سمع مصعب الصوت اللي ناداه بس تأخر التفت وشاف نور سيارة ع وجهه ما كان له حيلة غير انه يغمض
صوت ريتاج اللي دوى ف المكان وشهقة غادة وميهاف أما مصعب فتح عينه شوية وشاف السيارة واقفة وما يفصل بينهم الا شعرة جلس ع الأرض وضحك كان متوقع انها نهايته نزل صاحب السيارة واعتذر لأنه مشى ف طريق المشاة وراح وريتاج بكت وهي تحضنه حس بالإحراج من الانظار اللي كانت عليهم
مصعب بصوت خافت : ريتاج خلاص مافيني شي
مسحت دموعها وقالت الحمد لله
نزلوا عادة و ميهاف لعنده سريع
مصعب : الله يفضحكم مو بنص الشارع وبعدين وش ذا الصوت كله يا ميهاف م تستحين أنتِ
ميهاف بنص عين : اقول قم انقلع الشرهة علي جتني أم الركب وشوي واردفت الحمد لله ع السلااااااامة متى رجعتوا ههههههههه
ريتاج ضحكت وهي تمسح بقية دموعها : تونا راجعين وكنا رايحين لسيارة مصعب
غادة ضربتها من كتفها وهي تضحك : يا أم دمييييعة أنتِ كل ذا حب لولد عمي
ريتاج انصبغ وجها بكل لون يخطر ع بالكم
ضحك مصعب وقال : اقلعي أنتِ وهي
ركبوا مع معصب وخلوا ذاك السواق
نروح عند طلال اللي لنا كثير منه كان طلال فوق مكتبه يوقع ع أوراق ع دخول أصيل وفلك
اصيل : السلام عليكم
طلال وقف : أهلًا أهلًا وعليكم السلام تلوا عسى م شر
اصيل : ما غير كنا مارين قلنا نسلم عليك
فلك كانت تحس بقلبها بيخرج حتى ما كلف نفسه ينظر لها نظرة
بقوا ع هذا الحال لين راحوا
أو م طلعوا من الباب تنهد طلال :
سقى الله يوم القلب خالي واحنا صغار
مانـدري عـن الدنـــيا ونــجهل بلاويــها
أما فلك رجعت البيت وارتمت ع السرير وبكت بكت لين نامت
اصيل راح لغرفة نواف
نواف كان مستلقي ع سريره ويلعب بالجوال
اصيل : اليوم مريت ع طلال
نواف اعتدل : كيفهم وكيف حالهم
أصيل : والله ماشي حالهم والكل هالك نفسه بالعمل
نواف : الحمد لله بقى لنا بيت أمي والا كنا مثل حالهم ... المهم يخوي ما تكلمتوا عن خطبتك؟
اصيل شد شعر راسه : شكلها كارهتني و مستحيل تقبل
نواف سرح وقال : أما انا ماعاد عندي وجه حتى أقابلهم ع سواد افعالي
اصيل انسدح : تستاهل أنت جبتها لنفسك
دخلت ميهاف البيت وبراسها مية فكرة : السلاااام علييكم
دلال أخذت شنطتها : يا هلا والله
ميهاف خذت الشنطة : لا والله يا خالة باخذها أنا
دلال : عيب عليك يا يمه
ميهاف : عيب عليا إن خليتك تشيلينها
دخل ابو ميهاف بتعب : السلام عليكم
ركضت ميهاف لحضنه : وعليكم السلام ارحب يبه
ابو ميهاف : كيفك يا ميهاف
ميهاف : والله اني ف خير دامكم بخير
وسط الغداء
ميهاف : يبه
ابو ميهاف : سمي
ميهاف : سم الله عدوك ... يبه المزرعة عادها من حلالنا؟
أبو ميهاف سكت واردف بابتسامة : اي والله من حلالنا كيف م فكرنا (ترك الأكل اللي بيده ووقف يبوس راسها) : أنا رايحٍ لأبوي
ضحكت دلال : اقعد يا ولد الحلال خلص أكلك وبعدين روح
أبو ميهاف طلع من البيت : مع السلامة
ضحكوا دلال وميهاف
أنت تقرأ
م اتعدى الحدود بس إذا الموضوع يخصك يسموني كاسر السلاسل
Randomتحكي روايتي عن عائلة كبيرة متماسكة لكن بسبب غلطة ماضِ انذكرت ف الحاضر تغير وضع هذه العائلة أتمنى أن تستمتعوا بروايتي وتعيشوا أحداثها ووتوقعوا أحداثها (أحترم النقد البناء) وأود قراءة آرائكم بشدة ♡
