*unicode*
🌿ပျောက်ဆုံးနေသော ချစ်ခြင်းတရား🌿
(Enemy to lover❤️)
Episode~3
🌸🌸🌸🌸🌸🌸🌸🌸🌸
ခုတလော လွန်းသီရိက ခန့်အနားလာကပ်နေတာမို့ ခန့် စိတ်ရှုပ်နေရသည်။ အရင်က တစ်ခါမှမကပ်တဲ့လာက ထူးထူးဆန်းဆန်းလာကပ်နေတာကို... ဒါကို ဟိုကောင်တွေက ဘုမသိဘမသိနဲ့ အောင်သွယ်ပေးနေသေးသည်။ အခုလည်း စကားတွေ လာပြောနေပြန်သည်။
" ခန့်ရေ... နင် ရှင်းရနံ့ခြယ်အကြောင်း သိပြီးပြီလား... "
" ဘာကိုလဲ... "
" အဲ့တစ်ယောက်ကလေ ငွေသုံးပြီး အဆင့် ၁ရအောင်လုပ်ထားတာလို့ ငါကြားလာတယ်... "
" ထင်သားပဲ... အဲ့လိုပဲလုပ်မယ်လို့... "
ခန့် ရှင်းရနံ့ခြယ်ရှိတဲ့ဘက်ကို မျက်လုံးတစ်ချက်ဝေ့ကာ ကြည့်လိုက်ပြီး ပြောလိုက်သည်။ တကယ် ငွေရှိတိုင်း အရာရာလုပ်နေတဲ့မိန်းကလေးမို့ တစ်စက်မှကိုအထင်မကြီးတာ...
" ပြီးတော့ သူ့အရင်ကျောင်းကနေ ပြောင်းလာရတာက မကောင်းတာလုပ်နေလို့ ပြောင်းလာရတာတဲ့... ငါ့အစ်မဝမ်းကွဲက အဲ့ကျောင်းမှာတက်တာလေ... သူနဲ့တစ်တန်းထဲပဲ... ငါ့အစ်မပြောတာတော့ သူက အုပ်စုဖွဲ့ပြီး အနိုင်ကျင့်တာတဲ့... ငါ့အစ်မကိုတောင် လုပ်သေးတယ်တဲ့.... "
" ဒါဆို ဘာအကြောင်းနဲ့ပြောင်းလာတာတဲ့လဲ... "
" အုပ်စုလိုက် မကောင်းတာလုပ်တာ ကျောင်းအုပ်မိသွားလို့ ထုတ်လိုက်တာတဲ့... အဲ့တာနဲ့ သူတို့လူတွေလဲ ကွဲကုန်တာပေါ့... ဟင်းးးး.... လူချမ်းသာသားသမီးဆိုတော့လဲ ဆိုးချင်တိုင်းဆိုးတာပေါ့... အနောက်က လိုက်ပြီးရှင်းပေးမယ့်သူရှိတာကို... "
လွန်းသီရိပြောတာတွေ နားထောင်ပြီးနောက်ပိုင်း ရှင်းရနံ့ခြယ်ကို တော်တော်အမြင်မကြည်ဖြစ်လာရသည်။ ဟိုဘက်ကျောင်းမှာ ဘာမှလုပ်မရတော့လို့ ဒီဘက်ကျောင်းကူးပြီး ဆိုးသွမ်းချင်တယ်ပေါ့...
" ပြီးတော့လေ သူက ယောကျာ်းလေးတွေကို ဆတ်ဆတ်အထိမခံပုံစံနဲ့ နည်းနည်းပရောပရည်လုပ်တတ်တယ်တဲ့... နင့်ကိုရော လုပ်သွားပြီလား ခန့်... "
YOU ARE READING
🌿ပျောက်ဆုံးနေသော ချစ်ခြင်းတရား🌿(enemy to lover❤️)
Romansaဘေးလူတွေရဲ့ မနာလိုကြံစည်မှုတွေကြောင့် နှစ်ယောက်သား အချင်းချင်းမုန်းတီးနေကြပေမယ့် ကံတရားရဲ့အလိုအရ လက်ဆက်ဖို့ဖြစ်လာခဲ့ပါတယ်.. ပွေရှုပ်တဲ့ ဘုန်းရှိန်ခန့်နဲ့ တည်ငြိမ်ပြီးရင့်ကျက်တဲ့ ရှင်းရနံ့ခြယ်တို့ အကျင့်တွေကဆန့်ကျင်ဘက်ဖြစ်နေတော့ ချစ်လာနိုင်မလား.. ဒါမ...
