يعني إيه ليلى حامل؟ وحامل من مين؟!!!
ده إلي قاله عم ماجد بعد ما الدكتور قاله على إن بنته ليلى في شهورها الأولى من الحمل
راح عم ماجد جري على الأوضة الي فيها بنته وعينه بيطلع منها شرار من كتر الغيظ والغضب ومسك في رقبتها وقالها وهو بيخنقها: حامل من مين يافاجرة ياللي جيبتيلي العار؟!! إنطقي حامل من مين!!
ليلى بصوت خافت: هموت يابابا سيبني..
جري عليه اهل الشارع الي ودوها المستشفى عشان يبعدوه عنها بالعافية..
راح زعق فيهم عم ماجد وقالهم: إيه الي مخليكم واقفين!!! غوروا على بيوتكم امشوا من هنا يلاااا
مشيت الناس ومحدش فيهم إتكلم عشان هما مقدرين الصدمة الي عم ماجد فيها...
عم ماجد: وانا عمال أقول فيه إيه كلكم متغيرين ليه أتاريكم متفقين مع بعض أخد شرف مين فيكوا تاني؟ هاااا ماتنطقوا!!..
ليلى وهي بتعيط: والله يابابا أخواتي ملهمش ذنب محدش عمل لإخواتي حاجة والله..
عم ماجد إخرسي يافاجرة ياوسخة ياللي محدش عرف يربيكي انتي ياليلى! انتي يطلع منك كل ده!!!!
وفاء: والله يابابا غصب عنها هو الي هددها لو مسمعتش كلامه هيفضحها في كل حتة ويشردلها
عم ماجد: هو احنا لسة ماتفضحناش! ماخلاص اتفضحنا وسيرتنا هتبقى على كل لسان وكله بسببكوا مين الي عمل كدة؟!
سكتت وفاء هي وليلى ومحدش فيهم راضي يرد
عم ماجد: ماتردوا ياولاد الكلب مين ابن الحرام الي عمل كدة!!
منة: واحد اسمه وليد يابابا
عم ماجد: الله الله يعني منة الصغيرة كمان عارفة!!!.
ليلى: بالله عليك يابابا متأذيش حد من إخواتي محدش فيهم ليه ذنب في الموضوع انا السبب
عم ماجد: وليه كدة يابنتي ليه كدة تحطي راسي في الطين حرام عليكي ليه؟!(وهنا بدأت الدموع تنزل من عين عم ماجد بسبب صعوبة الموقف الي هو فيه)
ليلى: سامحني يابابا والله العظيم غصب عني
عم ماجد: وإزاي تبقوا انتوا الإتنين عارفين حاجة زي كدة عن أختكوا ومتقولوش؟
ليلى: ملهمش ذنب يابابا انا الي خلتهم يخبوا عليك عشان كانوا خايفين لأتإذي
عم ماجد: وهل كدة ماتأذتيش؟! مانتي إتأذيتي وأذيتينا كلنا معاكي حسبي الله ونعم الوكيل نكمل كلامنا في البيت......
أخد عم ماجد بناته الثلاثة وروح بيهم وهو على وشه الحسرة كان بيتمنى الأرض تنشق وتبلعه وهما مروحين
دخل عم ماجد البيت هو وبناته الثلاثة وقالهم: أقعدولي إنتوا الثلاثة كدة قدامي بقا وتجيبوا كل الكلام الي عندكوا ومن الأخر عشان نشوف هنحل المصيبة دي إزاي
