جاء العصر والعايلة كلها اجتمعت ببيت علاء بس تأخروا ميهاف وغادة
أفراح : ي ويلي وينهم وين اراضيهم مو من عادتهم
ابتسم الجد ع حنية افراح ولاحظته سلمى
سلمى بنص عين : تراها بنيتي ي أفراح أنا اللي اخاف م مو أنتِ لا تحاولي تلفتي الانتباه
عقد مراد حواجبه باستنكار من تصرفها : سلمى ترى كلنا عايلة واحدة وش له هالكلام
خزته سلمى وسكتت
بالمول
ميهاف : غادة وش نسوي تعبت رجولي وذا ما وقف يلاحقنا أبا ارجع البيت
غادة عضت شفتها وقالت : مو بيدي لو ع كذا كان وصلنا البيت من زمان بس ذا المطنوخ ما ابغاه يلحقنا
ميهاف خذت نفس وهم لهم ساعة يحوسون ع المولات بدون م ياخذون شي وحاولوا يضيعوا بس م قدروا
غادة وصلت معها وعصبت ووقفت ولفت
غادة : خير ي المطنوخ المشبوب اللي بلا ارض ولا قاع
كتم ضحكته ع الفاظها وقال: عفواً تكلميني؟
غادة غمضت عينها وقالت ببرود : لا أنت مين كلمك؟
عقد حواجبه وهو متأكد أنها تكلمه لف وراه وماشاف حد : ماهو الفراغ اللي لاحقك أنا أنا
توسعت عيونها وضحكت بسخريه وقالت: الاعتراف بالذنب فضيله
ابتسم وم علق
غادة قالت : وش تبغى خلصني رجولي ماعاد تشيلني
ضحك بقوة وقال : روحي البيت مين ماسكك؟
تقدمت غادة وتوتر الولد : تصدق يالأخو وجهك مو غريب علي
عرق جبينه من قربها وحط اصبعه بجبينها وبعدها شوي وقال: مشبهه بس
غادة استحت ع وجهها لما ركزت كيف قربت بعدت خطوتين وقالت بجدية: خلصني وش تبغى؟
تنحنح وقال: بنت الصقر؟؟؟
غادة بفخر واستغراب : ايوا ليش؟
قال: قولي لليال علي يسلم عليك .... وراح
غادة استغربت وخافت ع أختها وانصدمت لما ذكرت حبيب ليال القديم اللي ماحد يعرفه غيرها هي وميهاف
ميهاف بردت اطرافها وقالت : ذا علي حبيب لللل..يياال؟؟
اخذت نفس غادة وقالت : ايه
ميهاف : بتوصلي لها سلامه؟
غادة : مجنونة إنتِ؟؟؟؟
تنهدت ميهاف وشافت عاشر اتصال من مهند
غادة : ردي ردي وقولي له كان صامت
ميهاف : واذا سألني ليش أنتِ كمان م تردين؟
غادة: صرفي السالفة
ميهاف : هلا مهند
مهند: ميهاف ي بنت الحلال وينكم
الجد: ردوا ي جماعة ردوا
ركز طلال ف ملامح مهند عشان يشوف اذا في شي شين والا لا
ميهاف: لا تخافون فرفرنا مع خوياتنا بالمولات ونسيت م اخبركم والجوال صامت اعذرني مهند
مهند ارتخت ملامحه وقال: طيب وغادة ليه م ترد؟
غادة بعدت شويه ونادت ميهاف: ميهاف الحقي الاكل وصل
كتمت ميهاف ضحكتها وقالت : شوي واكلمكم
مهند: طيب طيب
ميهاف : لا تحسبونا ع الغدى خويتي حالفة يمين تعزمنا
من قو الكذبة جلست غادة تضحك ع الأرض ووصل صوتها لمهند
مهند ابتسم بفشلة : فشلتنا فشلتنا
ضحكت ميهاف وقفلت منه
غادة وفيها الضحكة : وش له الكذبة ي غبية واحنا مطفرات مين بيغدينا الحين
ركزت ميهاف ع فعلتها وجلست جمب غادة تضحك : قلت لو قلت له كذا بيصدق اننا نفرفر مع البنات
غادة وقفت : قومي قومي مالنا الا نشحت
توسعت عيون ميهاف بصدمة : ووششششش
غادة ضحكت : امزح معاك ي بنت الحلال منجدك انتِ؟؟
ميهاف وقفت بضحكة : اي اشوى
