_طيب يا ماما احنا ليه لازم نصوم.
اتكلمت وأنا بضمه لحضني وبطبع بوسة رقيقة على شعرة.
_علشان ربنا أمرنا بكده يا عيوني، مش احنا لازم ننفذ الي ربنا سبحانه وتعالى أمرنا بيه علشان ربنا يحبنا؟
هز دماغه وهو بيتعدل وبيتكلم بحماس شخص كبير مش طفل عنده ست سنين لسه.
_أيوه يا ماما علشان ربنا يحبنا وندخل كلنا الجنة وهناك هنشوف الرسول صح يا ماما.
_صح يا عيون ماما.
اتكلم بنبرة طغى عليها الحزن وصوت مكتوم بالعياط.
_بس أنا مش بعرف أصوم اليوم كله وبطني بتروح تطلع أصوات يا ماما، وصحابي اللي معايا فالحلقة بيبقو صايمين لآخر اليوم وبيضحكو عليا وبيقولولي يا صغير، بس الشيخ بيزعقلهم.
طبعت بوسه رقيقة على عنيه واتكلمت بحنيه.
_حبيب ماما علشان إنت لسه صغير مش هتقدر تصوم الي م كله لكن لما تكبر هتعمل إيه هتصوم اليوم كله زيي أنا وبابا صح، وصحابك لما يضحكو عليك متردش عليهم وقولهم الاه يسامحكم وإنت كده هتاخد حسنات، حبيب ماما الشطور هيصوم السنه دي لحد ما يحس إنه خلاص تعب ووقتها يفطر والسنه الجايه يكون كبر ويصوم اليوم كامل.
صح يا ماما أنا بحبك أوي.
ضميته لحضني مرة تانية واتكلمت وأنا بدخله جوه حضني.
_وماما بتحب سفيان أكتر.
_طب وبابا سفيان إيه نظامة؟
اتكلمت وأنا بحط إيدي على قلبي من الخضه.
_أيوب حرام عليك خضيتني حد يخض حد كده كنت هتوقف قلبي.
حط الجاكيت بتاعه على الكرسي وقعد جمبي وطبع بوسة رقيقة على جبيني وضمني لحضنة أنا وسفيان.
_سلامة قلبك من الخضة يا قلب أيوب، ها كنتو بتتكلمو فإيه من غيري.
اتكلم سفيان وهو بيقعد على رجل أيوب وبيبوس خدة.
_أنا يا بابا هصوم رمضان معاكم السنه دي وماما قالتلي وقت ما أتعب هفطر وبعد كده هصوم اليوم كله، أنا بقيت كبير يا بابا.
_حبيب بابا كبر وبقى راجل خلاص، يلا يا بطل أدخل راجع القرآن بتاعك علشان أنزل أوديك الحلقة بعد شوية.
حاضر يا بابا.
دخل أوضته وأنا قومت من مكاني وأنا باخد الجاكيت من على الكرسي وبدخل الأوضه اتكلمت وأنا برمي الجاكيت على السرير.
_شهد أنا واقع من الجوع حقيقي بس هوصل سفيان الأول واجي تكون جهزتي السفره.
اتكلمت وهي بتضحك وبتشيل الجاكيت اللي رميته على السرير وبتعلقه.
_سفيان يا حبيبي إنت صايم النهارده الخميس سلامتك.
اتكلمت وأنا بخبط دماغي بإيدي.
