كل اللي قال هبقى
دلوقتي اختفوا فجأة
والدنيا اهي ماشية
وأنت اللي واقف
الحزن بيضمك
والماضي بيطاردك
والوقت مبيمشيش
غير بس ف عينيك!
كل اللي قال هبقى
دلوقتي استغنا
وبقيت وحيد ف الدنيا
الحب عمره ما كانش كافي
عشان تفكر إن حد باقي
الغدر في قلوب البشر
من وقت ما الأخ أتغدر
من إيده أخوه..
من إيد أحب الناس إليه
وياريت الحب كان شفع
فعلى قد حبك هتلاقي الوجع
من ناس أقرب من خيالك.
إزاي يعيش الشخص عادي
وهو خايف
وهو مش عارف يحب
ودا حب عادي مش حب حب
وإزاي هيطمن لأي قلب
وإزاي يعيش مع وضع صعب
وإزاي هيتعافى ويرجع
من جديد إنسان.
