للكاتبه: ود الباشا
رمضان كريم عساكم من عواده 🫶
يل ناسي طيبي وياك ولفضلي نافي
ما ردت سد الدين بس قدره كافي
سديم:معقوله سوت شي بنفسها لأن راح نطلع من البيت بقيت بقلق عليها شوي ودخل عمي
ابو ثابت: شصاير خابرني ثابت كال ارجع للبيت يحتاجوك
سديم: مصاير شي بي عمتي ماكو وماعرف وين راحت
ابوثابت: شلون تطلع بدون ماتنطي علم الاحد
سديم: والله ماعرف جنت دانضف اجيت اكللها علمود منظفات مالكيتها
ابو ثابت: انتضري شوي يمكن طالعه للسوك اذا ما رجعت اطلع ادور عليها
سديم: هزيت راسي خايفه لا مسويه بروحها شي بقيت كاعده اكل بروح هي حجت وبجت اني كلت فتره. وتتعود سحبت نفس وكمت اكمل شغلي
ناز: كمت طلعت من الغرفه بعد ما ارتاحيت شوي باوعتلي لينا
لينا: شلون صرتي
ناز: احسن مر الوكت عادي تونست ويا لينا لليل انفتحت الباب دخلو مراد ومُلهم درت وجهي ماهتميتله وحضرته خلصها عليه يخوزر شوي وترخص مراد يرجعون لبيتهم
لينا ابقي يمي
لينا: مايقبل ماتعرفي
ناز: هزيت راسي متفهمه
لينا: اجيج ان شاءالله
ناز: هلا بيج بكل وگت
وصلناهم للباب ودخلت شلت ايمن وكعدت على القنفه اجه كعد كدامي عفت المكان كله وكمت رجعت للغرفه رتبت ملابس الجهال والغرفه فرشت بلكاع دخلو امير وايه همست روحو لمكانكم ماما نامو تقدمو باسوني
ايه: نحبج هواي
ناز: امي انتو اني هم احبكم راحو لمكانهم خليت ايمن بحضني بقيت اباوع عليه نسخه من مُلهم
ابتسمت بسته وغمضت عيني الله لا يحرمني منكم
غفيت وهو بحضني فزيت من النوم على كابوس احس گلبي يريد يطلع من مكانه باوعت على الساعه بـ2 كمت غسلت وجهي بس بعدها الخنكه بيه هزيت راسي رافضه اتذكر الحلم فتحت الباب كعدت بلكراج رفعت راسي جريت نفس اريد استوعب غمضت عيني واكفه وحاضنه جهالي ثلاثتهم وحالتنا مبهذله وتجي مره وجهه حييل قبيح وعدها تشوهه تسحبهم مني تريد تاخذهم مني
من سحبت ايمن مني فزيت من النوم فتحت عيني لكيت مُلهم كبالي
مُلهم: ليش كاعده بلكراج بهلـ ليل ؟
ناز: مخنوگه
مُلهم: صاير شي؟
ناز: اكثر من هذه ما اعتقد يصير
كعد بصفي راد يسحبني لحضنه ابتعدت منه
مُلهم: ناويه تخبليني؟
ناز: شتريد انت
مُلهم: لا تحاجيني بهلـ اسلوووب ناز
ناز: انت ليش مكاعد تفهمنيييي اني مطايقتك ولا طااايقه وجووودك خليك بعيد لا تتقرب ولا تحاجيني احسبني مموجوده بلبيت احسبني متتت
عفته وردت ادخل سحبني لحضنه
أنت تقرأ
سطور الألم
Mistério / Suspenseلا تعطي الثقه الكامله لشخص لا يتسحق لأن من بعد الكسر خُذلان لا يجبر وخاصة اذا كان الكسر من اقرب الاقربين الى قلبك سوف تسمع كسرة قلبك وروحك بنفس اللحظه لذلك احذر سطور هذه الألم
