قلب مسحور

الفصل السادس

رن ادهم علي والدته فقالت له بصوت خائف من وسط بكائها / الحقنا يا ادهم ابوك تعب فجأة و جرينا بيه علي المستشفي و مش عارفه اعمل ايه
احقنا بسرعه
رد عليها بقلق و خوف / طب انتوا في مستشفى ايه
ردت عليه والدته / في مستشفى........ تعالي بسرعه يا حبيبي انا و اختك مش عارفين هنعمل ايه
رد عليها و هوا يحاول ان يجد اي سياره اجرة لكي يستقلها و لكن لم يجد اي شيئ / انا جاي اهو يا ماما امسكي نفسك و انا جاي اهو
ثم اغلق معها و اخذ يبحث عن سيارة اجرة و لكن لم يجد حتي وجد صوت يأتي من خلفه  بعدما استمع لمكالمته  يقول برقه / ممكن اوصلك طالما مش لاقي عربيه
رد عليها و هوا يريد ان يرفض و لكن لا يعلم ماذا يفعل حتي قطعت هي حبل افكاره قائله / علي فكره انا منستش انت عملت ايه علشاني و كمان لولا الله ثم انت انا كنت الله اعلم حصلي ايه ف ياريت تجي معايا انا غصب عني سمعت مكالمتك و انا خارجه و اظن انك مستعجل
رد عليها بقله حيله / ماشي لو مش هعطلتك
ردت عليه / ما فيش عطله ولا حاجه يلا
ثم صعدا في سيارتها و اتجها الي المشفي
و كانا يلزمان الصمت طول الطريق
حتي وصلا الي المشفي  اتصل بأخته و علم مكانهم
و اتجه اليهم
ثم اقتربت منهم والدته عندما راته و ارتمت هي و اخته داخل احضانه و اخذ يربت علي ظهرهم و يقول  / هوا حصل ايه يا ماما
ردت عليه والدته / معرفش هوا كان كويس و و كان قاعد مع عمك جابر في الصاله و فجأة لقيت جابر بيقول / الحقي يا انعام الحقي يا غاده سلطان تعب  فجأة
و خرجت جري اشوفه و خدناه في عربيه عمك جابر و جينا
رد عليها ادهم / امال فين عمي جابر
ردت عليه اخته / في الحمام و جاي
و اثناء ذلك كانت نغم واقفه علي بعد قريب منهم تشاهد ذلك الشهم و الحنين علي اسرته و الرجل الخلوق الذي حقا اصبحت معجبا به و لكنها نفت ذلك وقالت في نفسها / لا يا نغم اعقلي يا حبيبتي كدا عيب
و قطع حديثها مع نفسها كلام غاده الذي و جهته لادهم قائله/ اومال مين دي يا ادهم 
توتر ادهم لانه لا يعرف ماذا يقول لهم و لا يعرف حقا ماذا تقرب له حتي انقذته نغم قائله ببسمه عذبه / انا ابقي نغم زميله ادهم في الشغل
قالت لها والدته / اهلا وسهلا يا حبيبتي تعبناك معانا
وقبل ان ترد نغم خرج الطبيب يقول / مين تبع الاستاذ سلطان
اقترب منه ادهم بسرعه و قال بلهفة / هوا عامل ايه يا دكتور هو كويس صح
رد عليه الطبيب / هو الحمد لله كويس بقي احسن دلوقت ممكن تدخلوا تتطمنوا عليه كان بس بوادر جلطة بس الحمد لله بقي احسن و انا عاوز حضرتك معايا دقتيتين في المكتب
رد عليه ادهم / تمام يا دكتور انا جاي ورا حضرتك
في مكتب الطبيب
دخل ادهم خلف الطبيب الي المكتب الخاص به
ثم قال / خير يا دكتور في حاجه
نظر له الطبيب و قال / اتفضل اقعد الاول و انا هقول لحضرتك كل حاجه
جلس ادهم و هو قلق ثم قال بعدما جلس / خير يا دكتور
رد عليه الطبيب بعمليه / بص يا ابني هوا طبعا احنا مؤمنين بالله و بقضاء ربنا و ان كل حاجه قضاء و قدر
رد عليه ادهم بقلق زاد اكثر / طبعا يا دكتور بس هوا بابا ماله
رد عليه الطبيب و هو يحاول ان يقول له / بص يا ابني والدك عنده سرطان الرئة و من فتره طويلة كمان و مع السن و السجاير ف  قدامه من شهر او اقل و احتمال في اي وقت يتوفاه الله
هل تعرفون احساس ان تكون في اقصي ليالي الشتاء بروده ثم يتم س كب ماء بارد عليه فجأة هكذا كان احساس ادهم بعدما استمع لكلام الطبيب عن مرض و الده
ف اجمع شتات نفسه و قال بصوت متلعثم متقتع /
هو..ا...ا....ح..ض..ر..ت...ك......ب..تتتتت..كك ......للمم..بجد...جدد
رد عليه الطبيب و هوا متفهم حالته / لا اسف يا ابني مفيش علاج و كمان اذاي عنده سرطان الرئة و انتوا ما تعرفوش ده الاعراض مفروض تكون ظهرت من بدري
قال له ادهم / معرفش صراحه بس هوا كان مش يرضي يقول لحد علي تعبه
قال الطبيب له / اهم حاجه هوا مايعرفش
و يحاول يبطل سجاير شويه
ثم قال له بعض النصائح التي تلزم  والده