#لا_تضر_القلب_مانت_بعدوٍ_لي
_
فتح باب البيت دخل و دخلت خلفه وهي مصدومة من المكان والبيت اللي من كوخ وبوسط الجبال والنهر قعدت تناظر فيه وعقدت حواجبها تشوف اللوحات اللي معلقه و ادوات الرسم ، جلس على الكرسي بمكانه وسحب الاوراق واخذ ادوام الرسم والتفت : لوحة ولا اوراق ؟
همست بهدوء : اوراق عشان يحطهم بالملف ،
هز راسه ومد يده مشت مدت له جوالها واخذ جوالها يشوف ومد يده ل ادوات الرسم وبدا يرسم ، كانت واقفه تناظر فيه وفزت من انفتحت الباب والتفتوا مع بعض يطالعون ،
دخل العم جواد وعقد حواجبه من وجود بنت غريبه ، وعرف فريد تساؤلات العم جواد من نظراته وسحب الكرسي وهو يجلس وياخذ ادوات الرسم وهمس : جيت اخلص شغله ،
العم جواد مشى وهو يحط الاكياس والتفت يطالع بصمود ،
سكتت صمود تراقب بنظراتها لفريد اللي يرسم و التفتت على العم جواد اللي ابتسم لها ونطق : اهلين ،
همست صمود : هلا فيك عمي ،
وسكتت تفرك يدينها بتوتر و مشى العم جواد يجهز الشاي،
صمود كانت واقفه تشوف فريد يرسم واخذت نفس والتفتت تطالع من شباك الكوخ اتجاه الجبال والنهر وبرودة الاجواء واخذت نفس تضم نفسها بيدينها من البرد ،
كان ساكت مكمل يرسم و دخل العم جواد : جهزت الشاهي تفضلوا اشربوا شي ساخن الاجواء باردة ،
صمود التفتت على فريد اللي اخذ نفس ووقف وتوجهوا يطلعون من الكوخ وجلسوا على الطاولة وتقدم العم جواد يصب لهم الشاي مدت يدها صمود تاخذ الكوب وتشرب لان الاجواء باردة وتحتاج تدفى ، اخذ فريد كوب الشاي وهو يشرب وسكت العم جواد يطالع فيهم و ابتسم : أخيرًا التفتت لقلبك كل وقتك وهمومك بدوامك ،
عقدت حواجبها صمود بعدم فهم ، وسكت فريد يترك الكوب من يده ويمسح على شنبه ويوقف : بخلص شغلي ، ومشى وتركهم سكتت صمود تناظر باستغراب ،
ونطق العم جواد وهو مبتسم : من وين عرفتيه ؟
بلعت ريقها صمود بتوتر وقعدت ساكته ما ردت عليه ،
وضحك العم جواد بخفه : براحتك بس ايش اسمك ؟
همست بهدوء : صمود ،
ابتسم العم جواد : صمود حلو اسمك عرف يختار ،
بلعت ريقها وحست بحرارة رغم الجو البارد ومدت يدها تعدل شعرها بتوتر وكمل العم جواد : عاش حياته وسنين العجاف يمشي بدرب من الشوك كل حياته ضيع نفسه بين هالكفار وصار يركض وراهم طلبتك يا بنتي بعديه عنهم ،
سكتت صمود وهي مصدومة وهمست : شلون يعني؟
العم جواد باستغراب : ما تعرفين انتي؟
-
#لا_تضر_القلب_مانت_بعدوٍ_لي
-
العم جواد باستغراب : ما تعرفين انتي؟
صمود : عمي انت فهمت غلط ما بيني وبينه شيء ،
سكت العم جواد بصدمه و رفعت نظرها صمود تشوف فريد داخل وهمست بهدوء : خطف اخوي يا عمي تكفى ساعدني ،
سكت العم جواد وفز بصدمه : خطف اخوكِ؟
هزت راسها بالايجاب و دموعها نزلت : خطفه و يجبرني اسوي اشياء يبغاني اضر ابوه يا عمي يبغاني اكون معه بعلاقه عشان اقدر اوصل ل مبتغاه و يرجع لي اخوي ساعدني تكفى عمي ،
سكت العم جواد وهو مصدوم طلع فريد و رفع نظره يطالع وبيده الاوراق ونطق : امشي ، مسحت دموعها بحركة سريعة بدون ما ينتبه ووقفت وهي تناظر بالعم جواد اللي مصدوم وهمست على الخفيف : لا تتركني عمي ساعدني ، ومشت طلعت ركب سيارته و فتحت الباب و ركبت بهدوء و مد لها الاوراق اخذت الاوراق تشوف الرسم وسكتت بهدوء ،
وحرك سيارته وهمست بهدوء : واذا كشفني؟
هز راسه بالنفي : ما يقدر ماهو ذكي لهدرجة واذا كشفك انا معاكِ لا تخافين ،
غمضت عيونها بتعب والتفتت عليه كان يسوق بهدوء بعد دقايق التفتت تشوف الطريق : اوقف هنا مو عند بيتي ،
عقد حواجبه : ليه؟
صمود : عشان ما نتورط ،
فريد : هو عندك؟
صمود : امي عندي وتعرفه ،
سكت فريد ووقف سيارته على جنب نزلت من السيارة ومشت دخلت طريق بيتها ووصلت وبيدها الاوراق ووقفت خارج المزرعة وقعدت تناظر تتذكر سطام كان مره يستقبلها نزلت دموعها ومشت وهي تجلس في المزرعة نزلت نظرها و انهارت بكاء وغطت وجهها بكفوفها وهي تبكي واخذت جوالها تتصل على فريد كان يسوق راجع لبيته وعقد حواجبه و رد : هلا ،
نطقت بهدوء : الله يخليك طلع اخوي و اوعدك راح اكمل على الخُطة ماراح اتراجع ولو تراجعت ارجعوا خذوه او خذوني بس تكفى طلعه مقدر اعيش بدونه الله يخليك ،
سكت يسمعها تترجاه وصوت بُكاءها واخذ نفس : وش يثبت؟
سكتت لثواني ونطقت : خذ جوازي عشان اضمن لك ما اهرب من هنا والله اوعدك راح اسوي كل شيء ،
قعد ساكت لثواني ونطق : الصباح نتقابل ،
تنهدت بقهر وقفلت الخط و رمت جوالها بتعب ووقفت مشت تدخل البيت وهي تبكي ،
-
