صهباء الضبع

الشضيه الثامنه

الكاتبه حناين🧡

تصويت وتعليق بين الفقرات لطفا

.....................

أريان::-قرروا اهلي زواج عابد وهج بعد اسبوع بسبب عابد الي خابصنه يريد يتزوج كاعدين العصر ايهاب كال حيجون اهل صديقه عرفت السالفه لان مسره كالتلي جايين ندك الباب طلع ايهاب وعابد دخلوا الولد اجت مسره حضنتني

مسره::-هلوو أريان شلونج مشتاقتلج

::-هلا حبيبتي انتي شلونج

::-الحمدلله بخير

سلمت على خاله ام مسره وكعدوا مسره اجت بصفي ونيران منا ثرت بينهم واردفت مسره

مسره::- اكلج وين نيران

نيران::-اني حبيبتي نيران ليش

::-والله وعرف يختار الحسن

::-عفوا منو الحسن

::-ابو كلده

::-هااا وشنو عرف يختار ليش هوه شكو

::-ولج خيه غير خابصنه من انخطفتي لليوم وهوه يمشي ويفكر بيج ويصيح اخطبولي حته من سوه حادث بالبنج يصيحح يمهه اخطبيلي

ضحكنه على سوالفه وشلون تقلد على اخوهه واردفت ام مسره

::-يمه ياهي منجن نيران

نيران::-اني خاله

::-اللهم صلي على محمد وال محمد عين الحاره بارده ييمه

ابتسمت وسويت نفسي خجلانه

::-تسلمين خاله

همست اريان
اريان::-منين طالعه الشمس اليوم نيران تخجل معقوله

نيران بهمس::-نجبي اريان خليني ابيع اشكاليات ماريد اتعارك

ام مسره::-خيه اني ابني هاوي بنتكم وجايين نخطبه اله على سنه الله ورسوله

ام صائب::-والله خيه بيه الخير وين نلكه احسن من ابنكم رجعلنه بنيتنه وساعده

ام مسره::-واجبه هذا حبيبه

ام صائب::-بس القرار الاول والاخير لبنيتنه هاا يمه موافقه

باوعت على نيران عيونه صارن بكصته بس متكدر تحجي لان عيب لزمته من ايده واشرته بعدين

نيران::-خاله جيتكم على عيني وراسي بس اريد افكر

ام مسره::-اخذي وقتج بنيتي حبيبه

طلعوا ورحنه اني ونيران وراهم وشفته هم جاي وياه ثنين واحد مبين علي ضابط والثاني شخصيه واسمر ولحيته بيه خيط شكار

::-ولج نيران منو منهم الحسن

::-هذا الاسمر الاشكراني

::-الللله الاسمر الاشكراني بس شلون اسمر وشلون اشكراني