الضغط يولد الانفجار وكل من زاد حدهُ قـُلب ضدهُ
منار : البيت مخبوص وعمي رايح جاي وكلساع يتعاركون ياربي شيخلصها مااحب المشاكل
شيخلصها ونرتاح خرب روحك حسام يعني كاعدين وساكتين بأمان الله منين جبت هالمصيبه هايطلعت من الغرفه عيوني تدور بابا رحتله لغرفته وجان اسمع امي
_ابو حسام فدوه اروحلك البنيه مصيرها الزواج اول وتالي نزوجها ونرتاح من مسؤليتها وابنك مايلوحه شي بعد ليش مصعب الموضوع
_ انت صدك تحجين ؟ يعني ماتعرفين اذا راحت هيج شراح يصير وهمه شايلين كل الحقد يدمرونهااا وهي طفله وين تتحمل على موتي مااسمح الهالشي
_ياابو حسام البنيه ماتفيدنه تره خلتروح تسويلها عائله وبيت بعد وهم نرتاح من هالمصيبه
_اسكتتي وطلعيي من يممييي ولج عائله بهالطريقه راح تدمر حياة البنت افتهمي عاد وابنج التدافعيله هذا اذاا مااخلي يتحمل السالفه السواها
منار : اسمع حجيهم ودموعي نار على خدي
درت ردت اروح وصار صوت بالباب راسا ركضت ورحت للغرفه طفيت الضوه وغطيت وجهي وبقت دموعي تنزل وكوه لازمه صوت البجي سمعت الباب انفتح حاولت اسوي نفسي نايمه_ بابا حبيبتي كومي اشوفج بلا كومي سمعيني
شووخري هذا شوفي حبيبتي بنيتي لاتخافين ومعليج بحجي امج كتلج على موتي مايصير هالشي معليج بشي وحظري روحج بعد شكم يوم تبلش المدرسه حظري روحج وحققي حلمج معليج بالباقي انا احله ماشي بابا_ بابا والله امي تكرهني خلي اروح ميخالف قابله شمايصير عاد ماانجرح من ناس مااعرفهم امي جاي تاخذ روحي كلمااسمع شي منها ماريد ابقا اشوف كرها الي والله كسرة روحي من وانا طفله ليش هيج تضوج مني ليش
شوي وسمعنه صوت الباب راح بابا والخوف بعيونه
سوده عليه صارت بي خوفه الله لايوفقك حسام_هلا بابا شلونج شخبارج ليش مطوله هيج
منسه : هلا بيك بويه شلونك انت شخبارك انا عايشه بهالدنيا شمصخم حسام بعده ماشب وبلشت مصايبه الكاتلين روحهم عالولد شكالوا على هالمصيبه
بقيت صافنه وانا مقتنعه تريد تسمع امي متعوده عالالغاز التصير بين امي ومنسه وماجنت افهم شي الى ان وعيت وصرت اعرف انو امي كلماتحبل ببنيه تحاول تسقطها تكره البنات وهمها بس ولد بس بابا عكس ماما يفضل البنات يسمينه وصية النبي ويحبنه اكثر من امنه الجنه تحت اقدام الامهات لا والله جنتي تحت بابا شنو شايفه من امي انا
_ والله يابويه مادري شسوي بس ماانطي منار لو انذبح انا خلي هو يروح يحل مصيبته ياخذها شوف شيسوي
منسه : الله كريم بويه لاتضوج تنحل احسن مايصير بيك شي
شلونج يمه_شلونيي بعد اخوج راح يروح من ايدي ومحتاره بزماني
أنت تقرأ
غلطة منار
General Fictionهناك فتاة وكأن المصائب لا تعرف غيرها ، اصبحت ضحية كل نفس دنيئه وحياة تعيسه لا ملجأ لها ولكن اغلب الاحيان الانسان يكون السبب في تدمير نفسه وعواطفه تسيطر عليه يصبح الانسان حقير اتجاه نفسه قصه واقعيه في حياتنا والكثير في المجتمع يمر بنفس المواق...