بدايه الحب

part 2

دخلوا الطلاب للمحاضرات و خلصت اول محاضرتين طلعوا الطلاب كلهم و راحت نور و تبارك للكافتريا و طلبوا نسكافيه و كعدوا يحجون سوه

و احمد جان كاعد هوه و اصدقاءه بالميز اليمهم فنتبه عله نور و شكد حلوه و مبين عليها بنيه محترمه فبلبدايه كال خل اقشمر عليها مثل كل مره هيه اكيد مثل كل البنات و جان ضايج من كال هيج ...

تسريع الاحداث ...
ظل يراقبها شهر وين متروح يروح وراها فمره جانت بالمطعم هيه و تبارك فاجه عليهم كال

احمد:ممكن احجي وياج بموضوع عله انفراد ..

نور :لا مو ممكن اني ماعرفك اذا تريد تحجي فلازم تبارك يمي..

احمد :اوك بس اني اعرفج صارلي شهر مراقبج..

نور :و ليش دتراقبني..

احمد :لان معجب بيج و اذا ممكن هسه نصير اصدقاء و بالمستقبل يمكن تطور علاقتنه..

نور:لا اني المبادئ مالتي متسمحلي اصادق

احمد:زين بس جربيني..

نور:كلتلك لا لجلب و جرت تبارك و راحت

طبعا احمد ضاج كلش و هاي مو من عادته فهو جان اذا وحده مقبلت بي يعوفها و يروح ..

ظل احمد فتره مو عله طبيعته ..فساله ايمن

ايمن:احمد شبيك

احمد:رحت حجيت ويه وحده و رفضتني

ايمن :و اذا انته متعود

احمد:مو هيه تشبه سناء بكلشي و اني هل مره صدك اريدها كل ملشوفها كاني اشوف سناء كبالي

ايمن:حبيبي سناء ماتت عوفها امشي بحياتك انساها بعدين طول هاي السنين تنصب عل بنات هسه صرت زين..

احمد:ايمن عوفني لا هسه اموتك ضرب..

ايمن:سكتت سكتت ..

وره فتره رجع احمد و طلب من نور انو تقبل تصادقه بس مده تقبل..

ظل يحاول كل فتره يروح و متقبل و يضوج ..و فد مره هم رجع ديسالها بس اهنا صار شي ميتوقع..

يتبع