#لا_تضر_القلب_مانت_بعدوٍ_لي
-
طلعت من الجامعة ووقفت لثواني تناظر بفراغ ومترددة ونزلت نظرها من رن جوالها و ردت بهدوء : هلا ،
سطام : انا في المطعم وحجزت الطاولة لشخصين بانتظارك انا لا تتاخرين لاني مستعجل ،
غلا سكتت لثواني وهمست : تمام ، قفلت منه و مسكت جوالها بين كفوفها ومشت بهدوء تطلع من مبنى الجامعة وتتوجه للمطعم دقايق ووصلت ومدت يدها تفتح باب المطعم و تدخل رفعت نظرها تدوره من بين الناس ،
كان جالس و التفت اول ما دخلت ووقف يرفع لها كفه وسكتت من شافته ومشت بهدوء لعنده سحبت الكرسي وهي تجلس وهمست بهدوء : انا مستعجلة ياليت تتكلم بسرعه ،
عدل تيشيرته وهو يجلس وناظر فيها : بس حاب اتاكد من شيء قبل ندخل بالموضوع اذا تسمحين ،
هزت راسها بالايجاب : اسمعك ،
سطام : ابوكِ اسمه امير؟
توترت وصدت بنظراتها : ليه تسال؟
سطام : في موضوع مهُم ابي اكلمك فيها ياليت تجاوبين ،
وقفت وهي تسحب جوالها : ماهو ابوي ولا اعرفه ، وتوجهت تطلع من المطعم ، سكت وهو مصدوم و ركض يلحقها وهو ينطق : غلا اسمعيني ،
تجاهلته و ركضت مشت ركبت التاكسي ، وسكت يوقف عند المحل ويناظر بهدوء ،
-
لبست المعطف وعدلت شعرها واخذت جوالها ومشت طلعت ووقفت واخذت نفس بقلة حيل من شافته وقف سيارته عند بيتها ونزل ومشى لعندها : صاحيه انتي!
صمود : اي صاحيه ،
فريد : اي جواز سفر تطلبين مني! انتي متوقعه اني راح اعطيكِ!
صمود : ماراح اجلس هنا ولو دقيقه وحدة مفهوم!
فريد : ماراح تروحين لمكان الا و رجلي برجلك واذا طلعتي من هنا وسافرتي ف راح اتورط انا!
صمود بسخرية : دامك دخلتني بحياتك تحمل نتجية افعالك ،
فريد قرب ومسكها من ذراعها ونطق بحده : انا دخلتك!
صمود : اترك يدي!
فريد : امشي معي ،
صمود هزت راسها بالنفي : ماراح امشي معاك لمكان ،
فريد : لا تجننيني يا صمود! اليوم عندي مقابلة ولازم تكونين معي،
صمود بسخرية : اي مقابلة! على اساس انك تشتغل!
فريد : هذا يعتبر شغلي و جمايل و زوجته جاين عندي و زوجته جايه عشان تشوفك وصلهم خبر زواجنا و تاكدوا اننا متزوجين فعلًا وعشان كذا جاين مفهوم!
صمود : مو مفهوم و روح تصرف لوحدك ،
-
#لا_تضر_القلب_مانت_بعدوٍ_لي
-
صمود : مو مفهوم و روح تصرف لوحدك ،
فريد : طيب واذا مالقيتي اثر سطام على ارضك لا تجيني لاني راح اقول نفس الكلام تصرفي لوحدك ، وتركها وصد بيمشي و ضربت برجلها على الارض بقهر وسمع صوت كعبها والتفت يطالع فيها غطت وجهها بكفوفها تحاول ما تنهار من قهرها و رفعت نظرها له وما تكلمت بحرف ومشت بصمت فتحت باب سيارته و ركبت ، تنهد و ركب وحرك سيارته والتفت يطالع فيها حطت راسها على طرف الشباك بهدوء والدموع بعيونها ،
وصد وهو يسوق بصمت وهمس : ماكان ودي اتعامل معاكِ بهالطريقة بس انتي تجبريني وانا مجبور ،
ما ردت عليه كانت ساكته بعد عدة دقايق وقف سيارته عند بيته ونطق بهدوء : انزلي ، نزلت ونزل معها وقفل سيارته والتفت يشوف امه من بعيد كانت جايه وبيدها كيس الخبز ووقفت من شافت فريد ومعه صمود وقعدت تناظر من بعيد
اخذ نفس فريد ومشى يفتح الباب و دخلت صمود لداخل وصدت ام فريد تمشي لبيتها و دخل فريد لبيته وقفل الباب ،
صمود ناظرت فيه : متى بيوصلون؟
مشى فريد وهو يعلق المعطف : مسافة طريق ،
وتركها و دخل غرفته يغير ملابسه واخذ تيشيرت ابيض وبنطلون اسود يغير على السريع دقايق وطلع ناظر فيها كانت جالسه على الكنب وتوجه يدخل المطبخ يجهز القهوة ،
ووقفت من سمعت صوت الباب ، وطلع فريد من المطبخ وناظر فيها : خليكِ حذرة و تصرفي معي بطريقة زينة ،
شمقت بعيونها وصدت ومد كفه لها ومسكت كفه بهدوء وتوجهوا يفتحون الباب ، ابتسم جمايل و زوجته خلفه و دخلوا يصافحونهم ، صمود تصنعت الابتسامه تناظر لزوجة جمايل ،
و دخلوا لداخل يجلسون وجلس جمايل و زوجته معه ،
التفت فريد على صمود ياشر لها بعيونه تجيب القهوة ،
عقدت حواجبها باستغراب بعد محاولات فهمت عليه ووقفت و دخلت المطبخ وناظرت انه جهز القهوة ومشت تصب بالاكواب واخذت الصينية و دخلت عندهم ومدت لهم وحطت الصينية على الطاولة و اشر لها فريد بعيونه تجلس جنبه،
ومشت جلست جنبه تتصنع الابتسامه و رفع نظره فريد يشوف نظرات جمايل ومد يده يحاوطها وهي جالسة ،
ونطقت زوجة جمايل وهي مبتسمة : زواجكم عن حُب؟
فريد هز راسه بالايجاب وهو يضحك ، وصمود هزت راسها بالنفي وناظروا ببعض وضحك فريد يرقع : يعني اي و لا ،
جمايل عقد حواجبه : شلون؟
فريد : يعني..وسكت بورطة والتفت على صمود : قولي لهم ،
صمود رفعت كفها تعدل شعرها وابتسمت : انت قل لهم ،
-
