للكاتبه: ود الباشا
حيل_توجع_دمعه_الفاگد_نضر
وحيل توجع ضحكه اخرس لو عثر
حيل توجع صفنـة الميت قهر
بس مو مثل الفاگـد أب وعاش مكسور ضهر💔
ناز: احس داخله بمجهول ماعرف شمنتضرني وره هذه الباب جريت نفس ودكيت الباب درت وجهي ثابت واكف ورايه ومبين ماراضي علئ جيتي اهنا
انفتحت الباب صارت كدامي مره عمرها نهايه الاربعينات باوعتلي وبعدين رفعت عينها علئ ثابت سلمت عليها ومبين تعرفه
اهلاً وسهلاً ثابت شلونك الاهل شلونهم
ثابت: الحمدالله الكل بخير
تفضل
ثابت: عمي موجود
اي موجود تفضل لا تبقون بلباب
ناز: بلعت ريكي ودخلنا سوه التفت علينا
زوجتك حلوه الله يخليها الك
ثابت: مو زوجتي ام هاشم هاي اختي
ناز: ماحجت شي دخلنا جوه واني حابسه النفس خايفه يفشلني خايفه مايستقبلني لكيت 3 ولد شباب واربع بنات كاعدات بلـ صاله كامو الولد تسالمو ويا ثابت اعرف وشايفتهم بس من زمان يعني ماتذكرهم زين البنات سلمن من بعيد
ام هاشم: هسه اصيح عمك تفضلو كعدو
ناز: كعدنا تقربت من ثابت عيوني مدمعه هذولي كلهم اخواني
ثابت: الشباب اي بس البنات ثنين جناينهم وثنين خواتج
ناز: اكتفيت بلسكوت ماحجيت شي همس ثابت
ثابت: ناز اتوقعي كلشي ماريدج تضعفين انه بضهرج لو الدنيا كلها صارت ضدج خليها ابالج
ناز: هزيت راسي شوي ودخل ابوي الي ماتذكر شوكت اخر مره شفته شاف ثابت سلم عليه وكف كدامي بقئ يباوعلي بلعت ريك بخوف
ابو هاشم: منو هاي ماعرفتنه عليها
ناز: كمت وكفت قبل لا يحجي شي ثابت
ا اني ناز بنتك بقئ صافن بوجهي
ابو هاشم: ثااابت شكو جايبها انه شكايللكم
ثابت: اسمعها عمي ماتخسر شي اكعد وياها واسمع علئ شنو جايتك
ابو هاشم: مااااسمع شي منها اخذها واطلع وبعد ممنوع اتجيبها لبيتي
ثابت: تره هي هم بنتك حالها من حال الواكفين
ابو هاشم: لاااا تدخل انت وانتِ شتردين جااايه ماكلولج ماريد اشوووف رگعه وجهج
ناز: احسبني دخيله عندك واسمعني شريد احجي
هاشم: يابه شديصير؟
ابو هاشم: ماكووو شي يلا ثابت توكل
ثابت: امشي ناز
ناز: ما اتحرك مناااا علئ اي اساااااس يعاملني
بهلـ طررررريقه مو بنته اني مو بنــــــته خلـ يحجي يكول لا يعاملني بهلـ طريقه
أنت تقرأ
سطور الألم
Gizem / Gerilimلا تعطي الثقه الكامله لشخص لا يتسحق لأن من بعد الكسر خُذلان لا يجبر وخاصة اذا كان الكسر من اقرب الاقربين الى قلبك سوف تسمع كسرة قلبك وروحك بنفس اللحظه لذلك احذر سطور هذه الألم
