بدايه الحب

part 5

احمد:اي. والله شكلي هيج

ايمن :ههههههه شبيك خجلان..

احمد :لا مخجلان منو كلك ..دغير الموضوع....

ايمن:اي عيني خل نغيره عدنا واحد يخجل...

احمد:ايمن اسكت لا اموتك ضرب..

ايمن:اي سكتنه سكتنه يمه خفت..

احمد:مرح اردك لان ماريد اعكر مزاجي..

ايمن:ههههه ما عاش الي يعكر مزاجك...بس شوكت حتكول لابوك....

احمد:مادري يمكن اليوم .....

ايمن :خوش اني حروح للبيت باي ...

احمد :اي باي...

من رجع للبيت جانت امه محضره الغده فشافها فرصه يحجي ويه ابو...

احمد:احم...بابا...

الاب:ها..

احمد:اريد ازوج....

الاب غاص و هوه دياكل :شنو انته شنو دتكول...

احمد:اي بابا شكو بيها ...كل العالم ازوجت بقت عليه....

الاب:زين و شضمني انو مو مثل القبلها و القبلها بعدين انته طالب و هاي سنه اخيره لازم مترسب....

احمد:لا بابا تغيرت بعدين من اكمل ازوج...

الاب:و منو تعيسه الحظ...

احمد:البنيه الي حميتها من اجتها الرصاصه....

الاب:يعني فوك متمرضت من وراها و ردت تموت تريد تزوجها...

احمد:بابا شكو بيها اني ميت عليها لازم ازوجها...

الاب:هه و ليش لازم...

احمد:لان ماكدر اعيش من دونها لحظه وحده...و لو ازوجها لو اهرب اتي وياها...

الاب :يمه خفت هاي الباب توسع جمل..شوكت متريد اطلع..

احمد:بابا حزوجها و حتشوف.......

تسريع الاحداث ....

انتهت السنه الدراسيه و احمد تخرج و نور صارت بالثالث كليه....

وره فتره العصابه الي جانت تريد تكتل نور انتضرت لحد متخرج احمد حته بعد ما عدها معين يساعدها....

و اخذت معلومات عن احمد و عرفت انو هوه كلش غني ...

فد يوم جانت نور وحدها كاعده و تبارك جانت غايبه...ضاجت وحدها و راحت تمشي بالكراج مال سيارات الي بره الجامعه. لكت سياره حلوه لونها اسود و لاحضت اكو واحد بداخلها فحست انو احمد لان من تخرج جان كل خميس يجي للجامعه فراحت و صعدت بالسياره ...

راسا باوعت عل سايق و كالت

نور :هلو ا.ح..م...د انته منو وين احمد و هيه دتحجي خدروها...

طبعا نور اغمى عليها و اتصلو باحمد..من رقم نور..

احمد:الو نور شنو وينج اني بالجامعه منتضرج

احد افراد العصابه:الو انته احمد...

احمد:اي و منو انته و وين نور...

_نور عدنا و هسه هيه نايمه و اذا متجي جايب وياك عشرين مليون حتكون نومتها ابديه

احمد:زين وين الكيكم...

_تلكينا ببيت مهجور يم التقاطع..و لجيب احد وياك

احمد:زين انطينياها احجي وياها الو الو..

(احمد)

لمن كلولي نور يمنه معرفت شسوي فرحت للبنك و سحبت عشرين مليون و هاي بالنسبه لفلوسنه كلش شويه اصلا محد رح يحس بيها...
اخذت الفلوس و رحت للبيت و جان بيت مهجور و يخوف ...اتمنه انو نور مابيها شي
............................................................................................................
وره شويه اجوي اللصوص و لازمين بيدهم نور و جان مغمى عليها

_جبت الفلوس

احمد:اي هاك..

_عفيه شكلك تحبها ..

احمد:معليك انطينياها و اسكت...

_حنطيكياها بس غير نخلي بصمتنه ...

احمد:شنو قصدك......
يتبع