روايه: تؤام روحي
الفصل: 7
تاليف..ياسمين مجدي مخيمر ♥️
احمد: اصل الصراحه ياحمزه حصلت حاجه غريبه اوي
حمزه: ايه اللي حصل؟
احمد: ابوها جيه وطلب انه ياخدها ويمشي فطلبتها للمكتب ولما جت وعرفت انه عايز ياخدها ويمشي فضلت تعيط وتقولها طب استني لما اخلص الكليه وهو بيزعقلها ويقولها انا قولت يلا يعني يلا
حمزه: ايه ازاي تسيبها تمشي
احمد: يابني انا مليش دخل بنت وابوها
حمزه: بس كانت رافضه انها تمشي كنت المفروض تمنعه
احمد: يابني انا جيت ادخل خدها ومشي
حمزه: انا مبقتش فاهم حاجه
احمد: هو في ايه ياحمزه
حمزه: انا معرفش... هي جت الصبح كانت وشها احمر وعنيها حمرا من كتر العياط وعنيها منفوخه.... سالتها قالتلي مش قادره اتكلم دلوقتي... حاولت اخليها تتكلم بس هي مكنتش قادره وبعد كدا راحت علي محاضرتها
احمد: طب ايه اللي خلاك تيجي تسال عليها
حمزه: المفروض كانت بتقابلني كل يوم في الكافيتريا وانهارده منزلتش روحت سالت عليها قوليلي ان العميد طلبها في مكتبه وجيت اسالك
احمد: انت قلقتني كدا عليها
حمزه: انا بردو قلقان عليها اوي
حمزه مشي وراح علي محاضراته
.......... في الليل .............
حمزه قاعد بيفكر في ياسمين وقلقان عليها اوي
حمزه : ياترى ياياسمين ايه اللي حصل لكل ده..... طب انتي دلوقتي فين.... طب انتي كنتي بتعيطي ليه..... طب ياترى انتي محتاجاني دلوقتي...
اساله كتير كامت في دماغه ملهاش اي اجابات ومعرفش ينام طول الليل من قلقه عليها
......... تاني يوم ..........
ياسمين دخلت الكليه وكان شكلها ان مبطلتش عياط طول الليل... حمزه اول م شافها جري عليها
حمزه: ياسمين مالك انتي كويسه.. لي باباكي جيه امبارح واخدك
ياسمين: انت عرفت منين
حمزه حكالها اللي حصل
حمزه: في ايه
ياسمين فضلت تعيط... حمزه خادها وقعدها في الكافيتريا
حمزه: ايدا مالك بس انتي كدا بتقلقيني عليكي زياده
ياسمين بصتله وعنيها مليانه دموع: هو انت قلت عليا
حمزه بتنهيدها: هو انا قلت عليكي بس دي كلمه قليله ده انا منمتش من امبارح ولا حتي ربع ساعه
ياسمين: كل ده لي يعني
حمزه: بصراحه بقا يا ياسمين كنت بعتبرك زميلتي عادي ولما وديتك المستشفي مكنتش بروح مش عارف ليه بس كنت لما بسيبك كنت ببقا خايف عليكي اوي ومش عارف ايه السبب وكنت بفضل اسال نفسي انت ليه خايف عليها للدرجه دي.. انت ليه مش عايز تسيبها... انت ليه عايز تفضلل باصص لها طول الوقت.... وكل ده كنت بقول يعني ممكن عشان يعني بقينا صحاب وكدا مع اني كنت بعرف بنات كتير الصراحه وعمري محسيت معاهم كدا.... بس لحد امبارح وقلق طول الليل... يعني حسيت ان في حاجه اتغيرت في تفكيري
ياسمين: ياااه كل ده... وليه اللي اتغير بقا
حمزه: اكتشفت اني بحبك وقدرش يعدي يوم غير لما اشوفك فيه واتكلم معاكي.... انا بحبك يا ياسمين
ياسمين فضلت تعيط
حمزه: مالك ياياسمين... بالك انا بحبك
ياسمين بعياط: اتاخرت اوي ياحمزه
وفضلت تعيط.............
تاليف..ياسمين مجدي مخيمر ♥️
أنت تقرأ
تؤام روحي 🤍🪄
Romanceاول روايه من تأليفي....قصه بسيطه كانت أول تجربه بالنسبه في كتابه الروايات ....اتمنى انها تنال اعجابكم ❤️🩹🪄
