مصيري

الأجزاء 11

🍃🥀مصـــيري 🍃🥀

💦🦋 Maraim Al Majehola🦋💦

🌹👑 عــلـــى ضــــفــاف الـآمـــل ســـتـنـبـــت زهـــــور الــســــعادة يـــــــومــــــا مـــــا 🌹👑

بارت 101

عمران : ما يكون غا خاطرك

رضوى ( عنقاتو ): الله يرضي عليك أولدي (بقات مرتبكة )

عمران : أنا نمشي نجيبها او رجع

رضوى ( بتاسمات ): واخا الله يرضي عليك اتجو تلقاو الغدا مجود

عمران : واخا الوليدة

هو لي خرج ركب فلوطو او مشا قاصد دارو اما رضوى لي كانت شويا طير بالفرحة على الاقل ايبقاو قدام عينيها او اطمأن عليها او ما غتخليهش يقرب لجيهتها

فــــمــڪــان آخـــــــࢪ __________________

عند إبتهال لي كانت فالكوزينة كتفكر أش دير الغدا لابسة قبية حد ركبة او صقانها عريانين بحكم أنها كينة راسها فدار او جامعة شعرها كعكة مهملة مبينا ليها ملامح وجهها هزات قرعة الحليب خوات شويا فواحد طاسة او ضارت خارجة غادة عند القط (عرفتوه ولا لا ؟؟؟) وصلات حدا الباب دارت يديها على لبواني او هي كتشوف فلحيب بان ليها فحال فيه شي حاجة حلات لباب او بقات واقفة كتأكد . هو لي كان وصل دخل لوطو ديالو او مشا باش يدخل وصل قدام الباب ياله بغا يدير يديه على لبواني او هو يتفتح حتى كتبان ليه واقفة قدامو لابسة ديك القبية لي فالكري او صيكانها البيوض كيبريو او حادرة راسها كيبان غا شعرها الأسود او قابطة طاسة فيديها كتشوف فيها بقات شويا كتشوف فيها او خطات حتى هب ضربات معاه او خوات عليه او عليها الحليب معرفاتش شكون هزات راسها بزربة غا شافتو رعدة قبطاتها . هو لي بقا واقف هكاك كيتمعن فملامحها او حركاتها او الخوف لي بان على وجهها . هي مبقات عرفات ادير لبكية قبطاتها خافتو ليضربها ولا يغوت عليها زيرات على يديها او غمضات عويناتها

إبتهال : سمحليا ما قصدتش

عمران : موقع والو . جمعي حوايجك أو بدلي
بارت 102

إبتهال (بقات مترددت عاد نطقات ): ع علاش ؟؟!

عمران لي كان كيشوف فيها او متبع حركاتها

عمران : أنمسكنو مع الواليدة

إبتهال لي حركات راسها او رجعات لكوزينة هو لي تبعها بعينيه حتى مشات او مشا قاصد بيتو هي رجعات كبات الحليب او طلات عليه برويسها مبانش ليها او خرجات بزربة ضارت ورى دار او مشات قاصدة واحد الكارتونة كانت قاداتها او مزوقاها مشات تماك هو يخرج عندها واحد القط بيض او فيه نقط بالبيج كان صغيور حطات قدامو لحليب لقط لي شافها بقا كيتحاك مع رجليها غير حطات ليه الحليب او مشا كيشرب منو هي كلسات على ركابيها كتلعب ليه ف فالفروة ديالو