي الكليه

ياسمين: لا.. لا شويه

زينه: يابنتي اصحي بقا

ياسمين كملت نوم

والباب خبط.. زينه راحت تفتحت الباب.. وفتحت لقت صاحبه ياسمين (اسراء)

اسراء: عامله اي يازوزو

زينه: كويسه.. بس البت اللي جوا دي تعبيتني

اسراء خبطت علي باب اوضه ياسمين

زينه: خشي يااسراء هي لسه مصحيتش

اسراء: ايييههه... كل ده

اسراء فتحت الباب ودخلت فضلت تصحي ياسمين..

ياسمين بنوم: يازوزو شويه بس سيبيني انام بقا

اسراء: يا ياسو قومي بقا هنتاخر.. انا اسراء مش زوزو

ياسمين بردو نايمه

اسراء: مفيش غير حل واحد

اسراء جابت مايه دلقت علي ياسمين المايه

ياسمين بفزع : ايدا في اي... ايه اللي حصل.. انا مين؟

اسراء فضلت تضحك علي شكل ياسمين: قومي بقا حرام عليكي بقالك اسبوع لازم اصحيكي كدا كل يوم

ياسمين بغضب: حرام عليكي بقا كل يوم لازم تخضيني كدا

اسراء: يابنتي هنتاخر قومي

ياسمين ببرود: يعني هيكون اتاخرنا قد اي

اسراء: لا مفيش خالص فاضل  نص ساعه والمحاضرات

ياسمين بخضه : اييهه

وقامت تجري في الاوضه كلها عشان تلحق المحاضرات... جهزت.. وياسمين واسراء نزلو يجرو في الشارع.. ووقفو تاكس وراحو علي شارع مجمع الكليات

(ملحوظه: ياسمين في كليه هندسه وعايزه تبقي في قسم ديكور... اسراء في كليه طب وعايزه تبقي قسم جراحه)

ونزلو من التاكسي وكل واحده راحت علي كليتها بسرعه

..  عند ياسمين في الكليه..

ياسمين كانت داخله بتجري علي مكان المحاضره بتاعتها وفجاه.. خبطت في شاب وكل الكتب والمحاضرات اللي هي كتبها وقعت..

ياسمين بعصبيه: يالهوي اصل اليوم ناقص.. مش تخلي بالك وانت ماشي

الشاب ببرود: والله انتي اللي خبطيني