صلي على النبي 💖
**********
هى ...بابا ارجوك انا مش عاوزه اتجوز عمر كله الا انى اتجوزه انا مش بطيقه انا مش بكره حد فى حياتى قده يا بابا ده انسان مغرور ارجوك يا بابا انا هعمل اى حاجه تطلبها منى الا جوازى من عمر .
الاب ..انتى تخرسى خالص الظاهر ان دلعى ليكى بوظك وجوازك من عمر هيتم غصب عنك برضاكى او غصب عنك انا مش هخسر اخويا وشغلى علشان تفاهه العيال بتاعتك دى
هى ..يا بابا ازاى اتجوز واحد مش بحبه ابدا يا بابا ده انا اول ما بشوفه بحس انى بتخنق ازاي أعيش معاه فى بيت واحد
الاب ..حب ايه وكلام فراغ اللى بتقوليه ده ابن عمك وانا من صغرك حجزك ليه ومعروف انك هتتجوزيه وهو جدد طلبه وانا وافقت ومش هرجع فى قرارى .
هى ....يا بابا ده كان واحنا صغيرين انما الزمن اتغير ودلوقتى مش زى زمان ازاى تجبرنى اتجوزه وانا مش بحبه
تدخل والدتها .
الام ..وهو عمر عيبه ايه ده كل بنت تتمنى تتجوزه ده كل بنات العيله هتموت عليه مال واخلاق وجمال وكمان مهندس قد الدنيا .
هى ...اى حد غيرى انا انا لا
الاب...بصى وده اخر كلام انا اخويا هيجى بكره نقرا الفاتحه وكمان هتقعدى وقسما بربى لو حد حس باى حاجه لهتشوفى ايام سودا وهتقعدى من الجامعه ومش هتروحى تانى نهائى .
هى ....يا ماما ارجوكى قولى لبابا حاجه انا بنتك .
الام ..وهو ابوكى مبيقولش حاجه غلط هو عايز مصلحتك وعمر انسان كويس جدا ومش هيجيلك احسن منه وكمان من لحمنا .
هى ...بقا كدا طيب اعملوا اللى انتوا عاوزينه ...وتركتهم وذهبت الى غرفتها .
بطلتنا هى رنا فتاه فى كليه السياسيه والاقتصاد ومتفوقه للغايه تكون الاولى على دفعتها كل عام وهى فى عامها الاخير فى الجامعه وتتميز بأخلاق عاليه ولم يكن لها من قبل علاقه مع اى شاب وعلاقتها بهم لا تتعدى حدود الزماله ولها صديقتين من الطفوله ومعها فى نفس الكليه هم هايدى وجيهان ويطلقون عليهم الثلاثى المرح هايدى بنت عمها واخت عمر العريس وجيهان ابنه عمتها وتعشقهم رنا الى حد كبير ولها شقيق واحد وهو احمد وهو فى الثانيه عشر من عمره ويعتبر رنا امه الثانيه ورنا تدلعه الى حد بعيد ولا ترفض له طلب نهائيا.
رنا فتاه لون عيونها اسود كحيل وشعرها اسود مثل الحرير يصل الى منتصف ظهرها ولها غمزتان فى خدودها رائعه الجمال وطابع حسن فى ذقنها يعطيها طابع خاص وخدودها دائما لونها احمر وفمها صغير يشبه الى حد بعيد القلب وتتميز دائما باللون الأحمر باختصار انها جميله إلى حد كبير فهى ذو جمال شرقى رائع تجذب كل من ينظر اليها هذا الى جانب حديثها الطفولى وبرائتها.
رنا ...انا ليه بيحصلى كده عمر ده انا مش بحبه محدش فى الدنيا بيطيقه اجى انا اتجوزه ده انسان معقد يارب خلصنى منه يارب انا مش عاوزه اتجوزه ابدا. ...ده اخر مره شفته كان هيضربنى .
فلاش باك ...
رنا بالجامعة هى وهايدى وجيهان يخرجون من الجامعه وينتظرون السائق لتوصيلهم .
رنا ...السواق اتاخر اووى
هايدى ...اه فعلا مع انى قلتله يجى فى الميعاد بتاع خروجنا
جيهان...انا تعبانه وجعانه حاسه ان ضغكى واطى.
رنا ...طي استنى هجبلك عصير من السوبر ماركت
وكانت تتحدث وهى تقطع الطريق وفجاءه سمعت صوته فرمله سياره وصوتها عالى جدا .
ونزل شاب فى عمر 30 من عمره يرتدى بدله باللون الكحلى وشعره اسود ناعم وعيونه عسليه وطويل القامه وواضح من شكله انه يمارس الرياضات العنيفه وخمرى البشره وحليق الذقن .نعم انه عمر .
عمر....انتى غبيه مش بتشوفى قدامك حد يمشى بضهره يا عاميه .
رنا...انا مخدتش بالى اسفه
عمر...بزعيق وانا اعمل ايه باسفك اصرفه منين فعلا غبيه
اقتربت جيهان وهايدى.
هايدى ...خلاص يا عمر محصلش حاجه الحمد لله.
جيهان. .خلاص بقى الحمد لله عدت على خير
عمر ...انتوا تخرسوا انتوا كمان عيال تافهه ومفيش اى ادراك بالمسؤلية.
رنا...انا اعتذرت خلاص بقى هو انت مصدقت .
عمر. ..انتى ليكى عين تتكلمى وقسما بالله لو ما كنا فى الشارع لكنت ربيتك .
رنا...انا.....
هايدى. ..خلاص يارنا ....ارجوكى.
سكتت رنا اكراما لهايدى ولانهم بالشارع.
عمر...اتفضلوا السواق مراته تعبانه وانا هوصلكم واخلصوا انا مش فاضى ليكم .
باك.....
يارب ازاى اعيش معاه وهو كده انا لازم اخلص منه باى طريقة
رنا بتفكير ...ايوه هى دى بس محتاجه مساعدة من هايدى وجيهان .
********
يتبع 💚
660 كلمه.
