مصيري

الأجزاء الخامسة

🍃🥀مصـــيري 🍃🥀

💦🦋 Maraim Al Majehola🦋💦

👑❤فڪيف تڪف الـروح عن الـروح و الـروح في الـروح تقيم ❤👑

بارت 41

عماد : مراد صاحبي هي تزوجات او مشات مع راجلها او نتا كتعرف شحال عزيز عليا او ما نبغيش ليك الآذية

مراد : عارف نتا راك خويا لي ما ولداتوش ليا مي

عماد: إوا صافي أصاحبي نساها ربي مبغاش الاقيكم مكتابلك تعييش هكدا او ربي عارف لخير فين كاين . كون ربي بغاكم تزوجو كون زوووجكم سنين هادي ولكن نتا ولد ناس او عزيز على ربي مبغاش يآذيك او يلصقك مع ديك ختنا ربي كيبغيك أمراد منين بعد عليك هاديك البلاء

مراد شبه قتانع بهضرة صاحبو ولا نقولو خوه حسن . ولكن شي حاجة ديالو تحركات لداخل تفكر ديك نص ميترو لي كانت داخلة لعرس او ابتاسم بلا هواه ضرب على كتف عماد او وقف مراد عفط على قلبو او نطق

مراد : عندك الحق أخويا ربي كبير او مبغانيش لصق مع الميكروب . نوض ياله نمشيو او هي الله يسر ليها

عماد : هاااا هدا هو صاحبي لي كنعرف (وقف) ياله أعشيري

كل واحد قصد موطور أو كسيراو ديييركت الحومة دقائق كانو وصلو نزلو من فوق الماطر او بقاو جارينهم كتبان ليهم القاعة مزال عاااامرة او ناس مزال كينين او شطيح او رديح او غناء مسموع منين او منين غادين داخلين لدرب حيت دارو لقاعة برات درب حتى كيسمعو العياط

هي لي كانت لداخل كتشطح او كتحير حتى قبطها خالها قاليها تمشي عند دراري تكلمهم ليه . هي غير شافتهم كحلات بالعما . مشات كتخبط فرجليها او هزا قفطانها من لتحت صيقانها البويض كيبانو .

خولة : وااا واااماااليين الماااطر وااا العاااملة واااا سطاااات وااا قابيييلة ابووو عوووير

دراري غا سمعوها كتعيط وقفو . هي جات وقفات عليهم . عماد لي طلعها او نزلها من صبعها صغير لأخر صغبة فراسها

عماد : قابيلة أش

خولة (دارت يديها على خصرها ): قبيلة أبي عوير

مراد لي ضور راسو حابس ضحكة من منضرها هي كانت صغيورة مقارنة بيهم او من فوق كتعاير

مراد : مخفتيش نهرس ليك فمك

خولة : هاااي هااااي قالك نخااف الخوف من الله سبحانه وتعالى إما البشار فراه بحالنا من طين

مراد : و نعمة بالله .

عماد : أش بغا أقابيلة ابي قزوم

خولة : كيييفاااش دبا أنا كتقول عليا قصيرة إوااا حااشك أنا راه فيا ميترو او ستين .

بارت 42

عماد : لا لا تبارك الله طويلة . نتي دوي خلينا نمشيو نقضيو أغراضنا