سليم (الحفيد): من ابتسامتك واضح خير
مهند: قاعدين يحومون ولاهامهم والجوالات صامتة والحمد لله واضح من صوتهم مبسوطين
فراس: اجل قدموا الغدا حرام عليكم انا قاعد اسوي نفسي خايف عليهم وانا خايف ع معدتي تاكل نفسها
مهند ضحك : قم قم نقدمه لا بارك ف عدوك
ملاحظة: لما أكتب سليم معناها سليم بن مهند والجد انا اصلاً أكتبها الجد ونفس الشي مع العم مهند وعبد الرحمن والأحفاد مهند وعبد الرحمن والاعمام بكتبهم كالتالي: علاء ( أبو مصعب) ... مهند ( أبو سليم) ... عبد الرحمن( أبو مهند) .... مراد ( أبو ميهاف)
فوق الغدا
فارس: الحمد لله شبعت
ابو مهند: وين وين بدري توك م اكلت
فراس : تكفى ي عم تسكت ... وأنت قم قم أنا باكل عنك و م اعتقد تراك اخذت حقك وزيارة
هو كمل كلامه من هنا وجاته المخده من هنا
الجد : قل ماشاء الله لاهفك
فراس شرق باللقمة وقال : والله اح اح ... ي سويلم ... لاردها ااححح اححح ... لك
توسعت عيون ابو مصعب وكاتم الضحكة بالعافية ومسكه من ياقته : وش وش سويلم ي فراس م هقيت هذي تربيتي
كل اللي بالمقلط كاتمين الضحكة ع ردة فعل الجد اللي ما علق بس ملامحه كافية
انفجر عبد الرحمن (الحفيد) يضحك : ما خليت الشرقة تتهنى فيك كان تكملها وبعدين ترد حتى الشرقة م سلمت منك
بعض الناس يسموها شرغة** وهي اللي تغص باللقمة
ابو مهند: ماعليك منه ي سميي مجنون مجنون
فراس : ااااه كانوا يقولوا إن بيجي وقت وحتى الأهل بياعين وم صدقت بس اشوفه جا
ضحك المقلط كله حتى الجد
لاحظ فراس ان الجد قاعد يدور حوله ع العصا قام وكان بيهرب بس جات بظهره التفت وابتسم لجده بمكر وقال وهو يمسح ع وجهه باليد اللي فيها العصا واليد
الثانية يمسح مكان الضربة: هذا وجهي اذا عاد شفت عصاتك ي جد
سليم ووجهه صار احمر من الضحك : رح ي مسلم وانقلع ابغى اتغدا زي العالم
الجد : هاااات العصا لاقوم لك
جاه صوت فراس من مجلس الحريم : انا وعدتك اني اخبيها وبعدين ي جدي توك شباب م تحتاج عصا
العم مراد ويمسح دموعه من الضحك : تغدى يبه تغدى نحلها بعدين
بمجلس الحريم
ام ميهاف : وش مالك ي ام سليم تعبانة؟
ام سليم : لا ي خويتي مافيها الا نزلت برد وهبت
ام مصعب : خليني أقوم أسوي لك زنجبيل
ابتسمت لها أم سليم وام ميهاف لقتها فرصة تلحقها
ام ميهاف : حسبة ان معك عيال وأنا لا لا تفتخري كثير
عقدت حواجبها أم مصعب مستغربة وش دخل المواضيع ببعض: م فهمتك ي أم ميهاف
أم ميهاف : مو ضروري سوي للحرمة زنجبيل واخلصي خنقة من يكلمك
ابتسمت لها ام مصعب تسليك وبقلبها ليييش ام ميهاف تكرهها
بالمول
غادة : بروح احاسب وارجع وريني مافي جيبك
حطت ميهاف اللي معها من فلوس : ذي بس والله
غادة خرجت محفظتها وشافت اللي معاها : ترضين ي بنت الصقر تغسلين صحون
ميهاف بضحكة : مادامك معي أكيد برضى
غادة بابتسامة : لا تخافي المبلغ كافي
خرجوا من المول وحاولوا يوقفوا واحد صاحب تكسي بس الكل كان مستعجل و ما وقف لهم
غادة وحرقت شمس: ولما م ابغاهم يحسسوني بزفة حولي
