🌿ပျောက်ဆုံးနေသော ချစ်ခြင်းတရား🌿(enemy to lover❤️)

episode~1 uni & zawgyi

*unicode*
🌿ပျောက်ဆုံးနေသော ချစ်ခြင်းတရား🌿
  (Enemy to lover❤️)

Episode~1

🌺🌺🌺🌺🌺🌺🌺🌺🌺

..... private school

" နင် ထပ်ပြီးအနိုင်ကျင့်ပြန်ပြီလား ရှင်းရနံ့ခြယ်... "

  ကျောင်းအုပ်ရဲ့ စိတ်တိုနေတဲ့ပုံနဲ့ မေးနေတဲ့ မေးခွန်းကို ခြယ်မဖြေချင်တာမို့ နှုတ်ပိတ်သာနေနေလိုက်သည်။ ထိုအခါ ဒုန်းး ကနဲ စားပွဲခုံကိုရိုက်လိုက်သံနဲ့အတူ ခြယ့်ကို စေ့စေ့ကြည့်ကာ ဒေါသသံစွတ်နေတဲ့အသံနဲ့ထပ်ပြောလာလေသည်။

" ငါ မေးတာဖြေစမ်း... "

" ဟင်းး.. တီချယ်ကြီး... တီချယ်ကြီးကလေ သမီးသူ့ကို အနိုင်ကျင့်မိပါတယ်လို့ ဖြေစေချင်နေတာမလား... တီချယ်ကြီးက သမီးဘက်ကိုဘယ်တော့မှမစဥ်းစားပေးဘဲ တစ်ဖက်တည်းကိုပဲ ကြည့်တယ်နော်... "

   ငိုယိုပြနေတဲ့ ရွှေယမုံဖူးရဲ့ဘက်ကို တစ်ချက်စွေကြည့်ပြီး ပြောလိုက်တဲ့ ခြယ်ရဲ့ ခနဲ့တဲ့တဲ့စကားကြောင့် တီချယ်ကြီး ပိုစိတ်တိုသွားပုံရသည်။

" မဆိုင်တာတွေ မပြောနေနဲ့ ရှင်းရနံ့ခြယ်.. အရင်လိုပဲ ဒီကိစ္စမှာလဲ နင်မမှားဘူးလို့ ငြင်းချင်သေးတာမလား... ခု ရွှေယမုံဖူးနဲ့ဖြစ်တဲ့ကိစ္စမှာ နင်ဘက်က စတယ်ဆိုတာ တစ်တန်းလုံးလဲ သက်သေခံပြီးသား.. နင် ဘာငြင်းချင်သေးလဲ.. "

ကျစ်... လာပြန်ပြီ ဒီတစ်တန်းလုံးဆိုတာ..... အဲ့တစ်တန်းလုံးမှာ ခြယ်နဲ့တည့်တဲ့လူဆိုတာမရှိဘဲ မနာလိုနေတဲ့သူတွေကြီးပဲရှိတယ်ဆိုတာ တီချယ်ကြီး မေ့နေပြန်တာလားမသိ... ဒီကိစ္စမှာလဲ ခြယ့်ဘက်ကစတာမဟုတ်ဘဲ ရွှေယမုံဖူးက အရင်စတယ်ဆိုတာတော့ မမြင်ကြဘူး... အင်းလေ ဘယ်မြင်ပါ့မလဲ.. ဒီလောက် မြင်မကောင်းအောင် ပန်းနုသွေးနေတာကြီး...

   တကယ်ဆို ရွှေယမုံဖူးက ခြယ့်အကြောင်းကို ခနဲ့သလိုလိုနဲ့စလာပြောတာလေ... ပြီးတော့ သူ့ပါးစပ်ကပဲ ရှင်းရနံ့ခြယ်က မောက်မာတယ်... အရာရာ ငွေနဲ့ပဲဖြေရှင်းချင်တာဆိုပြီး လိုက်ကုန်းချောထားတာ... ဒါတွေကို ခြယ် ပြောပြတော့လဲ ခြယ့်ပဲလာဆူတယ်... ခုလဲ သူက သနားစရာကောင်းအောင် ငိုပြယိုပြနေတော့ မာကျောနေတဲ့ ရှင်းရနံ့ခြယ်တို့ကပဲ warningအပေးခံရပြန်တာပေါ့...