လရောင်အောက်မှာ တခဏတာခွင့်ပြုထားတဲ့
သုခဘုံ
ဗလာဖြစ်နေတဲ့ကိုယ့်ကိုဖြည့်ဆည်းပေးပါ
ငါ့လက်တွေကိုချုပ်နှောင်ထားတဲ့ ,criminal love
God, this night taste just like oooh oooh ooh..
criminal love
hours like minutes. အိပ်ပျော်နေတဲ့ကိုယ့်ရဲ့ရူးသွပ်ခြင်း
ဘယ်သူကမှမတားဆီးနိုင်တဲ့ criminal love..
.
.
အမှောင်ထုထဲမှာ မင်းကို ရှာဖွေနေမိတယ်
မင်းရဲ့အလင်းရောင်ထဲ ကိုယ့်ကိုနစ်ဝင်စေလိုက်ပါ။
မင်းရဲ့အပြုံးနဲ့အသံ မင်းရဲ့အရာရာအားလုံး
မင်းက ကိုယ့်ရဲ့ဘဝတစ်ခုလုံးပဲ
.
.
ကလေးရေ ကိုယ်တို့ဆီအပ်နှင်းထားတဲ့ညလေးက
တစ်ညတည်းပဲဖစ်နေခဲ့မယ်ဆိုရင်တောင်
မင်းဘာကိုအလိုရှိသလဲ ကိုယ့်ကိုပြောလိုက်ပါ...
( Criminal love - Enhypen)
.
.
ညသန်းခေါင်ယံ
တစ်စုံတစ်ယောက်က စူးစိုက်ကြည့်နေသည်ဟုခံစားရသောကြောင့် အိပ်ပျော်နေရင်းမှ အားယူကာ
မျက်လုံးကိုဖွင့်ကြည့်ဖို့ကြိုးစားလိုက်သည်။
သို့သော် ဆောနူး၏ကြိုးစားမှုမှာ အရာမထင်ပေ။
မျက်ခွံမှာ အလွန်လေးလံနေပြီး ဖွင့်မရချေ။
ပတ်ဝန်းကျင်မှာလည်း ခြောက်ခြားဖွယ်တိတ်ဆိတ်လျက်ရှိရာမှ ငှက်ဆိုးအော်သံတို့ကို တစ်ချက်တစ်ချက်ကြားနေရသည်။
ခန္ဓာကိုယ်တစ်ခုလုံးမှာလည်း အေးစက်ကာ လှုပ်ရှား၍မရနိုင်ဖြစ်နေသောကြောင့်ဆောနူးတဖြည်းဖြည်း
ထိတ်လန့်လာသည်။
ဒါက ဘာဖြစ်တာပါလိမ့်။
ထို့နောက် အနားကို တစ်စုံတစ်ယောက်ကပ်လာသည်ကိုခံစားလိုက်မိသည်နှင့်အတူ
ထိုတစ်စုံတစ်ယောက်မှာ ဆောနူးအိပ်ယာပေါ်သို့ဖြည်းညင်းစွာတက်လာသည်ကိုပါသိလိုက်သည်။
ထိုအချိန်ထိမျက်လုံးကအနည်းငယ်မျှဖွင့်မရပါချေ။
ဆောနူးအနားကိုကပ်လာသူထံမှ သာမာန်ထက်ပို၍အေးစက်မှုကိုခံစားနေရသည် ။
သရဲခြောက်ခံရတာများလား ဒါမှမဟုတ် အသက်ရှူကြပ်လို့ မပိတ်ဘဲထားထားသည့် ခေါင်းရင်းပြတင်းပေါက်ဆီမှလူဝင်လာတာများလား။
