روايه: تؤام روحي
الفصل: 7
تاليف..ياسمين مجدي مخيمر ♥️
حمزه: مالك ياياسمين... بالك انا بحبك
ياسمين بعياط: اتاخرت ياحمزه
وفضلت تعيط
حمزه: مش فاهم هو ايه اللي اتاخرت
ياسمين: هحكيلك
....... فلاش باك ..............
اليوم اللي سليم جيه بالعربيه عند ياسمين...... خدها ومشي وراحو علي البيت وزينه وساره مرات سليم سلمو علي سليم وكلهم كانو فرحانين
لحد م جيه محمود الشرقاوي
دخل سلم عليهم
محمود: يلا انتو هتقعدو يلا نروح علي الفيلا
ياسمين: بس بكرا مش اجازه من الكليه يابابا مش هعرف اروح
(ياسمين ابوها غني وعندو شركات كتير وعيشين في ڤيلا بس في وقت الكليه بتاعت ياسمين.... ياسمين وزينه بيروحو الشقه اللي قريبه شويه من الكليه)
محمود: انا عارف ياياسمين... يلا بس فيه موضوع مهم عايزكم فيه
سليم : تمام يابابا
سليم راح عند ياسمين علشان حس انها اتدايقت من محمود وحط ايدو علي كتفها
سليم بهمس: مش عايز اشوفك مدايقه
ياسمين: بس انا كدا مش هروح بكرا الكليه يا سليم
سليم : متخافيش ياقلب سليم لو كدا انا ياستي هوديكي علي الكليه بنفسي
ياسمين ابتسمت خفيفه
سليم : ايوا كدا مش عايز اشوفك مدايقه
ياسمين: ربنا يخليك ليا
سليم: ويخليكي ليا ياقلب اخوكي
وكلهم نزلو علي تحت وواقفين عند العربيتين
محمود: يلا يازينه اركبي ويلا ياياسمين
ياسمين بصت ل سليم بضيق
سليم فهم انها مش عايزه تركب مع محمود
سليم: لا يابابا انا هاخد ياسمين معايا في العربيه عشان هي وحشاني اوي
محمود: طيب
ياسمين ركبت وهي مبسوطه انها مركبتش مع محمود
(ياسمين بتحب ايوها اوي بس هو عمروا مسمعها واتكلم معاها وعلي طول لازم كلمته تتنفذ من غير نقاش وياسمين مش بتحب ان حد يامرها انها تعمل حاجه غصب عنها.... عشان كدا مش بتحب تبقا مع محمود في اي حته)
محمود ركب هو وزينه العربيه واتحركو
وسليم ركب ومعاه ياسمين وساره وابنه اياد واتحركو
........... في الڤيلا ..........
كلهم دخلو الڤيلا ولسه هيقعدو
محمود: سليم تعالي ورايا علي المكتب
سليم: حاضر
سليم راح ورا محمود
سليم: في ايه يابابا
محمود: كنت عايزك في موضوع
سليم: اتفضل يابابا سامعك
محمود:...............
سليم: ايه انت بتقول ايه يابابا
محمود: اللي انت سمعته
سليم: انت عايزه بجد تعمل كدا في ياسمين
محمود: هعمل ايه يعني... عادي
سليم: انت كدا كانك هتبعها... انت بجد هتعمل كدا في ياسمين عشان شريكك في الشغل
محمود: وفيها ايه متكبرش الموضوع
سليم بزعيق: وانا مش موافق
محمود بزعيق : انا مش باخد رئيك... انا بعرفك
سليم كان لسه هيمشي محمود وقفه وطلع برا الاوضه
محمود: ياسمين... تعالي
ياسمين راحت المكتب
محمود:..............
ياسمين اغمي عليها
تاليف ..ياسمين مجدي مخيمر ♥️
أنت تقرأ
تؤام روحي 🤍🪄
Romanceاول روايه من تأليفي....قصه بسيطه كانت أول تجربه بالنسبه في كتابه الروايات ....اتمنى انها تنال اعجابكم ❤️🩹🪄
