خذني يمَّك
گبُل لا يخلص صبُرنه
ويطفىٰ دم وجُوهنه وتِطلع صفر
خذني يمَّك
بعد ماظل كُل عذر لا تعتذر
خذني يمَّك
گبُل لا يم الصُفر ينحَط صُفر
- جبار رشيد
.
:- الخوف صار بية
نزع القمصلة مالتو وذبها
:- هذا دم زوج عمتي
خليت ايدي على گلبي:- شنو دم زوج عمتك؟
؛:- انا كتلتة بأيدي وگع من دمة على ملابسي
عفتو ودخلت للغرفة خايفة انُ تطُخ براسو يقتلني لميت رجلة. لصدري جسمي يرجف
ندكت الباب
:- هُيام اكلج جوه انا طالع
ما جاوبتو
ورة دقايق
ضرب الباب:- هُيام
فزيت من صفنتي اريد احاجي
فتح الباب
:- شسالفة يمعودة ليش مَ جاوبين؟
رفعت راسي فازة من دخوليتو
:- ها
:- شبيج؟
:- ما بية شي
:- خايفة مني؟
:- ها
:- احچي ولا تلفين ودورين احچي خايفة مني
:- انتَ ليش سويت هيچ
:- لان هوَ يتسحق
:- ماكوو شخص يستحق انُ ينقتل
:- بس هذا غير واحد طايح حظ وكلب وانتِ تعرفين شي وانا اعرف شي
:- حتلو
:- هُيام انا ما أقتل بدون سبب أو شي على الشخص
:- انتَ مُجرم
:- اي انا مُجرم وقاتل وتاجر مُخدرات واتعاطى همَ
:- وتفتخر بهالشي؟
:- لا
:- لعد ليش هيچ دا دگول بينك وبين نفسك شلون تگدر تنام مرتاح
:- منو گلج انا مرتاح منوو گلج انام وانا مالي غرض ها؟ كلشي اسوي انا افكر بية بس انا مجبور مو بيدي
:- انتَ بالغ وتعرف تتصرف مو بعدك صغير خاطر معذور
:- اي خلص انا بالغ واعرف شسوي
:- حتى لو مأذيك ما يحقلك تقتلهُم حتى لو كاسريك
:- كسرة خاطري چبيرة بس الله يعرفها
حسيت كلمتة مثل سچين وتجي على القلب احس عيوني نملت بالدموع بس كابرت علمود مَ تنزل
گعد بصفي صافن
:- هُيام محد حاس بالشي الي انا احسَ من كلشي مكسور
تجرأت ورفعت وايدي ومسحت على كتفو
:- الله يجبرك
:- والله مكسور اليوم وصلني أصعب خبر ممكن انُ اسمعة بحياتي بعد وفاة أمي وابوي
:- شنو هوَ؟
:- خواتي ماتن
نصدمت ومَ عرفت شنو احچي بس گتلو
:- كُلهن
هز راسة " لا"
:- بس اثنين اختي انا ترجم اختي اكيد اكو غير شي مُستحيل اسوي هيچ انا اعرف تربات ابوي وتربات امي ما عاشن هواي وياهم بس اتعلموا هواي
مسح عينو مبين انُ كان يبچي
:- وأختي الثانية مستشهده بالموصل
:- بالموصل!
:- اي ناقلين عمتي هناك وهيَ وابنائها مزوجات اخوان وعرفت القاتل بس صعبة
:- شنو صعبة
:- اكتلة
:- صدُگ تحچي
:- غير ابن عمتي صاير وية الدولة الخرائية
:- ياا وية داعش!
