مصيري

الأجزاء الأولى

🍃🥀مصـــيري 🍃🥀

💦🦋 Maraim Al Majehola🦋💦

👑❤فڪيف تڪف الـروح عن الـروح و الـروح في الـروح تقيم ❤👑

بارت 1

غادة او كتجري او كتشوف وراه يكما شي حد تابعها حتى تخبطات مع شي واحد طاحت هو وياه . مشاافتوش مزيان مع ظلام او ليييل . ناضت واقفة مخلوعة ليكون شي حد من هادوك

نزهى : ااي ااي الله الله

هي لي سمعات صوت مرآة او شبه معروف وقفات او مدات ليها يديها

***: سمحليا هىء هىء عاافك مقصدتش

نزهى (شدات فيديها او وقفات):  الله يابنيتي (شافت فيها ) مالك ابنيتي كتبكي

****: واالو

نزهى : واش ابتهال مالك احبيبة ديالي

ابتهال : مي نزهى (عنقاتها )

نزهى : مالك ابنيتي(بعداتها عليه ) هيييي امالك ابنيتي شكون قطع ليك حوايجك اناري شكون دار فيك هاد الحالة (كضرب جنابها ) شكون دار فيك هاد الحالة دوك اعداء الله

ابتهال : هىء هىء هىء غيتبعوني ياله هىء هىء نمشيو من هنا هىء هىء او نعاود ليك

نزهى (جبدات شال من حوايجها ): هاكي لوي عليك هدا بعدا

ابتهال قبطات من عندها شال لوات على صدرها او راسها . اما نزهة لي مصدومة من حالة ابتهال . ابتهال فحالة لي يرثى لها جسمها كامل اثار ضرب شعرها مشعكك او لاصق على وجهها او عنقها العرقانين . حوايجها لي مقطعين من جيهة صدرها او الفخض او فيها قمشات فوجهها او عنقها او كلها كترعد وجها حمر او عينيها حمرين باين فيها باكية بزااف

ابتهال (كتلفت ): ياله نمشيو عفاااك هىء هىء

نزهى (قبطات ليها فيديها ): ياله ابنيتي ياله

مشاو مسافة ديال طريق لي ماشي كتييرة . وصلو قدام واحد دار متكونة من جوج طوابق دار صغيرة على قد الحال . حلات نزهى لباب او دخلات جارا ابتهال  دخلات او سدات بزربة لباب ضارت عند ابتهال لي كان باين فيها الخوف

ابتهال : يكما تبعونا

نزهى : لا لا متبعوناش

نزهى مشات جابت ليها حوايج من عندها

نزهى : هاكي ابنتي دخلي دوشي او لبسي هادو بين ما يوجد العشا

ابتهال (عنقاتها ):  لهلا يخطيك عليا امي نزهى

بارت 2

ابتهال (عنقاتها ): لهلا يخطيك عليا امي نزهى

نزهى (تنهدات ): سيري ابنيتي الله يرضي عليك

مشات ابتهال دوشات او لبسات لحوايج لي جابت ليها نزهى اما نزهى وجدات العشا او عيطات ليها تعشى تعشاو او ناضت ابتهال غسلات لماعن او داراهم بلاصتهم