في حضورها بيرتاح البال
يهدا الشوق القتال
يصحى خيال
بيخلي الدنيا شبه الأحلام
حلوة ، وسهلة ، ورايقة
بمجرد ما تشقشق ضحكتها
والحلوة معايا بفستانها
بسيطة في تفاصليها وحركاتها
ودا أجمل ما يميزها
دايما قدامي وحواليا
ساكنه كياني ومالية عينيا
هي الحلوة أم ضفيرة
صاحبة أجمل ضحكة خطيرة
لا شوفت قبلك حلويين
ولا بعدك شايف بني آدمين
تأثير حبك شكله كبير
وأنا واقع من آخر دور
وبقيت عاشق شبه العاشقين
كما قيس فحبه لليلى
بقيت في حبك أنا
مغرم أوي
مغرم لحد البلا.
بكتبلك غنوة وشايفك لحن
بكتبلك كلمة وبمسح ألف
دايما يشتاقلك قلبي وبيحن
بيتهوفن لو صحي م التاني
وشافك بالصدفه ف مره
هيموت م الصدمة وبالحسرة
على عمره الضايع دا بحاله
إنه مشافكيش
والنوته الموسيقيه بتاعته
معزفتكيش
والإرث الفني اللي يخصه
مع أسفه فقد كنز ثمين زيك
فقد تاج التشريف.
كل الأيام قبلك ضلمه
كل الأحلام كانت باهته
ووجودك نورلي الدنيا
وأحلامي الباهته بقت ماضي
والحلوة الآن صبحت حاضري.
لو زدت كمان هكتب مرجع
عن بحر الحب اللي ف قلبي
فأنا أسف رح هنهي قصيدتي
بدل ما أسرح وأصبح رغاي.
