هَلي وعيونكُم ضايع.
هَلي انسدت بوجهي الدنيا والبيبان.
ويذبني العمر من شارع الشارع.
__________________________________
༺༽ بَسمهِ تَعالى ༼༻
دخنت جگارة والجو بارد كلش صفنت بدربونة هسه منين ندخل ومنين نطلع عبارة عن متاهة تدخل تضيع
صُهيب:-حتى عيب نتوكل على الله من سوالفنة
محمود:- والله تربية سزز
صُهيب:- خوب انتَ عين صلفة مثل عين البرابيگ فوگ تسوفلك تحلف
محمود:- هُوَ غير يستقر شريف العراق
صُهيب:-يلا اسكت اسكت حلگك اعوج
محمود:-زين حلگي اعوج ولا خشمي شكبرة
صُهيب:-منو خشمه چبيرر؟
محمود:-لا امي
صُهيب:-نچب عزيزي
محمود:- ترا اني حساس
صُهيب:- تعرف لساني زفر يعني اله تخليني أغلط
محمود:- كششش على اساس اذا ما گايلك هيچ ماراح تغلط
صُهيب:- نچب محمود ياروحي ياگلبي انتَ
محمود:- اي هُوَ هذا الكلام مو تصگع عيب عليك ترا اني صديقك صدوق
صُهيب:- خوش صديج يشجع على تسوفل وتنوعل
راد يحچي قاطعنا اتصال
جواد:- ابني انتم وين؟
صُهيب:- ريسنا احنى بالمُكان الگلت بية بس ماجاي نفتهم دربونة بنص دربونة طريق تايهة؟
جواد:- ادخل گدام وتالي على جهة اليسرى تلگة شارع تمر منه وبيت ضواهة احمر هذا المكان
صُهيب:- ماشي توصلك زبدة ريسنا
جواد:- ماتخيب ضني
صُهيب:- ترباتك
سديت الاتصال منة وهذا محمود سطر راسي
محمود:- صُهيب انا خايف خل نرجع ما مطمئن
صُهيب:- ما ارجع تعرف غايتي لازم اجمع المبلع
محمود:- چا انه شعلية اذا انتَ تريد جمع المبلغ
صُهيب:- تؤؤ تؤؤ ألك ايد
محمود:- يعني تريد جمع وتطفر
صُهيب:- كافي مليت من جواد ذالني ذل وعيشة خايسة
محمود:- چا شسوي اتقبل
صُهيب:- محمود افهم اتمنى اعيش يوم نظيف وأكل حلال يعني شنو هسه حياتنا احنى؟
تحسر
محمود:- ما ادري أيمت الفرج ونخلص
صُهيب:- اذا ما اطفر والحگ نفسي وداعتك مايخلصنة من جَواد غير الموت
محمود:- مانگدر
استغربت ورفعت حاجبي
صُهيب:- شنو مانگدر؟
محمود:- انا اخاف اقابل ربي هيچ كافر
صُهيب:- يمعود
محمود:-لا صدگ تره فكر شنو حياتنة بنات من نضوج نشرب من ننقهر وشرب مخدرات وعرگ وكلشي وسهر وتسوفل على گولتك
صُهيب:- المطلوب؟
محمود:- نحاول نعدل من رواحنة صح هيچ بس احنى مجبورين نسوي هيج والله بلكت يتقبلنة ليش ما نحاول
صُهيب:- ههههههه ولك اني الاذان ما اعرفه وتريد نتوب
محمود:- لا صدگ بك خل نحاول
صُهيب:- خوش بعدين
محمود:- ترا جاي احچي جد انا وياك
صُهيب:- اممم جد هسه بعد خمس دقايق تلعب وتتملعب والشرب يطلع من خشمك
بابة احنى مال توبة؟
واحدنة اسقط واسفل من ثاني وتريد نتوب؟
شـنتوب
صفن ودار وجهة عني وانا هم ما حچيت حسيتة ضاج
وصلنة للمكان طلعت وشفت عدهُم واحد واگف بالباب
صُهيب:- من طرف ريس جَواد
فتحلي الباب من دون مقدمات دخلنى چان عبارة عن ملهى مُصغر نسوان وشرب
سمعت صوتة شريكة الانگس منه
سَامر:- صگارهُم
صُهيب:- عاالي
رحتلة ثنين يمة يلعبن نفس ويتموعن باوعتتلهن باشمئزاز
سَامر:- جبتهن
صُهيب:- 65 على العدد مو؟
سَامر:- اي عفية
زين جَواد شلونة
صُهيب:- زين يسأل عليك
گعد يغلط بانواع واشكال اريد افتهم كلمة بلا غلط ماكو عباره عن فشار اتصلنة على جَواد وكملت السبحة هذا يغلط وهذا يغلط
جَواد:- سامر
سامر:-ها ابو جود
جَواد:- داريهة ترا صاير ما ياخذ مني
سَامر:-سهلة
نهوا الاتصال وباوعلي سامر من فوگ ليجوه
اليوم عازمكُم على كتاكيت
