مدللة ابوها والضابط

بارت ١

البطل مرحبا اني اسمي حسين من محافضه الانبار اشتغل ضابط طولي 185 وحنطاوي وعيوني لون اسود و جسمي معضل وعندي شوارب وطبعآ بس ممنوع الحيه لين وعندي اختين وحده متزوجه والثانيه لا وعندي اربع اخون واحد توفه بحرب داعش بل موصل والباقي موجودين ما متزوجين وجدي وجدتي عايشين ويانه وحياتنه طبيعيه لي حد ٢٠١٨كلشي تغير

البطله هلاو اسمي دعاء من محافضه الموصل اني طالبه صف اول متوسط بيضه طولي١٤٠ وبشرتي بيضه وعيوني عسليه واني ضعيفه عندي ٣اخوان واني وحيده لاهلي طبعآ بابا متزوج اثنين وعندي اخوان واخوات من ابوي بس
معليهم بينه عايشين لوحدم من بابا عندي ٢اخوان متزوجين وكل واحد بيت و اخوات ٣ متزوجين بس وحده مطلكه وعايشه هيا وامها وبناتها بيت لوحدهم
واني كنت البنت الصغيره والمدلله كوني وحيده وشخصيتي كانت قويه مع انو عمري صغير لين تربيت بمنطقه شعبيه كلها ولد والجيران ميخلون بناتهم يطلعون هلكد بسبب الولد بس اني اطلع وتربيت بين الولد لهاذا صار الساني طويل وشخصيتي قويه و ما عرفت شنو راح يصير بيه بسبب طول لساني

حسين:چنا كاعدين بل هول ونحجي ومن جمعين عمامي و عماتي و كالت عمتي الچبيره

العمه: بويه وليدي حسين ليش ما تروح على الموصل وتداوم غادي وتشوف بيت عمك بلكه يرجع ويمرنه

الجده: مستحيل اخلي وليدي يروح غادي خسرت واحد هناك احفادي ما زايدين حتى الكحهم هناك

العمه: بس الوضع مستقر وكلشي ماكو والدواعش راحو خلي يروح يزور اخو هناك ويضل كم شهر بيت عمه واذا ما عجبه الوضع يرجع ينقل

حسين: ماشالله قررتو وكملتو بس ما حضرتو الجنطه وكتولي اطلع شبيكم لازم اشوف شغلي واشوف الاوامر لازم هيه هيج بكيفنا

الجده: براحتك وليدي الشي يلي تريده يجرالك و معليك بعمتك تحجي بكيفها

حسين: اكوم اروح انام باچر دوام رحت تمددت على الچربايه وفكرت بكلام عمتي وقررت ما اروح على الموصل بس اودي الاهل زياره على قبر اخويه المتوفي ونمت كعدت الصبح سبحت وبدلت ولبست الزي العسكر وطلعت كملت الشغل قبل لا اطلع كالي العقيد

العقيد: ملازم اول حسين حسين لازم نحجي شويه تفضل وياي

حسين: من صيحلي العقيد عرفت اكو شي مهم كبل رحت على غرفته بس صدمني من كلي

العقيد: حسين اني اريد انقلك على الموصل

حسين: اكدر اعرف ليش سيدي

العقيد: انتا تعرف شصار بل موصل واشكد راحو ضباط ومنتسبين وجنود وخسرنا چثير واهل الموصل هم اهلنا ونتا اكثر واحد اثق بيك هنا واعرف راح تروح بس فكر لي باچر وحاچيي

حسين: طلعت واني افكر ليش الكل يرردني هناك واذا رحت شراح يصير خلي اروح طبعآ اني رايح هناك بس ما ساكن رجعت للبيت وحجيت وياهم وصارت مشاكل البعض يكول روح والبعض الاخر يكول لا بس اني قررت اروح وحجيت ويا الكل وقنعتهم انو راح ارجع مجرد مهمه اكملها وارجع وكل يوم اروح على بيت عمي وهاذا اقتراح عمتي طبعآ
وثاني يوم طلعت للشغل والكل راح على بيته وحجيت ويا العقيد وكلي اسبوع الجاي تطلع وتروح على فلان منطقه وكام يحجيلي