ငယ်သူမို့ - nge thu moett

ငယ်သူမို့ - Young Love Devotional- Episode -1

" အဟင့် အီးဟီး မေမေငယ့်ကိုလာခေါ်ပါအုံး ကြောက်တယ် ပြန်မဆင်း‌တတ်တော့ဘူး လုပ်ပါအုံး အီးဟီးး"

သစ်ပင်ပေါ်ကနေ ခြေထောက်မချရဲပဲ တုန်ချီတုန်ချီဖြစ်ရင်း အောက်ကိုငုံ့ကြည့်လိုက် မျက်ရည်တွေဝဲတက်လာလိုက်နဲ့ တက်တုန်းကဘယ်လိုတက်လာလဲမသိသော၊

လဝန်းမှာအခုအကြီးအကျယ်‌နောင်တရနေပါပြီ ။

တစ်ဦးတည်းသော သမီးလေးမွေးထားလို့ သိမ်သိမ်မွေ့မွေ့လေးထွက်လာမလားမှတ်တယ် တစ်နေ့"ဆော့တယ်အဆော့က အိမ်ကလူတွေဆီငိုသံတစ်ခုမဟုတ်တစ်ခုကြားရတတ်တယ် ..

အမေဖြစ်သူမှာ အလုပ်တွေရှုပ်ယှက်ခက်နေတဲ့ကြားက သူ့ကိုထွက်ဆူ‌ဖို့ဆိုတာမဖြစ်သေးသည်မို့ ခနတေးထားလိုက်တယ် ။

နေပါစေအုံး ဒီကလေး ကြိမ်လုံးနဲ့ဆတ်ဆတ်ကလေးကိုရိုက်ပြစ်ရမယ် အဲ့အပေါ်ကိုမတက်ဖို့ပြောရတာ ဆယ်ကြိမ်နဲ့၊ဆယ်ခါမကတော့ဘူး ..

မေမေထွက်မလာမှန်းသတော့ ပိုအော်နေလည်း မဖြစ်တော့တာမို့ ကိုယ့်ဟာကိုယ်ခြေချကြည့်ဖို့ပြင်လိုက်တယ်ဆိုရင်ပဲ

အောက်ကအမြင့်ကိုကြည့်ပြီး ကြောက်ရပြန်တယ်။

အဲ့လိုနဲ့ နောက်ဆုံးအရှုံးပေးရကာ .. နှာချီးတွေကိုသုတ်လိုက်ပြီး အိမ်ထဲကိုအသံလှမ်းပို့မိသည် ..

" မေမေငယ်ဒီမှာ တစ်သတ်လုံးနေရတော့မှာလား .!"

ထိုသို့ဖြစ်နေချိန် လဝန်းတို့ခြံဘေးအိမ်ကို ကားတစ်စီးထိုးရပ်လာပြီး အထဲမှာကိုကိုတစ်ယောက်ဆင်းလာတာတွေ့လိုက်သည် ..

လဝန်းက ထိုအိမ်ကိုငယ်"ကခနခနသွားဖူးပေမယ့် ထိုလူကိုသေချာမမြင်ဖူးတာမို့ အံဩတကြီးလေးကြည့်နေချိန် ဖျက်ခနဲလှမ်းကြည့်တဲ့ ထိုမျက်ဝန်းတွေကြောင့် ..

လန့်သွားကာ ကိုယ်ဟန်ချက်ပျက်မသွားအောင် သစ်ကိုင်းကိုကျစ်ကျစ်ပါအောင်လှမ်းကိုင်လိုက်ရသည် ..

ထိုအချိန်။

" ဟာ ဟေ့ဟေ့!"

ထိုကိုကိုက စိုးရိမ်တကြီးနဲ့ လဝန်းတို့ခြံဘက်ကိုပြေးလာပြီး
သစ်ပင်အောက်ကိုရောက်ချလာသည် ..