#لا_تضر_القلب_مانت_بعدوٍ_لي
_
فريد اخذ نفس : ما سحبت يا ماما والله ما سحبت نمت لآنك تاخرتي وما صحيت الا على اتصالات و انشغلت ما فضيت الا تو ،
سكتت صمود لثواني وهمست : خفت ان البارح كان حلم ،
ابتسم بخفة : جايتك انا وبتعرفين اذا حلم ولا لا ،
رجعت ظهرها للخلف وهي مبتسمة : احلف؟
عقد حواجبه : افا يعني ما تصدقيني؟
هزت راسها بالنفي : مو مقصدي كذا ، بس مو هُم يلاحقونك؟
يعني غريبة تجي وتترك كل شيء وراك؟
تنهد : صحيح ماراح يخلونا بس تركت امير خلفي يتصرف بنفسه ولا حنا بنكون مراقبين مدى الحياة ،
اخذت نفس : يعني ماراح نرتاح منهم؟
هز راسه بالنفي : للاسف بس ماعلينا راح يملون ويبعدون ،
صمود بهدوء : انا خايفه عليك انت!
ابتسم بخفة : لا تخافين علي انا انسان ما ينخاف علي ،
صمود سكتت وهي مبتسمة ونطقت : متى بتجيني؟
رفع نظره وهو جالس بالمطار : يمكن اتاخر ،
صمود : يعني مطول ؟
هز راسه بالنفي : لا ماني مطول ارسلي موقع بيتك ان وصلت دقيت عليكِ ،
شهقت بصدمة : شلون؟ و اهلي؟
ابتسم : افتحي شباك غرفتك متى ما جيت دخلت ونمت مالي حيل ان وصلت احجز لي فندق و ادور لي مكان ،
رفعت نظرها تطالع اتجاه الشباك وضحكت : والله؟
هز راسه بالايجاب : اي والله ان جيت ، راح اجي عندك ،
حطت يدها على قلبها وهي مبتسمة : يعني ما انام؟
ضحك بخفة : نامي نامي ان وصلت بدخل وبنام داخل ،
هزت راسها بالنفي : راح اعجز انام و راح اكون بانتظارك ،
اخذ نفس وهو يوقف : نامي ياحبيبتي نامي راح اطول لا تسهرين الليل لوحدك ،
سكتت بصدمة من سمعت كلمته " حبيبتي "
وكمل كلامه : لازم اقفل الحين اشوف اموري ،
ابتسمت بخفة : راح افتح لك الشباك وعند شباك غرفتي نبتة عشان ما تغلط وتدخل غرفة سطام وتحضر عزائي ،
ضحك على سخافتها وضحكت من ضحكته ،
بعد دقايق قفل منها وحط جواله بجيبه ،
وهي انسدحت على السرير تضم المخدة ووقفت من تذكرت توجهت فتحت الشباك تعدل النبتة ، و مشت تعدل السرير وتغير المفرش وتنظف غرفتها وتشيل الكُتب ،
-
جراح : خالتي ابغى افهم شي واحد ايش الهدف يوم امي ترضى انها تخطب ميهان لاخوي عزام و ل خالي بس انا لا!
ام فريد : ما حاولت تكلمها على انفراد وتتفاهم معها؟ يعني غريبة مستحيل امك تسوي كذا بدون سبب ،
-
#لا_تضر_القلب_مانت_بعدوٍ_لي
-
جراح : خالتي ابغى افهم شي واحد ايش الهدف يوم امي ترضى انها تخطب ميهان لاخوي عزام و ل خالي بس انا لا!
ام فريد : ما حاولت تكلمها على انفراد وتتفاهم معها؟ يعني غريبة مستحيل امك تسوي كذا بدون سبب ،
جراح تنهد : هذي هي المشكلة يا خالتي جلست معها الف مرة حاولت اسمع منها حاولت اعرف السبب بس عجزت! امي اخذت المسالة عناد واني مستحيل اتزوج من ميهان!
ام فريد : انت ليه تركت البيت و مشيت!
جراح : مقهور يا خالتي انقهرت من امي ومن حركاتها ماكان ودي انفجر و اصارخ و اعصب عشان كذا طلعت ،
تنهدت ام فريد : راح احاول معها ،
جراح : تكفين خالتي حاولي مافي احد غيرك تساعدني ،
هزت راسها ام فريد : ان شاء الله اشوفها ،
رجع ظهره فريد للخلف : حتى لو ما وافقت صدقيني راح اتزوج منها هي الحين رضت و امها راضيه اخذها اقرب محكمه ونتزوج بس ما ودي ازعل امي ودي كل شي يصير برضاها ،
ام فريد بصدمة : لا تسوي شيء كذا! ياويلك مني انتظر و اصبر شوي مردها امك بتقتنع ،
جراح : خالتي انتي متخيلة انها راحت تخطبها لاخوي!!
ام فريد : عارفه وعشان كذا عزام يتهرب من الكل في البيت لان امك تخليه يمشي على مزاجها وهو مستحي من نفسه انه وافق على حركات امك ولا يدري كيف يقابلك ،
جراح : انا ماعلي منه يا خالتي انا عارف حركات امي تجبر الواحد او تسوي اشياء من راسها بدون ما تشاور ،
ام فريد : الله يهديها ياولدي ان شاء الله بتكلم معها ،
-
سطام دخل البيت رفع نظره يشوف هناء طول الوقت تنتظره ما نامت ابتسمت من شافته وقرب يقبل جبينها : ما نمتي؟
هناء : عجزت انام كنت بانتظارك ومتى تجي ،
تنهد سطام وهو يجلس : وصلني خبر ان جدتي عطتنا عمرها و رحت اشوفها قبل يدفنونها الله يسامحها ويغفر لها ،
هناء بصدمه : توفت؟
سطام هز راسه بالايجاب : اي ،
هناء : ان لله وان اليه راجعون ،
سكت سطام لثواني ومسك كفوفها : سامحيها ،
هناء تجمعت الدموع بعيونها : مسامحتها انا ،
قرب سطام بهدوء يحضنها من الجنب قربت هناء تحط راسها على كتفه وتمسح دموعها : تاخرت اليوم ،
سطام : انشغلت اليوم ، وينها النفسية نامت؟
ضحكت هناء بخفة : اي نامت نفسيتها ماش اليوم ،
سطام : تعالي ندخل ننام تاخر الوقت ،
-
كانت منسدحة على السرير وشعرها ويفي رفعت نظرها اتجاه الشباك تنتظر عجزت تغمض عيونها وتنام تتخيله قدامه تتخيل وجوده بغرفته ابتسمت من حست بالشعور الحلو وغمضت عيونها تحاول تنام لكن عجزت ! بعد ساعات طويلة نامت بدون ما تحس على نفسها ، اشرقت الشمس واشعة الشمس اتجاهها بحكم ان الشباك مفتوحة! لكن وقف يغطي الشمس..
-