:- چا شني هالكلب ابن الكلب والله لو الزمه وحگ علي اله اشرب من دمة لو اگطعة وصلة وصلة مايرفلي جفن
:- ابن عمتك زوجها لو شنو؟
:- ابن عمتي رجل اختي الثانية الي
جر حسرة وكمل كلامو:- نرجمت
:- الله يساعدك ويرحمهُم يارب
:- امين
حزنت على حالتو شلون هالكد متحمل لو اني اموت من البجي بس هوَ يكابُر انُ مَ يبچي
:- تريد تبچي أبچي
باوعلي:- ما تستاهل الدنيا ابچي علمودها
:- بس اني احچي على اخواتك مو على الدنيا
جر حسرة وطلع باكيت الجگاير ويشرب منة وحده وره الُخ
:- كافي موزين
:- انا ارتاح هيچ
:- بس جسمك مايرتاح هيچ
:- مايهمني
صفنا ثنينا وماكو كلام من طرفين
:- لو بيدي شي تدرين شنو اسوي
:- شنو
:- ما أصير بهاي الدنيا اصلاً
:- ليش
:- انغسل حظي غسل بيها
:- تهون
:- شيهونها مدگليلي شنو الطريق الي يهونها احچيليا خاطر اروحلة لو بأخر الدنيا
:- مدام ضلت يم رب العالمين تهون مو بس هيَ حتى أمها
رجع سكوت بينا باوعلي بعيون تعبانة
:- هُيام
:- ها
:- أحبچ
ضليت ارمش بعيوني مو مستوعبة الي توة گالة
:- والله شبيچ أحبچ
:- بهالسرعة؟
:- مادري بس انا احبچ
:- شلون هيچ وما دار بينة كلام هواية خاطر تحبني
:- الحُب مو بالوقت الطويل او الحديث الهواية والسوالف بس انا احبچ لان ما أدري احس بيچ شي ما أگدر اعبر عنة
:- شنو؟
:- ما أدري
:- هذا مو حُب
:- رُغم انتِ سولفتي وياي شوية ورُغم گوة تحچين وياي وتجرين الحچاية جر يالله طلعينها وياي بس انا لگيت روحي أحبچ
دنگت ما أعرف شنو احچي او شي بس ايدة ترجف
لزم ايديه رفعت راسي اله بتوتر
:- احبچ واذا ما تحبيني ميخالف
:- ما أحس شي اتجاهك
صفن بعيوني:- براحتج.
طلع من الغرفة مصدومة من كلمتة متوترة ما اعرف على شنو
شنو مسرع لحك انُ يحبني واني مـَ صارلي هواية وياة بس اذكرت كلماتة من كال:- الحُب مو بالوقت الطويل
ضربت راسي نافية هاي الافكار:- لا لا لا شيلي هالافكار من عقلج شيليهن
صرات فترة وجهو ثكيل وياية ويطول برا ويخلي اكل هواية
:-صُهيب
:-ها.
:- ليش هيج تحجي وياية
:- ليش؟
:- وجهك ثكيل
:- هيچ تعبان من الشغل ومالي خلگ
:- انتَ زعلان مني؟
:- لا
:- لعد
:- بس گتلچ انُ انا مالي خلگ
:- مالك خلك من يوم گتلك ما أحس بمشاعر اتجاهك؟
:- لا كافي سدي الموضوع
:- صُهيب بس هاي مشاعري
:- خلص مشاعرج خليهن ألج شعلية بيچ تحبيني تكرهيني صار ما يهمني خوش
طلع وعافني دموعي تجمعت ونزلت من اسلوبة ليش هيچ
انهضمت حيل منة يومين بالبيت مُمل ماكو ايشي كأنُ موت بية حتى البزونة الي تزاوج صار مَ تجي اگعد ابچي لو الوم بنفسي او اي شي المُهم اطلع الي بگلبي
كنت دا ابچي لان وحدي بالبيت وصارلي هواية ووية صُهيب فترة طويلة وجوده خالي بالبيت مو حلوة احس سوالفو حلووة
نفتح الباب بصوت عالي فزيت من صوت فات صُهيب وجهو مابية لون ومتوتر صاح عليَ باستعجال
:- لمي ملابسج بسرعةةةةة
لميت شون مچان بجنطتو
:- بسرعةةةة
استعجلت امشي وراة
:- شكوو
:- جواد مات
مالحگت اسئلو صعدنا بسيارة يمشي بسرعة ما اعرف وين
ويخابر اسمعو يكول:- محمود عينك عليها
مترردة ان اسويهه بس تشجعت:- صُهيب
:- نعم
:- ا اني احبك
:- انا هم احبچ
احس خدودي حَـ ينفجرن
:- نتزوج؟
رفعت راسي بصدمة
:- شنهو
:- والله شبيچ نجيب جهال ونسويهُم ونسوي عائلة
:- صدُگ تحچي هسة مال زواج؟
