للكاتبه: ود الباشا
فِي آخِر القِصَّة أَدرَكتُ اَنِّي كُنتُ كشَمعة تُضِيءُ غُرفَة أَعمَى ...
ناز: بقيت واكفه متصنمه بمكاني ام مُلهم ووياها نسمه بعدتني من طريقها لأن بقيت جامده بمكاني
ام مُلهم: شنو ماترديني افوت لبيت ابني
ناز: وشعندج جايه وابنج مموجود؟
رفعت حاجبها
ام مُلهم: شنو ماسمعتي من كتلج بيت ابني يعني شوكت ميعجبني اجي ادفر الباب وادخل
ناز: انتِ ادفرين الباب ودخلين اهلاً وسهلاً بيج بس هاااي بيتي يتعذرها رفعت حاجبها مستهزء بيه
ام مُلهم: منين اجه بيتج بس لا ابوج السجله بأسمج واني مادري
ناز: هسه شنو المطلوب كلت هاي ماتدخل بيتي يعني ماتدخل
نسمه: مووو هو بكيفج
ام مُلهم: يعني تبقينا بلـ شارع
ناز: مامنعتج تفوتين بس الوياج تعذريني
ماحس الا دفعتني رجعت ليوره دخلت ودخلت وياها نسمه بقيت واكفه احس النار كامت تطلع من راسي دخلت وراهم لكيت ايه تباوع على بيبيتها بحقد عبالك عدوتها ايه اخذي اخوانج وروحي للغرفه اخذتهم وراحت كعدت كدامهم رجل على رجل
ام مُلهم: ماتضيفين ضيوفج
ناز: عذريني ممتسوكين
نسمه: حتئ اصول ماعدها مو صوج حبيبي مُلهمي من اتزوج عليج معيشته جفاف
ناز: بقيت صافنه نفس الدلع الي اني ادلعه اله ابتسمت بلعافيه عليج تتهنين بي
ام مُلهم: شرجعج مو وليتي لبيت اهلج عشتو
نسمه: عمه مو كتلج ابوها اجه شمرها مثل الچلب وراح
ناز: گلبي تكطع من كلامها بس اتداركت الموقف ماريد يتشمتون بيه اكثر بعد ما اجه وتوسل بيه ارجع وكال غلطه عمري ونغريت واني اساساً مارجعت علموده لأن مايهمني ومثل ما كتلج تتهنين بي رجعت علمود جهالي
نسمه: اي واضح باس ايدج ورجلج جذبي علئ غيرنا عيني
ناز: من انعمت عينج
سمعت باب الكراج انسدت شوي ودخل مُلهم بقئ يباوع عليهم مبين متفاجئه بجيتهم
مُلهم: صاير شي؟
ام مُلهم: هذه سلامك
مُلهم: يمه بدون دراما لخاطر ربج البارحه جنت يمج ماكتيلي راح تمرين علينا
ام مُلهم: رايحين سفره للشمال كلنا وماكدر اخذ نسمه جبتها تبقى يمك
ناز: دار وجه باوعلي ورجع باوع على امه
مُلهم: هسه اخذها الـ اهلها علما ترجعون
ام مُلهم: وين ماخذ البنيه تعرف هم عائله جبيره وكلهم جهال وهوسه مترتاح يمهم
أنت تقرأ
سطور الألم
Misterio / Suspensoلا تعطي الثقه الكامله لشخص لا يتسحق لأن من بعد الكسر خُذلان لا يجبر وخاصة اذا كان الكسر من اقرب الاقربين الى قلبك سوف تسمع كسرة قلبك وروحك بنفس اللحظه لذلك احذر سطور هذه الألم