ميهاف : صدقتي والله
وقف لهم صاحب تكسي والجوال باذنه والسيجارة باليد الثانية ويبغى يغير المسجل وحالته حاله
غادة : يالطيب وحدة وحدة
التفت لها ورفع حاجة : تبغون اوصلكم او لا؟
خزتها ميهاف تسكت وطلعوا التكسي
وف الطريق
تنحنح وقال : بنات الصقر
بردت اطرافهم وش في اليوم كل المخاليق يعرفوهم
غادة : وش مالهم؟
عقد حواجبه : اقصد هل انتوا بنات الصقر؟
تداركت ميهاف الموضوع : ي ليت والله ... حياتهم فخمة
التفتت لها غادة بنظرات استغراب رفعت ميهاف كتوفها بحيرة
نزلوا من التكسي وعطوه الفلوس ومشوا لحالهم عشان الحيطة اما صاحب التكسي لحقهم لين أمام البيت وابتسم : جيت ي الصقر والله جابك ارسل بجواله رساله وتم طريقه وهو يدندن
كان الكل مجتمعين بالمجلس من حريم ورجال عدا ليال قاعدة تكلم زوجها
الجد :ها وش قلتوا الاثنين ؟؟؟
وعد : لا جدي تكفى الاثنين معزومين عند صديقتنا
مصعب بحدة : لا مافي روحة توكم رايحين عند وحدة ومافي مناسبة لذي العزومة وجدي قالها الاثنين يعني الاثنين
ربى : مالي شغل مابروح الا مع وعد
مصعب : بسيطة ي ستي لا تروحين
جا اتصال لسليم من خطيبته وطلع يرد
سليم : هلا رتيل
رتيل : كيفك
سليم : زين م علي خلاف وانتِ؟
رتيل : زينة الحمد لله ... احم ابغى اطلب منك طلب؟
سليم : سمي
رتيل واستحت : باروح السوبر ماركت
سليم : لا لا اطلبي واجيب لعندك
عضت شفتها بخجل كيف تقول له : تكفى طلبتك ابي اطلع
تنهد : رتيل تراك م تحبي الاختلاط كيف بتطلعين؟
رتيل : خلاص ماعاد ابغى. وقفلت بوجهه
جلس سليم ع أول كنبة مهموم يلقاها من العمل والا من رتيل حط يده ع عيونه وكل مالها تنهيداته تكثر
ليال: سليم وش فيك
رفع يده من عيونه ورجعها : اهلين ي بنت العم
جلست قريب منه : وش مالك؟
سليم بعد يده واعتدل بجلسته : رتيل تبي تروح الماركت وهي م تحب الاختلاط تهقين تقابل واحد؟؟
ليال بصدمة : سليم منجدك انت عيب عليك م ينفع انا متأكدة انها تبي اشياء بناتيه ومستحيه منك
فهم عليها وضرب يده ع جبهته كيف ماجت بباله وقام مسرع : م اقصد شي وع العموم شكرا
ضحكت ليال : العفو
بالمجلس :
ابو مهند : خلاص تجهزون كل شي للإثنين ولنا لقاء
ع دخلة ميهاف و غادة
ميهاف : ليش وين رايحين؟
الجد بابتسامة : المزرعة
غادة جت ركض : اععععع ي حلوها من فكرة مين فكرته؟
ابو ميهاف بابتسامة : أنا ليش
غادة باست راسه : ي زينها من افكار دامك قايلها
جاء المغرب والرجال راحوا المسجد والبنات طلعوا يصلون
ليال : بنات تصدقون اليوم حسيت البيبي يتحرك
ضحكت ميهاف : وين يتحرك تراه م استوى
غادة : شوفي ي ام غادة بالشهر الرابع بيتحرك باقي شوي
ليال : لااا وييين والله م اسميها غادة بسميها حصة ع جدتي
غادة دمعت عيونها بس حاولت تخفيها : الله يرحمك ي جدتي وجات ف بالها الذكرى
كانت ببيت جدتها عشان قريب من مدرستها القديمة وكانت تذاكر بجد
الجدة حصة : جبت لك قوة عشان تصحصحي
غادة : تسلم ايدك ي جدة