:- لا رجاءً انا رجال اعرف الله ما اريد بالحرام عيب عليچ اختي ترديني بالحرام لا لا عيب وحرام
ضحكت:- لعد مو تريد نزوج شلون تگُلي أختي؟
:- ها مو هوَ اهم شي نوصل الفكرة يا اختي ياعزيزتي
:- ياا وشلون؟
:- العفو العفو من حظرتچ طبعاً
صفن ثواني وانفعل:- انعل ابوكُم يابو الجابكُم يا نعل يا كلاب اخخخ ربي عبادك والله ادبسزز
:- شنو شسالفة
:- خليها سكتة هذول الچلاب
:- انتَ قتلت جواد
:- لا مو اني هذول الچلاب سبقوني وما خلوني اكتلة كتلوة قبلي
:- شوف الله شكد يحبك وما خلاك تكتلة لان تدخل للنار
:- ديلا على اساس انا كلش بالجنة انا وين والجنة وين الجنة بعيدة
:- ليش الله مَ يخلي احد الله مو يگول ( وَٱللَّهُ يُرِيدُ أَن يَتُوبَ عَلَيۡكُمۡ وَيُرِيدُ ٱلَّذِينَ يَتَّبِعُونَ ٱلشَّهَوَٰتِ أَن تَمِيلُواْ مَيۡلًا عَظِيمٗا ٢٧)
:- والله مره انتِ معدلة
:- هههه
:- والله ماتستاهلين واحد مثلي
:- ليش انتَ شبيك ها؟ على الاغلاط الي نسويها ماكو احد اجه من بطن امه معصوم بس احنى لازم نتوب ونرجع والانسان يگدر أنُ يبدي من جديد
:- هُيام أدري بيچ هسة دگولين مسرع حبني بس انا ما ادري لكيت نفسي احبج
:- ابد ماتعرف تعبر عن الي بداخلك
:- ههههه اي والله ما اعرف بس اعرف شي واحد
:- وهوَ؟
:- حُبچ بداخلي ما تتخيلين من گلتي مشاعري شوية نكسرت بس من ابتعدت عنچ ماگدرت
الله عليچ گليلي احبك خلي أتأكد اذا صدگ
:- ما ما أريد أگول
:- عليج الله مو انا زوجكِ يا أوختاي
:- لا
:- جرحتيني عيب عليج
:- سوده عليَ
:- عادي يمعوده متعود صرت حتى ما أهتم
بين الحديث أتصل موبايلو
:- الو _ها محمود_ شنو انا شعلي
سد الموبايل يفرك بوجهو ما گدرت احچي وياة لانُ من شكلة مبين متنرفز وضايج ومتوتر كُلهن بنفس الوقت ملامح وجهو ماتتفسر
:- چانت ألي أيد بقتل جواد
:- شلون؟
:- انا مثل ميگولون الايد اليمنى لجواد الي مأمن بية واتقن الشغل وياة وأقرب اله بس انا ردت اكتلة بأيدي واتفقنة موعد انُ انا اكتلة لگيتهُم غادرين مغتالينة وكاتلينة لجواد ما ضجت انما حسيت براحة مو طبيعية بس ضجت لان انا ما كتلتة بأيدي بس يلا المُهم تخلصنة منة
:- هسة انتَ حَـ أدير الشغل؟
:- هههههه انا غير شردت انا واخذت فلوسهُم وهسة يدورون عليَ انا ومحمود
:- يُمة
:- دنعل أبوهُم لا ابو الجابهُم يكتلوني؟ خلي يكتلوني
:-اذا قتلوك اني شلون بية
:- انتِ مو دگولين الله مَ يخلي احد چا المن خايفة بعد
:- زين تاخذ بكلامي
:- كلامج محفور مو بس بدماغي بگلبي أحبچ هُيامي
سحب ايدي باسها
:- صح الوضع ما يساعد وهذا مطمور بالكبر ومحمود خايف عليَ من صفحة بس سمعي هاي تونس
گعد يدوس بالمُسجل يدورها اشتغلت الاغاني مصدومة شلون واحد يگدر انُ هيچ يشوف الموت بعيونة ولا مهتم بعد طريق طويل وصلت دخلت للبيت كانت بوجهي بنية مرعوبة حضنت صُهيب
:- شكو والله خايفه
:- ماكو شي حبيبي ماكو
اباوعلهُم من فوك ليجوة وخرت من حضنو وباوعتلي هالبنية همست بصووت خافت:- منو هاي؟
:- يُونان أعرفج خطيبتي
__________________________________
أنت تقرأ
فِي قَبضة الظُلم أبناء أدم
Romanceأفتقدُكُم أفتقدُكُم يا أُمي ويا أبي! لَم أكُن يَوماً مِن ألايام كَما ضَننتُمُ خَسرتهُم! واضعتهُم! يا تُرى؟ أين هُمَ؟ أين هَيَ أين هَوَ؟ هَل سَأجدهُم؟ أتتوقعين سأجدهُم يا أُمي؟ وألقاهُم كَـ لقائُنا المُعتاد أيام طُفولتُنا؟ هَل تَغيرُ؟ ألا ز...