صُهيب:- سامر من هسه أگلك ما اريد
محمود:- انا هم
سامر:- عفاااا شباب تردوني
گعد يلح ويانا وذكرت كلام جَواد وتهديداتة اذا ما صارت هاي العملية اضطريت اوافق
جهزلي نارگيلة ومن هاي سوالف بيني وبين نفسي شيعديها هاي اليلة
اجن يتمرگصن چنهن بيهن كُساح بينت ضوجة على وجهي لزمت الگلاص بيدي اتعاين بية واذكرت كلام محمود غمضت عيوني حيل وشربت الگلاص
ضربني على كتفي سامر بمعنى تشجيع
مر شوي من الوقت
سامر:- صُهيب اليوم ليلة اتنسيك كلشي
صُهيب:- ولك مو گلت ما اريد
سامر:- لاا ابد ما تطلع اليلة
گومني بالغصب ودخلني للغرفة مجهزة كعدنؤ بيها
سَامر:- راح توصلك حصتك بس لا تستعجل
ويضحك ويغمز
طلع ودخلت وراة بنية مبينة 17 او 18 سنة صفنت عليها چانت متوترة
صُهيب:- شسمج ست
رفعت راسها بعد ما چانت مدنگة وتفرك اصابيعها
:- أ أ أسِمي هُيام
رفعت حواجبي بتَقبُل لأسمها جريت نفس
صُهيب:- زين يا هُيام شچابچ هنا
هُيام:- ا ا هُمَ گلولي روحي اله
صُهيب:- چا شبيچ خايفة شنو راح أكلچ انا اصلا مالي خلگچ روحي عني
هُيام:- لا مايخلوني
صُهيب:- شني مايخلونچ شو روحي مالي خلگ
هُيام:- الله عليك لا تطردني گالي كبيرهم اذا رجعتي اقتلچ
صُهيب:- كبيرنا؟ وانه شعليه
هُيام:- أرجوك
صُهيب:- اوووختي الچريمة شسويلچ
كلامها مصحوب بچي گوة أفهم منة بس بعض كلمات
:- أرجوك ساعدني راح اموت اني يردون يقتلوني
صُهيب:- منو يكتلچ؟
حطت ايدها على وجهها
:- كُلهم يردون يقتلوني
صُهيب:- اختي شو حچيلي من البداية لان ما افتهم اله تحچيلي شنو منو
هُيام:- راح أحچيلك كُلشي بس الله عليك ساعدني
صُهيب:- دحچي اول شي خاطر افكر
هُيام:-اني شاردة من اهلي
صُهيب:- غبية
هُيام:- بس خل اكمل الك
صُهيب:- المهم غبية كملي
هُيام:- اني شردت من اهلي لان اني حبيت شخص واهلي متشددين بس اني مچنت اعرف هُوَ يشتغل وياهُم وباعني لسيدهُم
صُهيب:- قبل كم يوم أجيتي هنا؟
هُيام:- 3 ايام
صُهيب:- زين يعني انتِ لان حبيتية هيچ سوين
هُيام:- من صدُگ غبية اني
صُهيب:- شمالچ انه عندي اهل واشرد منهُم
هُيام:- حتلو حتلووو مراح يتقبلون
صُهيب:- جربتي؟ خاطر يقبلون او لا؟
هُيام:- لا
صُهيب:- چا ليش سبقتي الاحداث وگبل رحتي تشردين
هُيام:- متندمة متندمةةة وربي احس نار بكلبي لان سويت هالشيي
صُهيب:- مايفيد ندم هسه
هُيام:- لعد شسوي
ضربتهة صفنة چان تعب غالب عليَ درت وجهي واحاول انام بس البچي مايخليني والافكار دوختني واحس راسي راح ينفجر
:- شنو طلبو منچ خاطر دازچ عليَ كبيرهُم ويكتلچ علمودة احچي وأساعدچ
درت على جهة مالتها چانت گاعدة بنهاية چرباية
التفتت الي مسحت دموعها
:-اوعدني ح‌ـ تساعدني
صُهيب:- والله أساعدچ بس احچي
گمت وگفت گبالها چان جسمها يرجف مسحت دموعها ملابس مفضوحة
بداخلي شهل لعبان نفس الحاطيني بية هسه
هُيام:- هذا الي يصيحولة كبير گلي أريدچ تحاولين سحبين منة كلام علمود هذا الكلام يفيدني والا اقتلچ مثل ما قتلتت الي قبلچ واني احاول انفذ بس ما أگدر ما اگدر
أنت تقرأ
فِي قَبضة الظُلم أبناء أدم
Romanceأفتقدُكُم أفتقدُكُم يا أُمي ويا أبي! لَم أكُن يَوماً مِن ألايام كَما ضَننتُمُ خَسرتهُم! واضعتهُم! يا تُرى؟ أين هُمَ؟ أين هَيَ أين هَوَ؟ هَل سَأجدهُم؟ أتتوقعين سأجدهُم يا أُمي؟ وألقاهُم كَـ لقائُنا المُعتاد أيام طُفولتُنا؟ هَل تَغيرُ؟ ألا ز...
