مصيري

الأجزاء السابعة

🍃🥀مصـــيري 🍃🥀

💦🦋 Maraim Al Majehola🦋💦

👑❤فڪيف تڪف الـروح عن الـروح و الـروح في الـروح تقيم ❤👑

بارت 61

إبتهال : للأسف أه كانو بغيين غا يتهناو مني

عمران لي حس بيها تجرحات من كلامو او عجبوو لحال

عمران : أو جاو لصقوك فيا

إبتهال لي غمضات عويناتها ألم إيديها مشا مبقاتش كتحس بيه و لكن ألم قلبها زاااد او زااااد كتر زيرات على يدياتها

عمران : اممم متقبلتيش كلامي (بتاسم جنب ) معجبكش كلامي هاا والديك مبغاوكش او جاو لصقوك فيا هادشي لي كاين شكون قال كيكرهوك ولا نتي مجرد غلطة اممم ولا لي ولداتك غلطات مع شي واحد هااا كولشيي ممكن ههه او شكون قال نتي لي غالطة مع شي حد او جابوك لصقوك فيا باش متشوحيش دوي (عصباااااتو بسكاتها ) كككننندددوويي معااااك ددوويي

إبتهال : عندك الحق تقول فيا لي عجبك حيث انا كنبقا غا بنت لي بززك عليها

عمران : أو منين عارفة راسك علاش وافقتي علاش رضيتي او نتي عارفة اتعيشي معايا أسوء أيام حياتك

إبتهال لي سكتات هي معرفاش شخصيتو ولا كيف تعامل معاه هي بغا غا سلاك او تعيش مرتاحة

عمران حيد من طريقها او هي طلعات. لبيتها هزا غممممت فقلبها بغا غا تبكي او تموت صافي . أما هو فكان شبه مرتاح من هادشي لي دار فحال شفا غليلو (درتي طايلة يعطيك الويل ) او كلس كيفطر او هو موعد ليها بعداب ادوز اسوء شهورة فحياتها ايلعب على نفسيتها مزيااان

عمران : بقيتي فيا الغزالة ولكن (بتاسم ) تستاهلي

عمران لي فطر على خاطر خاطرو او هز بيسي ديالو او خرج لجردة او هو أكتر من مرتاح ( أنا تبريت من هاد الولد ) . أما عند إبتهال لي طلعات لبيتها او سداتو عليها او كلسات كتبكي كتحس بجناوة فقلبها داكشي لي عاشت ماشي قليل أو كيزيد عليها هاد راجل لي تزوجات بيه باش ترتاح حتى كتلقاه كتتتتر من عائلتها . بقات كتبكي او كتخنصص او كتشدها الخنقة كتحاول تحبس البكية او كترجع عاوتاني تبكي حتى تخنق او كترجع تحاول تقاد تنفسها شداتها الحالة 3 ديال المرات عينيها حماااارو نقطة دم او وجهها رجع حمممممر ناضت غسلات وجهها او خرجات من بيتها نازلة تجمع طابلة لفطور او تقاد ليه الغدا . هبطات لتحت مكيبانش ليها حمدات ربي او جمعات طبلة بزز عليها او غسلات لماعن او إيديها غا مكتزيد ضرها كتتتتر او كتتتر او ردات لغدا يطيب او جمعات ديك الكليسة لي تماك طفات على الغدا او حطاتو فوق طابلة او رجعات طالعة لبيتها حتى كيتم داخل سي سيد . هو لي كان خدام فالبيسي حتى كتبان فزاجة برا كضور فدار او حلف ينكدها عليها او جمع قشاوشو او دخل

عمران : ما عندك نفس داكشي كللل لدرت ليك قبيلة او مزال مقادة ليا لغدا

إبتهال لي مدواتش بقات وقفة بلاصتها بلا كلمة بلا زوج. أما هو لي كان واقف كيشوف فيها او مبرد على راسو متعصب ما واااالو هي لي ضارت عندو بشويا شافت فيه كيف واقف  او بتاسمات او طلعات خلاتو مستغرب من ردت فعلها