أحفاد الهواري يعشقون

الفصل الأول

كان يجلس على مكتبه ويرتدي عباءته : وه ... عاتجول اي عاد
ليعيد كلامه : انا عايز اتجوز زينب 
ليقف وهو يهدر : زينت بنت سنية الخدامة إياك 
ليومئ وهو ينظر لوالده الذي صاح : على جتتي يا حسين تتچوزها ... على آخر الزمن حسين ابن سليم الهواري كبير الهوارية كلاتهم يتچوز بنت سنية الخدامة 
ثم أكمل بغضب : هتتچوز نجية بت عمك علي ورچلك فوج رجبتك 
ليقول حسين : بس يا بابا.... لم يكمل ليقاطعه : مبسش عتعارض كلام ابوك اياك ... شكل العلام و جعدتك في مصر نستك الأصول 
ليقول حسين وهو ينظر في الأرض : العفو يا بابا .. بس الجواز مش كده المفروض أنا اللي أختار ..أنا اللي هتجوز 
ليقول سليم بتحسر : عليه العوض في ابنك الصغير يا سليم يا هواري ... غور من جدامي ... غور 
ليقول حسين : علشان يكون في علمك يا بابا أنا مش هتجوز غير زينب أنا بحبها ومش هتجوز نجية بنت عمي 
ليردف سليم : عتتحداني عاد يا ابن جليلة ... قسماً بالله العلي العظيم يا حسين ان اتچوزت زينب ما تدخل البيت الكبير تاني ... سامع 
ليقول حسين بغضب وهو يغادر المكتب ويذهب نحو زينب التي تنتظره بالصالون : مش عايز ادخله أنا هتجوز زينب واسيب لكم البيت بحاله .. ولا اقولك الصعيد بحالها 
ليتجمع إخوته على تلك الأصوات العالية 

ليقول ابنه الكبير عاصم : خير يا بوي .. صوتكم عالي جووي
ليقول سليم وهو يشير على ابنه حسين : تعالى يا عاصم اتفرچ اخوك المتعلم عيتچوز زينب بت سنية الخدامة 
لتشعر زينب بإحراج كبير ليقول عاصم : أهدى يا ابوي .. اهدي ... نزوة وبعدين عيرجع ... عارف حسين بيروح مكان ما الهوى يوديه ...وبعدين يرچع يستسمحك ..أهدى علشان جلبك ميتعبكش عاد 
ليقول حسين وهو يمسك يد زينب : هتشوف يا عاصم هتجوز زينب يعني هتجوزها ...مش هتجوز نجية 
ليقول علي : ماتشوف ولدك عاد يا سليم يا خوي ... شايف نفسه ابن المدارس .. بترفض نجية بتي بت الأكابر علشان بنت الخدامة 
لتقول زينب بحزن وهي تسحب يدها :سيبني يا حسين روح اتجوز بنت عمك اسمع مني وانا مش هزعل يا حسين .. لكن اكتر من كده إهانة انا مش هستحمل أنا ماشية 
ليمسك يدها مرة أخري : استني يا زينب أنا هروح معاكي مش حسيبك 
ليقول حازم وهو يمسكه : أصبر عاد يا حسين ابوك غضبان شوية وعيهدى ... روح استسمحه ... ابوك معيچوزك إلا للجلبك اختارها ... مش اكده يا بوي
ليصيح حسين : حازم اطلع من الموضوع ...اجعد جنب مرتك .. مرتك بتطلج (طلق الولادة ).. روح شوف ابنك اللي جاي ...بس ابجي ربيه علشان شكلي اكده ربيت تنين( اتنين ) ونسيت واحد 
قالها وهو ينظر لحسين 
ليقول حازم :يابوي ... ليقاطعه سليم : اطلع يا حازم عاد 
ليومئ حازم وهو يصعد الدرج وينظر لأخيه 
ليقول حسين وهو يسحب زينب : يلا يازينب
ليسيرا حتى كاد يتخطون الباب الداخلي لـ " البيت الكبير"
ليقول سليم : أن خطيت خطوة برة القصر ... معتدخله تاني 
ليكمل حسين طريقه ثم قال سليم : محروم من الورث يا  حسين .. واتبريت منك انت لا ولدي ولا أعرفك