تؤام روحي 🤍🪄

.16.

روايه تؤام روحي
الفصل: 16

.......... عند ياسمين  .........

ياسمين: بقت كدا ياحمزه... مين اللي كنت بتكلمو ومش عايزني اعرف شكلك كنت بتكلمها... بقا بنتكلم بنات ياحمزه.... ماشي... ماشي ياحمزه... انا غلطانه اني حبيتك.... ماشي ياحمزه ماااشي....

...........عند حمزه  ...............

حمزه: معلش اتاخرت عليك يا سليم

سليم: لا متأخريش كتير

حمزه: بص الخطه كالاتي.... اللي فهمته من ياسمين ان عمو باباك عايز يجوز ياسمين للزفت عبدالله ده عشان الشغل وكدا صح ويضمن ل ياسمين انها تعيش في نفس المستوى والكلام ده صح

سليم: ايوه صح

حمزه: هو عبدالله ده كان عارف ياسمين قبل كدا

سليم: لا خالص هو كان بيشوفها في المناسبات وكدا تبع الشغل يعني ومكنش في بينهم اي كلام

حمزه: يعني تتوقع انه عايز يتجوز ياسمين عشان حب ياسمين ولا برضو عشان شغل

سليم: لا اكيد شغل لان بابا كان هيخلي عبدالله يمسك الشغل كلو اصلا لان انا ليا شركتي الخاصه

حمزه: تمام اوي.... هو عايز يتجوز ياسمين عشان الفلوس من الاخر صح

سليم: صح

حمزه: طب هيحصل ايه لو عمو فلس ولا شركات ولا فلوس

سليم: اكيد الجوازه مش هتكمل و عبدالله هيسيب ياسمين

حمزه: بس كدا وهو ده المطلوب

سليم: انت قصدك اخلي بابا يمثل انه فلس وخسر الشركات

حمزه: هو مش هيمثل... لان هو مش هوافق اعتقد

سليم: ايوا مش هيوافق وبعدين مش هيمثل ازاي

حمزه: يعني احنا هنخليه يفلس

سليم: ازاي يعني

حمزه: يعني هنلعب لعبه صغيره.... هناخد فلوس عمو وتبقا معانا ونحاول برضو ناخد الشركات ويبقا كدا هو فاكر انه فلس واكيد لما الموضوع يوصل ل عبدالله هيسيب ياسمين بعد كدا نرجع ل عمو فلوسو وشركاتو واكيد عمو هيعرف ان عبدالله ده كان هيتجوز ياسمين علشان فلوسها

سليم: هي فكره حلو.... بس هنعمل كدا ازاي

حمزه: انا مخطط كل حاجه

سليم: انت لحقت ازاي تخطط وكدا وياسمين لسه مخطوبه من اسبوع كدا

حمزه: مكدبش عليك.. من ساعت م ياسمين قالتلي انها اتخطبت وانا مش بنام وبفكر في الموضوع ده ليل نهار.... مش مستحمل حتى فكره ان ياسمين اتخطبت لحد غيري...... بالمناسبه انا طالب ايد ياسمين منك

سليم بضحك: طب استني لما تخلص من خطوبتها الاولى تبقا تخطوبها انت

حمزه: لا م انا بقولك اهو عشان اول م الخطوبه ديه تخلص هاجي واخطبها

سليم بضحك: طب اتقل شويه طيب.... بس العموم اتفقنا انا مش هلاقي احسن منك ل ياسمين بس نخلص من الزفت ده.... بس احنا هنعمل كدا ازاي واحنا الاتنين بس

حمزه: لا م احنا محتاجين سيف صاحبي واسراء صاحبت ياسمين

سليم: هيعملو ايه بقا

حمزه: بص هو انت عارف الارقام السريه بتاعت حساب عمو في البنك

سليم: لا معرفوش

حمزه: طب متعرفش نلاقيه فين

سليم: اكيد هتلاقيه في المكتب بتاعه

حمزه: يبقا خطتي ماشيه حلو... بص دلوقتي عايزك تروح الڤيلا

سليم: لا مش هينفع... مينفعش اروح

حمزه: مش هيكون عمو موجود بس مفيش حد غيرك ينفع يروح

ادم: طب هعمل ايه

حمزه: بص انت تكلم ياسمين وتتاكد ان عمو مش هناك وتتاكد كمان من الشركه مثلا ان هو مش هيروح الڤيلا بدري.... بعد كدا تقولها انك هتروح تشوفهم وكدا وعشان احنا مش عايزين نعرف حد... هتقولهم انك ليك ورق وهتطلع تجيبه وتطلع المكتب واسراء هتشغل ياسمين و زوزو وانت تطلع تحاول تلاقي الارقام وبعد كدا سيف يروح يسحب كل الفلوس اللي موجوده ويديهالك تخليها عندك.... وانا عليا ان هدخل انا وسيف هنحاول ندخل علي برنامج الشركه ونحاول نسيطر عليه ويبقا كدا الشركه راحت هي كمان.... وطبعا لما عبدالله ده يسيب ياسمين هنرجع الفلوس والشركات تاني

سليم: فكره حلوه اوي... تمام هنبدا تنفيذ امتى

حمزه: ممكن اكلم اسراء وحمزه يجولنا ونعرفهم كل حاجه

سليم: تمام

حمزه.. ياسمين كلمته وهو مسمعش الفون.....

حمزه: انا هروح اعمل حاجه وبعد كدا هكلمهم وارجع

سليم: تمام مفيش مشكله

حمزه خرج برا الكافيه وكلم ياسمين

ياسمين بغضب: الو ياحمزه

حمزه: ايدا في ايه ياكراملتي مش كنتي بتقوليلي الصبح يا حموزه فيه ايه... ايه التحول ده؟!

ياسمين بغضب: انت متستاهلش اصلا

حمزه باستغراب: ايدا في ايه  ..... مستاهلش لي بقا

ياسمين: لا خليها هي تدلعك بقاا

حمزه: هي! هي مين اللي تدلعني

ياسمين: اه اعمل نفسك مش فاهم

حمزه: في ايه يا ياسمين... فهميني طيب

ياسمين بعصبيه: لا مفيش حاجه

حمزه: ياسمين متخلصي وتقولي في ايه انا دلوقتي بكلمك بالعافيه يلا عشان ورايا حجات بعملها

ياسمين: روحلها ياحمزه... روحلها

حمزه بعصبيه: هي مين اللي اروحلها يا بنتي انتي هتجنيني..... متخلصي وتقولي في ايه

ياسمين:........

حمزه: انتي اتجنينتي........

تاليف..ياسمين مجدي مخيمر ♥️