سطور الألم

بارت 1

للكاتبه ود الباشا

أتمنىٰ أن تجمعني الحَياة بكُلِّ ما هُوَ حَنُون ،
أن يَقع فِي طَريقِي كُلّ ما يجلب الطُّمأنِينة إليّ وَ إلىٰ قلبي

وكفت كدامه افرك بايدي متوتره باوعلي وبؤبؤ عينه متركز على وجهي

احجي شعندج من الاخير راسي مصدع اريد انطمر

تكدر تكعد علمود نحجي طبك حواجبه

شنحجي؟ صاير شي نحجي بي؟

هزيت راسي لا كعد مستفهم

يلا هاي هم كعدنا احجي

اكدر اعرف انت ليش هيج متغير عليه ونافرني شنو الغيرك وخلاك بهلـ برود؟ رفع حاجبه مستهزء فرگ وجه وباوعلي

ماعندج شي تلتهين بي عني مبين كاعده وماخذه وضعيه ابو صابر علما طالعتلج بهلـ كم كلمه تتعاركين بيها واني مالي خلگ نفسي حالياً

عافني وكام دخل للغرفه وخلاني بصفنتي اني اتعارك ويا شوكت متعاركه ويا نومت الجهال من وكت علمود اكعد احجي ويا براحتي بس منطاني مجال افهمه ويفهمني كمت باوعت على وجهي
بلـ مرايه عدلت نفسي ومكيجت ورتبت نفسي حتى ما انتبهه اني داشوفه متغير معقوله تخبلت؟ قبل جان من الباب يتلكاني يحضني هسه شنو؟
ما اشوفه صدفه بس من يدخل ينام حتى اكل مدياكل ويانه لا يسولف وياي لا يخابرني شمحتاجه معقوله اني مكبره الموضوع وهو ميستاهل هزيت راسي متجاهله كلشي واقنع برروحي اني المكبره الموضوع دخلت للغرفه شفته متمدد ومخلي ايده على عينه ابتسمت وتقربت منه
حبيبي نمت مجاوبني كمت غيرت ملابسي وكعدت على حافه السرير ممتعود يتجاهلني بهلـ طريقه اريده يرجع مثل قبل وافتهم ليش يعاملني
هلـ شكل حركته من جتفه واني متاكده هو منايم باوعلي من فوك ليجوه ورجع غمض عينه

طفي الضوه وطلعي

بقيت مصفصفه بوجهه زمخ بيه

شكلتتتتتت

كام من مكانه واني بعدني ممستوعبه تصرفاته

حتى بمهجوووومي ما ارتاااااح

شبيك ليش تصيح

لج افهميينني تعببببااااان اريد ارتااااح انطمر مسويه نفسج قرقيوز وكاعده يم راسي شتررررردين

فتحت حلگي مصدومه طلع وطبك الباب حيل وراء كمت باوعت على المرايه نفس المكياج الجان يحبه ومن اخلي يكعد يتغزل بيه وبعيوني شنو التغير هسه شنو الصاار غمضت عيني غيرت ملابسي ورحت لغرفه الجهال فرشت بلكاع بقيت صافنه على السكف بهدووء افكر بتصرفاته وياي علما نمت كعد على صوت الجهال مالكيتهم بلـ غرفه لميت شعري وطلعت شفتهم كاعدين بلـ صاله يتفرجون تلفزيون ايه بنتي الجبيره عمرها 8 وامير ابني عمره 6 واخر العنقود ايمن عمره سنه ايه شايلته وتلعب ويا سويتلهم ريوك ريكت ايمن خليته يم ايه ودخلت للغرفه على حطتها يعني البارحه ما راجع للبيت وكفت كدام المرايه الجبيره باوعت على نفسي بعد ما جبت اخر طفل سمنت شوي وقللت اهتمامي بنفسي بس بعدني حلوه مايحقله يتصرف وياي بهلـ طريقه وياذيني صار فتره سنه يعني هو على هلـ حاله عجزت افهمه شيريد وشنو يدور براسه
طيرت الافكار من راسي ممكن يكون تعبان عليه ضغط من شغله او يكون صاير شي ويا فتحت الباب ابتسمت كاعدين يباعون على التلفزيون وايمن كاعد يلعب دخلت للمطبخ سويت غده ورحت بسرعه سبحت خفت باقي بيه ريحه اكل غيرت ملابسي ورتبت وجهي شسورت شعري رشيت العطر المفضل اله ورجعت كعدت بلـ صاله ننتضره على الغده صارت ساعه بلـ 4 وهو ماكو