شافتها الجدة كيف متوترة ومسكتها : ي غادة ي بنتي ما يحتاج ذا كله انا بأيامك كنت اشتغل وادرس وما توترت زيك وقعدك تقرى آيات لين نامت غادة ف حضنها ولمن وصل خبر موت الجدة كانت غادة اكثر انسانة مصدومة وكل م تنذكر الجدة دااييم تغرق عيونها دموع
صحت من الذكرى ع شدة ايد ميهاف لايدها
ميهاف : واذا ولد وش بتسمينه ؟
ليال بشوق : علي
توسعت عيونهم بصدمة
غادة : وش علي وربي لو تسمينه علي لاكلم ماجد
ليال: وش تكلمين ماجد مو انتِ اختي لييش توقفين مع الغريب ضدي
غادة : ما اوقف مع الغريب ضدك انا اوقف مع الحق ضد الباطل
ليال بصوت عالي : ششدخل شدخل تراك تعرفين اني مجبورة ع ماجد والا كان م طقيته خبر وللحين اكلم علي
غادة : تبين الصراحة انا مالي دخل فيك سوي اللي براسك طيب وطلعت من الغرفة
ميهاف ناظرت ليال بقهر : ترضين بالحرام وتبيعين الحلال ي حيف بس
يوم السبت يوم جديد ونبدء ب مصعب
مصعب ماهو براضي يطلع ويروح لعمله ماهو قادر يتحرك كل م يتذكر منظر اهل المريض لما عرفوا انه مات يحس هو السبب
ذكرى
مصعب بلع ريقه : البقاء براسك يمه
طاحت الام من طولها وصوت بكى بناتها يرن باذنه
ريتاج : ييمهه تكفين قومي راااح السند لا تروحي كمان
مصعب : ابعدي ي ختي بشيلها
ريتاج بنظرة حاده والدموع تملى عيونها : تخسي تقرب منها اذبحك والله كنت سبب بموت ابوي م بخليك تقتل أمي
صحى من الذكرى ع دقات الباب
ام مصعب دخلت وجلست جمبه بالسرير: وش مالك حبيبي ؟
حط راسه بحضنها وحكى لها كل شي
أم مصعب وهي تمسح ع شعره : إنا لله وإنا إليه راجعون ... الحين ي ابني كيف م تبي تروح المستشفى شوف حالك كيف؟؟ .. وانت مالك دخل بموت احد بس اذا تكاسلت عن عملك ومهنتك اللي تنقذ الناس من بعد الله فأنت هنا سبب ف موتهم الله سبحانه وتعالى مستحيل يضر احد بشي وكل شي خير ي ولدي كله خير
ارتاح شوي وحس باللي كان بيصير لو كان تكاسل بمهنته
قام وباس راسها : الله لا يحرمني منك
قامت بابتسامة وطلعت من الغرفة
صحيت ميهاف وفتحت الشباك وداعب النسيم خصلات شعرها ابتسمت بأريحيه لهذا الصباح وراحت تصلي وتغير ملابسها وتروح المدرسة
بالمعهد:
ذياب نايم ع الطاولة قبل م يفوت التيتشر
دخلت علياء وعطرها سابقها : good morning
ردوا باصوات متفاوته الا اللي براسها
جلست بالمقعد اللي جمبه
علياء : تراني قلت صباح الخير
ذياب بصوت ناعس : سمعت ماني اطرش
علياء بسخرية : اي مرررة
رفع راسه وهو متضايق : وش تبين أنتِ مني ؟؟
حطت اصبعها السبابة ع صدره وقالت بهمس : ابيييك
ناظرها باشمئزاز : ذا اللي كان ناقصني
رفعت حاجبها :انتظرتي ببيتك اليوم
توقعاتكم؟؟؟
واعذروني ع أي اخطاء إملائية🔥
وبتبدأ الاحداث تكثر تدريجياً من البارت three
أنت تقرأ
م اتعدى الحدود بس إذا الموضوع يخصك يسموني كاسر السلاسل
Acakتحكي روايتي عن عائلة كبيرة متماسكة لكن بسبب غلطة ماضِ انذكرت ف الحاضر تغير وضع هذه العائلة أتمنى أن تستمتعوا بروايتي وتعيشوا أحداثها ووتوقعوا أحداثها (أحترم النقد البناء) وأود قراءة آرائكم بشدة ♡
